MAJUS GONONG YESUS GENG SOMBAH ¹ Yesus nama Betlehem Yudeami gogajali,Raja Hero des gaparenta gomi,Majus gonong moe fid madang gegoa,ging Yerusalem mi adu. ² Ging taganing se bola, "Ae mana tata'angmi, Gengba raja Yahudi, nama ahifede ugajali anga? Ning moe fid madang gegoami, uling ga id geli jema, anga gelangba ning bola adu Geng somba." ³ Oras Ra ja Herodes gang hur anga umagia angmuse, geng oli miama Yerusalem gamanu sia ginang ajimi giomi anga susa talalu. ⁴ Ang muse gang anga mi Barate gakapalang,oli Taurat gaboma, abang go mimi anga ajimi ging kum pul. Sengmuse Gang anga mi gieteng sebola Kristus anga nama ae miama ma na tata'angba mi gogajali. ⁵ Ging anga mi giala tu tuk sebola, "Moe Betlehem Yudea gegoami, tami nabi gonong ae tulis sebola: ⁶ 'Emba Betlehem Yuhu da gapalika, eng anga ka ol talalu banaga, a'e Yahuda gaparenta gahahamami, engmi angaba nama anu kuli ihahama angami ba kung mate parenta puni, Gang kuli Israel gamanusia anga gonong,ging terang." Mikha 5 : 2 ⁷ Angmuse Herodes angami takimang-takima ng majus gamanusia anga gonong giagang,gang ang mi taganing miama id'ba ging uling geli anga gada ng. ⁸ Angmuse gang angami giohi Betlehem gadang jema, gang giala tutuk sebo la," Ing jema Fal kalokul anga Geng parisa nua-nua. Ing kalo Geng ha rak jema, angase Ing bale nola adu miama nala tutuk, anghise nendi jema Geng somba." ⁹ Ging raja gahur anga umagia sengmuse ging angmi jema. Uling id'ba ging fid madang gegoa mi uling geli anga gifiag tula. Ging lamal sampe jema Fal kalokul ba a'e ta jia anga gadangmi gadili. ¹⁰ Ging uling fal kalokul anga geli angmuse, giomi anga sana ng oli ging mang tang usuka unafera ¹¹ Ging e'gomi maso sengmuse, ging fal kalokul oli miama Maria,gifa gala ging harak. Sengmuse ging angmi giaka phung mudi ng tarus Geng somba.Ging angami sadaka gemana anga buka,sengmuse sada kaba ging phana anga ging miama Magenang, phena ngba mas, kemenyan, oli mur gala. ¹² Nama jal gomi mia giala tutuk sebo la, Ging ake bale Herodes gadang jema ganang, ibase fiag ebengba galuali bale ii abangmi jema. PARENTA GIOHI E'HI MESIR GADANG JEMA ¹³ Majus gonong ging lamal jema sengmuse, La hatala gamalaikat adu, jal gomi miama Yusuf gala tu tuk sebola, "Nuaba mate, Fal anga miama gifa gala ehi Mesir palika tang jema, mo mi miha, sampe Nang bale iala tutuk,sebab Herodes ae fiag gola bola, Fal anga genetamina." ¹⁴ Angmu se Yusuf angmi kakua gomi mate, Fal anga miama gifa gala, giala ehi moe Mesir palika leta tang jema. ¹⁵ Ging angami miha sampe Herodes amina, Anga hise fermanba nabi gonong uba gang anga gene gakanap mi sebola: "Moe Mesir palika tang Nang Nafal Ga'agang." Hosea 11 :1. BETLEHEM GAFAL AMU AJIMI NAMA GIENE TAMINA ¹⁶ Angmuse Herodes pikir sebola Majus anga gonong ga'ali jema,anga gelang gang tatabi gomi kalila. Anga muse gang ang ami parenta, nama gohi fal amuba moe Betlehem mi, nagaba oli abang-abang ba ae gabung jia anga ajimi gene tamina, mulai fal tung alo gadumang goa, mulai oras majus gonong gi adu gomi angami taganang. ¹⁷ Anga hise,neningba nabi Yermia ubagang anga jema gakanapmi: ¹⁸ Nama gamang anu Ramami nang umagia' Ko umatuaki-umatuaki, Rahel gang gafal gonong gako. Nama gasenang jadi bana ga,sebab gafal gonong ae banaga jema. PARENTA BALE ISRAEL GADANG JEMA ¹⁹ Jema Herodes amina seng muse,Lahatala gama laekat adu gafak miama Yusuf ugatubing jal gomi, Mesir palika tang, ²⁰ Uba gang sebola,"Nuaba mate, Fal anga miama gifa gala moe Israel mi jema,sebab namaba bola Fal genetami na phenang amina jema." ²¹ Angmuse, gang mate Fal phenang miama gifa gala bale mate Israel abang gadang jema. ²² Agani ibase gang umagia sebola Arkalaus ba Yudeami gimang Herodes geng tilal parenta puni, ang a gelang Yusuf gaphukang mali, gangka angmi jema banaga. Gang oli gajal anga ugeling magala, anga ge lang gang Galelea ba mije ma. ²³ Yusuf jema moe abang anu gane Nasaret angami miha. Anghise nabi gonong gihur anga gaka napmi, Nama kuli ubaga ng sebola, Yesus anga Nazaret fal."