NAMA TENG TAGANANG GAHAHAMI YESUS UGAJALI ¹ Oras anga gomimi, Kaisar Agustus gang paren ta kaluar nama gohi nama gatohing taganang gie du nia adi miaji. ² Adiba na ma tengtaganang haloma ng-halomang gie dunia tang. Oras anga gomimi. Krinius ba Gubernur moe Siriami. ³ Anga gelang manusia ajimi bale giaba ng gilelang gadang jema, nama gane miama daftar mi tulis. ⁴ Yusuf di mate Nasaret, Galelea kota anga uhapha, moe Yudea Daud ga'abang gane Betlehem gadang je ma, sebab geng anga Daud gataphanang, ⁵ Anga hise, Maria Yusup gatenang eli ba a'e aphor jia angadi, gibalapi gene miama surat mi tulis. ⁶ Yusuf, Maria gibalapi je ma moe Betlehem sampe, Maria gaoras ajali adu ⁷ Maria fal amu ba'anu ugaja li, fal gahalomang. Gang mate ilphaha miama Geng baloli seng muse, gang ma te miama binanta gaparak gomimi gata, sebab laku gomiba bohula ging bisa migadili, oli fal miama ma mi gata anga ka ubanaga. TERANG FALA JEMA YESUS GA ULING ⁸ Manaba angmi tabung jia anga, terang fala adede ng a'e angami, gijumba ja ga jia, il kakua gomimi tere ng anga gadang. ⁹ Uka ruang dinagase, Lahatala gamalaikat a'e gihondal goa angami mate jia, oli Pimanaking galiali hela ging goleng ging phalaphal anga gelang ginang ajimi tatabi baruati. ¹⁰ Angmuse malaikat phe nang giala tutuk uba gang bola, "Ake baruati ganang, umagia, Nang hur nua ha ma, sukanafera, pha na adu miama bangsa aji mi giala tutuk. ¹¹ Fede fid adi Kristus Lahatala sala mat ga'ejel gamanaking moe Daud ga'abang gomi mi ugajali jema ¹² Il adi ba miama gatanda gene, Ing kuli fal kalokul anu ha rak, nama basang karita ba miama Geng baloli, sengse nama oli Geng miama bina ngta gaparak gomiba miga ta." ¹³ Safaka dinagase mala ikat bakang phal anu, sorga gatentara, ging dal phuhi Lahatala tajaning palefang, ging ubagang sebola, ¹⁴ "Tajaning palefang miama Lahatala genang, toe mana gatelami,suka nafera gie dunia tang, miama nama alalang angaba Gang gomi anga miama gajahi." ¹⁵ Malaikat mate terang fala giohpha, tarus toe bale sorga mimida. Terang fala phenang mate gitala tutuk ubagang bola, "Ma'e ping Betlehem mi jema, ilba moe jadi anga gauling, sebab Pi manaking gamalaekat mia ma piala tutuk jema." ¹⁶ Angmuse ging laju-laju ma te jema, Maria, Yusuf oli Fal kalokul ging harak. Gifa a'e fal kalokul anga miama bi nanta gaprak gomimi gata. ¹⁷ Terang fala phenang je ma ging harak angmuse, hurba malaikat tutuk mia ma fal kalokul gadang ang a ging ajimi usarinta. ¹⁸ Nama ajimi angami anga umagia angmuse ging he rang, sebab hurba terang fala usarinta anga gelang. ¹⁹ Agani ibase Maria hur anga ajimi miama gomimi talokul mega, gang upikir tarus. ²⁰ Ang muse tera ng fala phenang, angami mate bale gijumba fal anga gonong gola jema. Ging Lahatala Geng tajaning palefang, sebab il anga ging uling giengtang geli, oli hurba miama giala tutuk anga. ²¹ Jema fid tulalo gomi mi, ging bola fal gala jema Geng sunat, ging gane uba gang sebola, gane Yesus, tami ganeba malaikat mia ma gala tutuk oras Gangka a'e gifa gotok gomi bado anga ugaluali.YESUS NAMA GALA E'HAMOLANG MI JEMA ²² Fid fid ba bola gafak gene hamolang gaumate mi, Musa gaparenta ugalua li, Maria Yussuf gibalapi Yesus gala Yerusalem mi jema, bola Yesus miama Pimanaking gatang gomi gamugu, ²³ emang hula Musa uparenta a'e Taurat gomi anga ugaluali, "Fal amu gamatu ba ugajali angase geng gene hamola ng, miama pimanaking ge nang ²⁴ Anga gelang ging malekang sadaka mia, emang hula ae Taurat gomi tulis anga gajoang, phena ngba aduang u'lo gafal alo phana. SIMEON HANA GING YESUS HARAK ²⁵ Nama amu anu gane Simeon.Geng moe Yerusalem mimiha. Geng anga nama hamolang, gang miha Laha tala gapalaki sebola, nama anu kuli adu Israel giomi ge ne gasanang anga gapil, ²⁶ sebab Eang Hamolang gala tutuk jema.Oli Eang Hamola ng ubagang sebola, gangka amina bado kalo Kristus Lahatala Geng uolu, gangka Geng harak bado. ²⁷ Angmuse Simeon e' Ha molang gomimi adu, Lahata la ga Eang Hamolang gomi mi. Oras Maria Yusuf gibala fal kalokul gala e'Hamolang mi jema, emang hula ilba a'e Taurat gomimi ubagang ang a gajoang. ²⁸ Angmuse Simeon angmi fal kalokul phe nang gaphanang, Gang Laha tala tajaning tutuk sebola. ²⁹ "Sekarang, Nimang Nalahatala, Ang ujali amalal adi bale suka nafera gomimi bale jema Amang Hamolang anga ugaluali. ³⁰ Sebab Nang gie asala mat phenang uling neng tang geli jema, ³¹ tami ang usadia miama bangsa ajimi gahondal goami: ³² Phenangba, liali ba ang usadia miama bangsa-bangsa ba'ka uling Lahata la geli bado anga gadang, Oli miama Israel gafal gidat ganua hama gene." ³³ Yusuf oli fal kalokul gi fa gibalapi herang, karna ilba Simeon tutuk ubagang miama fal gadang gelang. ³⁴ Sengmuse Si meon berkat bagang miama Fal anga gadang, gang Yesus gifa gala tutuk sebola, "Uhalela, Fal adi nama utan tu miama Israel gamanusia tohing rai gimugu, oli ging bakung mate, oli miama tan da anu gafagi, nama tohing Go'orang'. ³⁵ Oli miama kalang magang gafagi mia nama ging tei, angahise na ma tohing rai giomi anga Gang bisa tabuka. ³⁶ Momi di nabia anu mo e, gane Hana, Fanuel gafal Asyer ga'abang gomi, geng matul talalu jema, gang gana ming gala nika galuang aphe tal tung phititoga, ³⁷ Seng muse aphetal miama hial ka lal gene sampe tung kartula lo falung phuta. Gangka Laha tala ga'e miama gatajobing gene banaga, Geng anga sam bajang iliali il kakua, sengse gang oli puasa dimagala. ³⁸ Fid anga gadang, Hana di adu sambajang Lahatala ga nua hama ubagang, Gengdi bola Yesus usarinta miama nama tohing rai genang. Le be-lebe gingba a'e miha Go baing bola Gohi Yerusalem gadosa uampo magina ng. YUSUF OLI MARIA GING BALE NASARET MI JEMA ³⁹ Yusuf Maria gibalapi il-il ajimi ukarajang emanghula Lahatala parenta maginang gajoang, sengmuse ging bale gi'abang gamamolo Nasaret mijema. ⁴⁰ Fal kalokul phe nang philing tang phaphal oli kuat, Lahatala gahur dal gomi mi afing jia, Lahatala berkat mia Gengtang. YESUS E'HA MOLANG GOMI ⁴¹ Tung kakanap Paska gafid gadang, gifa gimang moe Yerusalem mijema. ⁴² Yesus ga'umur tung 12. Ging momi jema fid phal ga hada ugaluali. ⁴³ Jema pes ta gaumatemi muse, ginang ajimi bale jema, ibase Yesus moe Yerusalem mimiha, gifa gimang kageli banaga. ⁴⁴ Sebab ging pikir sebola Gang do'ae nama tohing rai miga gau a'e giluali. Anga gelang ging lamal tarus sampe fid anu gasudi. Angmuse ging angami gijoa giedeng gaha hamami lamal gola, oli keluar gaba ging tobiasa gomi anga mi lamal Go taganing. ⁴⁵ Gingka Geng harak ba naga anga gelang, ging bale moe Yerusalemmi jema gola. ⁴⁶ Ging lamal gola fid ato ga gomi senghise, ging Yesus harak moe e'Hamolang gomi mi, Gang a'e guru-guru aga ma gihahamami miha, gio ha lela;sengse Gang oli a'e miha gieteng jia. ⁴⁷ Nama tohing ba Gohalela anga ajimi tatabi herang, karna gapintar, oli ga taganing, sengse oli Gahur ja wab miama maginang anga. ⁴⁸ Gifa gimang uling geli angmuse, gingdi herang. Ang muse gifa angmi geteng, "Nafal, getabaniba ang karaja ng gagiani miama nidang? Imang nibala talalu sape, ning lamal olaba, adi." ⁴⁹ Yesus angmi hur gabale mia ma maginang bola, "Getaba niba ing lamal nola anga? Ing geli sebola Nang gie Nimang ga e'mi? ⁵⁰ Agani ibase, hurba Gang miama giala tutuk anga gingka mangga rati banaga. ⁵¹ Seng muse Yesus ang mi bale mate ga'orang tua galuali ging bale Nasaret abangmi jema. Agani ibase hur ajimi anga gifa miama gomimi talokul mega. ⁵² Yesus philing tang phaphal, oli tang manggarati, Manusia oli Lahatala di Geng suka.