YESUS SABAT GAFID GA TANG GOA ¹ Oras anu, Sabat gafid gadang, Yesus gandum ila dagal gafiag galuali, gasa kola gonong malapal anga gelang, ging angami gan dum gahi aturi, seng muse ging kede. ² Anga gela ng, Farisi gamanusia uling geli. Angmuse ging angami Gala tutuk ubaga ng bola, "Uling Asakola gonong ang a ilba nama larang bola ukarajang ganang ibase, ging ukarajang, fid anga gadang Sabat gafid. ³ Tarus Yesus angmi giala tutuk, "Ingka perna basa bado, neningba Daud ukarajang, mianu Geng oli namaba galuali anga gono ng malapal, ⁴ angmuse gang E'Hamolang gomi ma so, sengmuse gang roti ha molang anga mia kede, pa dahal roti anga nama lara ng, namaka sama kede ba naga, oli nama tohing raiba gala topuni lamal angadi kede, pada hal barate gono ngba bisa roti anga kede? ⁵ Nagaba ing perna ae Torat gaparenta anga basa sebola, Sabat gafid gadang barate gonong di a'e E'Ha molang gomimi ging lang gar, ibase ging ka gahala banaga? ⁶ Anga gelang Nang miama ila tutuk, Geng ba lebe miphal dari E'Ha molang anga gie adi mi. ⁷ Anga gelang ing kalu gamangarati anga geli je ma:Phenangba "Neng na mau anga, Tomi miama tajajahi, joaka sadaka bana ga', Ingka biasa namaba nua ukarajang anga ging hukung jadi banaga. ⁸ Sebab Manusia Gafal anga Sabat gafid Ga Laha tala." YESUS NAMA GAHONING SABAT GAFID GADANG ⁹ Ging mana anga uha pha sengmuse, Yesus jema sampe gi e'sambajang go mi, ¹⁰ Ging ulingse nama amu anu a'e ibase, gatang kifil. Ging angami Yesus ge teng bola, "Angase Sabat gafid gadang adi bisa na ma gahoning e'naga?" Ging taganing agani anghise ging bisa Yesus Geng gene gahala. ¹¹ Angmuse Gang anga mi giala tutuk, "Ihahamami adi nama alalang ba, gajum ba fal anu ae, jumba anga naphuak gomi mugu hela Sabat gafid gadang, tarus gangka gieng miama gauli ng banaga, oli ging ka hela gala mada banaga? ¹² Manusia anga gaphili lebe miphal kalo miama jumba fal umega. Anga gelang nu a hama anga bisa ukaraja ng masiking Sabat gafid gomi. ¹³ Angmuse, Yesus na ma keta anga gala tutuk, "Atang taning ma, "Angmu se gang gatang horuk, Gang angami gahoning, ga tang phenang mona garu pa gatang edeng molo. ¹⁴ Agani ibase Farisi gama nusia, angami mate jema, sengmuse ging tomianu Geng lafang.Ging bola gene tetabani senghise ging bisa gene tamina. YESUS LAHATALA BA GENG UOLU ¹⁵ Ibase Yesus giomi geli, Yesus mate mana anga uhapha.Nama tohing galua li, angmuse, Gang ginang ajimi gihoning ging gene mona. ¹⁶ Gang giala tutuk bola, giohi ake Gafak phahi anga ake miama na ma ugatubing ganang. ¹⁷ Il adi malekang jadi ang a hise Yesaya gatutuk gene gakanap mi. ¹⁸ "Ieng uling Namalal ba Nang uolu jema, Nang nomi miama gajahi, Geng angaba nual magang Geng suka. Nang Na Eang miama Geng tang, anga gelang Gang kuli il molo -molo angba phana bangsa bang sa ebeng ugitubing. ¹⁹ Gangka lafang bana ga, nagaba oli kalili bana ga, anga gelang nama anu di ka fiag gomi gamang umagia banaga, ²⁰ Oli ga mudi ba bola lafak hika di Gangka gahika phei bana ga, oli sumbu ba alolang kamandil bola amina, Gang ka gene tamina banaga. Gang ukarajang sampe il mamolo amba menang. ²¹ Oli Gane gomimi anga ba bangsa-bangsa ebeng Geng mi kakubal." Yesaya 42:i-4. YESUS GAKUASA ANGA EANG HAMOLANG MI ADU ²² Ukaruang dinagase nama anu setang gomimi miha, anga gelang, geng te ke, oli hur gahala, nama ga la Yesus gola adu. Ang mu se, Yesus gahoning gang mona.Angmuse nama ge' ng teke oli hur gahala phe nang angmi tutuk e' uling ²³ Nama ajimi herang, ging oli taganing sebola, Geng adiba Daud gafal?". ²⁴ Agani ibase, Farisi ga manusia umagia ubagang sebola, "Nama adi Gangka bisa setang gatiari jadi ba naga kalo, Gangka setang gakapalang gakuasa anga pake banaga." ²⁵ Yesus giganukung geli anga ge lang, Gang giala tutuk bola, "Abang anu gamanusia, ma te abang anu gamanusia gala tota, mi tatara tegapa lang, Nagaba oli e'gomi anu gamanusia ging mate tota orang miama tatadang, ang ase, abang nagaba oli e'ang a gangka mate anamang banaga, gang kuli tarikil. ²⁶ Agani dise, kalo iblis mate iblis gatiari, ging kuli tatara, karna ging mama ung tota.Kalo agani jemase tetabanihi giabang gilelang anga bisa tahang? ²⁷ Kalo Nang setang gakapa lang pake setang gatiari, gatiari, angase ifal gonong oli naneningba pake mia ma setang anga gatiari? Anga gelang gingba mia ma ihakim gene. ²⁸ Agani ibase kalo Laha tala ga Eang Hamola ng gomimi Nang setang gatiari, angase Lahatala ga'abang iola adu jama. ²⁹ Nagaba oli nama anu, gang bola nama kuat ga e'gomi maso, gomi bola gail phohing anga rampas, gang malekang nama kuat anga geng pata matulahi? Senghise gang bisa e'gomi gail phohing anga rampas. ³⁰ Nama alalangba ka nala topuni banaga angase gang Neng lafang. Oli nama alalangba ka nala topuni il kumpul banaga, angase geng angaba il gene tatara. ³¹ Anga gelang, Nang mia ma iala tutuk, namaba manu sia gahula anga gauampo u, ibase namaba Eang Hamolang gahula anga gauampo ka ubana ga, ³² Oli nama alalang ba tutuk miama Yesus la fang angase gauampo u, aga ni ibase nama alalang ba tutuk miama Eang Ha molang lafang angase gau amppo ka ubanaga, mau oras adi gomimi, nagaba oli aras ae majia gomimi." TE GAHI PING GELI ANGA SE TE GANE DI PING GELI ³³ "Kalo te'anga nua anga se gahi angadi nua, aganidise kalo te' anga phe la angase gahi angadi phela. Sebab te anga nama bisa gane geli kalo nama gahi anga geli. ³⁴ Hai ing ba mong kaming gamanu sia, tetabani senghi ing ba nama phela adi ing bisa il nua ututuk? Karna ilba pio mi gomimi mada angaba, piagmi ututuk. ³⁵ Nama nua, il nuaba gang talokul mega, angaba gang ututuk, oli nama phela, angase il phelaba, gang talokul mega gelang, angba gang ututuk ³⁶ Anga gelang, Nang mia ma iala tutuk, masiking hur phela ol edeng kakelang giag mi kaluar, ging malekang hur gabale anga jawab miama hakim genang. ³⁷ Sebab pitutuk piubagang angaba, ping gene molo, oli pitutuk piubagang gomi angaba oli ping phana hukung gadang jema. FARISI, TAURAT, GAMANU SIA TANDA BAGANG ³⁸ Angmuse Taurat oli Farisi gamanusia ging adu Yesus galatutuk, "Guru ning bola Abung tanda anu Ang miama nitubing, ³⁹ Agani ibase Yesus giala tutuk ubagang sebola, "Hai ingba nama phela gatapha nang, oli buha pusi, ing tan da anu bagang, ibase tanda anu kakelang di Nangka mi ama magitubing banaga, su ma nabi Yunus gatanda. ⁴⁰ Sebab emanghula Yunu s ab gotok gomi galuang kua iliali fid atoga gomi, aga ni dise oli Manusia Gafal angadi, kuli ae meke kakua takimang gomimi galuang il kakua atoga oli iliali atoga gomimi ⁴¹ Niniwe gamanusia mia taphanang oras adi ga la topuni mate, sengse na ma adi gonong ging parisa, sengse ging nama hukung, sebab ging giafak ubaruati sebab ging Yunus gahotba anga umagia, Oli ieng uling, Nama anu lebe miphal Yunus anga gie adimi. ⁴² Ratu poe palika giat goa adu, mate miama bada adi gala hama-hama adu, ga oras nama hukung, anga gelang ging hukung mia gidang, sebab gang palika topol tang adu bola salomo ga hikmat umagia.Oli uling Gengba lebe miphal Salo mo anga gie adimi. MANA PHOHING ANGA GABAHA YA U' ⁴³ "Eang phela, manusia gomimi kaluar sengmuse, gang lamal manaba gajial ka ubanaga migadili, ibase ka harak banaga, ⁴⁴ Ga ng tutuk sebola, nang bale na'e ba nang mi kaluar je ma anga bale mijema.'Gang jema sampese, mana anga phohing, nama sapu hamolang, oli e'gomi nama upiling enas. ⁴⁵ Angmu ue eang phela phenang angmi jema Eng phela gae beng ginang phiti toga mi namul magala, sengmuse ging angami maso gimana mimiha.Angmuse nama anga garupa lebe minamul dari gahalomang anga. Agani dise keadaan garupa gagiani adi jadi miama ta phanang phela adi gidang. " YESUS GA KELUARGA GAMAMOLO ⁴⁶ Uling Yesus do'ae mate nama tohing rai gala tutuk jia, ging ulingse gifa oli gakaku gonong ging ae balelangmi mate jia, ging bola tetabanihi bisa gala tutuk, ⁴⁷ Angmuse nama anu gala tutuk bola uling, ifa oli akaku gonong, ging adipo balelang gomi mate jia, ging bola giafak ugape Ala tutuk." ⁴⁸ Agani ibase, Yesus hur balas miama namaba gala tutuk anga genang sebola, " Nama alalang angba mia ma nifa, nimang oli miama nakaku gene?" ⁴⁹ Gang gatang anga miama gasa kola gonong tang mega, sengmuse Gang ubagang bola, "Ging adi gonongba Nifa oli Nakaku. ⁵⁰ Anga gelang, nama alalang ang ba, Nimang gamau toe sur gami ukarajang, geng ang aba Nakaku hial oli Nakaku amu, oli geng angaba Nifa.