Soda Mole Leo Filemon ¹ Soda mole neme Paulus,lahenda fo ara hukun hu fo tui beka Yesus Kristus, boema neme Timotius, ita torono nama heheren, fe leo Filemon fo ita toronon, boema tia lai mana malalau mana o ono fo ami sue. ² boema leo ita toronon ina Apfia boema Arkhipus, ita torono fo sama-sama, boema leo lahenda kamahere fo ndia ara rabubua rai o uma ma. ³ susue lalai ma soda mole ua nale tetu tema neme ita Ama Manetualain boema neme Ramatua Yesus Kristus bati neu o. ⁴ nai huhue haradoi ka dale au hue makasih dodou neu fai fo au asa neda neu emi. ⁵ Hu fo au amanene emi mamahere ma manu Ramatua Yesus susue na, neu basa-basa lahenda makamoi. ⁶ Au hule haradoi fo ela emi mabubua nai nama hehere dale, fo dadi malole. boema talela neu basa hihi nanau malole fo ita hapu neme Kristus mai. ⁷ Au amaho,o an seli, hu no torono ka susue ma. Boema ma fofoa fali basa-basa lahenda kamahere dale nara . ⁸ Au anu amahere matea nai Kristus dale, bomo au afada emi moi tao nonoi tatao. ⁹ Tehu no susue lalai malole, boema au hu,e neu emi. Au ia Paulus fo au nai lasi daen, huku au hu no au tui beka Ramatua Yesus Kristus dedea na ¹⁰ Au hu,e ko soa neu ana ka Onesimus, ndia au hapun. nai fai fo ara be huku au a. ¹¹ Maulu na nana papake ta neu o, tehuu besa kia dadi papake so, soa neu o ma Au. ¹² Au adenu fali, Ana susue ka fo leo o neu. ¹³ fo leo tuka matetu na sono au bete naun fa, fo ela ana leo no au, fo ela ana nalalau au nai penjara dale hopu Ramatua Dedea Nafada. ¹⁴ Au ae leo na te kalau o ta naun fa sono au boe ta akaseti ko boe, fo ela hata malole fo emi taon, boso moi taon no nakaseti, ela no dale malole. ¹⁵ Onesimus la,o ela emi lalai dei, fo dei fali main losa dodo na neu. ¹⁶ tehu ta dadi sama ata a so, te dadi neu emi torono susue male. ta neu kada au fa te neu o boe, nai soda popora. boema nai Ramatua dale. ¹⁷ kalau emi sipo au nana lahenda mana tui mana beka Ramatua dedea nafada na, sono sipo Onesimus sama leo Au boe. ¹⁸ Kalo ana Tao sala do nahuta o sono mafada au fo dei au baen. ¹⁹ Au ia Paulus, Au ndia dui susura e, Au bae etu emi huta mara nai au, tehu au ta afada o ae mahuta ubea fa, te kada noi o soda ma. ²⁰ Torono kon, ela nai Ramatua dale au hapu o susue ma. bomo matetea au dale ka nai Kristus dale. ²¹ Au bubulu o mahmahere au, bomo Au dui susura e fe o, te o moi tao lena hata fo au hule a. ²² Besa kia nana o siap ela au kama lalai dei, te Au amahere nai huhule haradoi ma, neu ko Au fali selu leo o mai. ²³ Epafras, Au torono fo ndia huku sama-sama ami nai penjara dale hu fo Yesus Kristus, soda mole neu O. ²⁴ Neu Markus, Aristarkhus, Demas, bomo Lukas au nono mana malalau kara. ²⁵ Soda mole neme ita Ramatuan Yesus Kristus mai, nabua no emi nai dula dale ma.