YESUS OLI ZAKEOS ¹ Yesus jema moe Yeriko abang mi maso bola lifat ² Moe momi anga nama amu anu gane Zakeos. Geng anga Pajak uolu gaka palang, oli geng kafasa talalu. ³ Geng di bola Yesus gau ling ibase jadi banaga, sebab nama tohing nama geng haphal; gang tapho kang talalu. ⁴ Zakeos ehi migatula nama tohing giha hamami, gang agoamahi anu moda mida tang miha bola Yesus gauling, kalo ga halang Yesus angami lifat. ⁵ Pas Yesus jema Zakeos gabungmi angmuse, Gang dokang mida gala tutuk ubagang bola, "Zakeos nua ba hela, Nang fede fid adi a'emi gadili." ⁶ Angmuse Zakeos phenang hela tarus gang Yesus tarima, gomi ta tabi mang sanang. ⁷ Aga ni ibase, nama tohing rai anga uling geli angmuse, ging giomimi bungbang gene, tutuk ubagang bola, "Getabani ba Geng adi bisa nama phela gahalang, oli nama dosa gane garupa agani di ga e'mi gadili." ⁸ Angmuse Zakeos anga mi mate, gang Yesus gala tutuk ubagang bola, "Tuhan, Eng uling, nabisa nakafasa adi, gabar edeng nang miama nama masiki ng upaul.Oli nang kalu a'e nama gia'ali giala leko, ang ase, nang bale holong magi nang milipat bakang phuta ⁹ Angmuse, Yesus angmi Zakeos gala tutuk, "Mulai fede fid adi gomi salamat a'e gomi tang adu jema, sebab geng adidi Abraham gafal gidat. ¹⁰ Sebab Ma nusia Gafal ga'adu ga'ma gomimi anga Gang nama phela, oli namaba fa il uga hala angaba gola gola." MALAL KALAKA OLI MALAL BA PHELA ¹¹ Ging do a'e hur anga uhalela jia, Yesus angmi koli tutuk anu miama sarinta anga uhamoga, sebab ging lamal jema moe Yerusalem abang gabung jema. Oli ging pikir sebola Lahatala ga'abang anga do'ae adu apal-apal jema. ¹² Agani anga gelang, Gang angmi tutuk ubagang bola, "Raja anu gang mana letami je ma, nama bola geng phuhi miama raja gene, senghise gang bale adu. ¹³ Sengmuse boma ang a, gang gamanusia nama karanu uolu, tarus gang mo ndal karanu miama nama ananu genang.Sengmu se gang giala tutuk ubagang bola, 'Seng adi phana daga ng sampe nang bale adu, ¹⁴ Agani ibase gia bang gilelang gamanusiaka geng suka banaga, ging gi manusia panatu jema.Gije ma gomi anga ging ubaga ng bola, "Ningka nama adi suka miama niraja gene ba naga." ¹⁵ Nama geng phuhi jadi raja, sengmuse, gang mate bale adu, gang gamanusia geng gahing giohi jema, namaba gang seng mia giopaul anga gio hi adu geng harak, anghise gang bisa geli, gauntu ade dengba ging dapa jema gidagang gomi angami. ¹⁶ Balenta fala gahalom ang adu ubagang bola, Nim ang seng anu phenang nang gabuala seng karanu magala. ¹⁷ Rajaphenang angami gala tutuk ubaga ng bola, enas, eng adi nana ma nua, eng adi masiking il hingkul edeng, ibase ang ukalaka, anga gelang eng abang karanu uparenta.' ¹⁸ Balenta fala gamialo di adu tutuk sebola "Nimang seng anu ba ang miama mameneng phena ng nang gabuala jadi seng afehang ¹⁹ Angmuse Raja phenang gala tutuk bola, Eng adi abang afehang uparenta," ²⁰ Gatang mate balenta fala anu oli adu ubagang sebola, 'Nimang adi aseng hingkul 1 phenangba adi, nang miama saputangan gomimi mega ba'adi. ²¹ Nang ophaliling, sebab eng anga nama kafasar, Eng anga ilba angka talokul me ga banagadi ang bisa mia, oli il ba angka muding ba nagadi ang bisa ganhi olu.' ²² Ang muse raja phena ng angami gala tutuk, 'Adi se nang enghukung atutuk aubagang anga ugaluali, hai engba nama phela! Jadi ang geli sebola neng adi na ma karas, ilba nangka talo kul banaga di nang bisa mi a. Oli ilba nangka muding banaga di nang bisa gahi ka? ²³ Kalo ang geli aga nise, getabaniba angka na seng anga miama namaba seng galolang genang ang hise oras nang adu angase, nang bisa naseng anga mia ma gabunga digala bale mia?' ²⁴ Angmuse raja phena ng angami mate nama phe nang gala tutuk sebola.Nua ba namondal ba gabung anga mia, sengse miama na maba gamondal karanu anga genang,' ²⁵ Agani ibase ging Raja anga gala tutuk bola, 'Nimang, nama anga geng gamina karanu ba'ae geng 'u ²⁶ Angmuse raja anga uba gang bola, namaba il a'e geng u angase nama miama mage nang milebe magala, agani ib ase namaba ilka a'e geng ub anaga, angase ilba a'e geng u anga ajimi nama bale mia. ²⁷ Agani ibase namusu ba bola neng ake miama giraja gene ganang, giala nola adu, sengse ging miama nahonda l goami adimi giene tamina." YESUS NAMA GENG SONGGAR JADI RAJA ²⁸ Yesus hur anga ubaga ng sengmuse Gang gatula moe Yerusalem mi jema. ²⁹ Gang jema moe Betfage abang Betania abuka anu ga ne, Zaitun abuka gabung. Ang muse Gang sakola alo ging gahing. ³⁰ Gang giala tutuk bola, ing fa abangba iomi goa jia angami, ing abang gomi maso ieng ulingse keledai fal anu nama ae anodu mate jia, namaka tang lamal bado, ga hial anga uahiaka phana no lama. ³¹ Kalo nama joa iete ng ging ubagang bola, 'Geta baniba ing keledai gahial ang a uahiaka? Angase ing giala tutuk ubagang gagiani; "Tuhan gang parlu." ³² Angmuse sakola alo phe nang angami bale jema, sengmuse meningba Gang ubagang anga, ajimi tatabi jadi emanghula Gang miama giala tutuk anga gajoang. ³³ Ging do keledei gahial anga uahika jiase gamanaki ng ma taganing sebola, geta baniba ing keledai fal gahial anga ahiaka? ³⁴ Angmuse ging ubagang bola Tuhan ga ng parlu. ³⁵ Angmuse kele dei fal phenang ging phana Yesus gola adu. Ging mate pakiang miama gamota tang angami galala, seng muse ging Yesus gohi mida keledei gamota anga tang miha, ³⁶ Yesus mulai fiag angami lifat ging gipakiang phana fiak anga gomimi piapi, gang angami tang lifat. ³⁷ Yesus jema moe Yerusa lem gabung, phenangba fiag ba bola Zion abuka gegoa he la, namaba gala topuni ajimi dal phuhi Lahatala gane taja ning, suka nafera giamang gene pal-pal. Ging Lahatala geng tajaning palefang sebab, il geng ajaji gingka perna uling geli bado angaba ging uling geli. ³⁸ Ging agang moring ubagag sebola, "Berkat miama Geng tang, Gengba adu miama Raja gafa gi, Lahatala gane gomimi adu Suka nafera sorgami, taja ning palefang toe mana gate la-gatelami!" Mazmur 118 : 26 ³⁹ Farisi gamanusia gin ang adedeng nama tohing rai gahahamami, ging Yesu s gala tutuk bola, "Guru asa kola anga gihapa." ⁴⁰ Ibase Yesus ubagang bola, "Nang iala tutuk, ging kalo takiman angase, falba meke tang haru adi gonong ging bisa Lahatala tajaning." YESUS YEUSALEM GAKO ⁴¹ Yesus jema moe kota Yerusalem gabung angmu se, Gang kota anga gauling angmuse Gangko. ⁴² Ga ng tutuk bola, "Kalo fede adi ing gelise bola naneni ng suka naferaba ing tang adu, agani ibase il adi taphu ning miama ieng gadang. ⁴³ Sebab gaoras kuli ing tang adu, iphalong gonong ging kuli aduma, sengse ging tembok miama haka gene ing goleng ing phala phal, miama mana ajimi kanap ⁴⁴ Ging kuli ajahi ng ang rafak. Eng oli afal go nongba ang atembok mia ging gabang. Gingka uling eli banaga, tembok gafal anu kakelang dika a'e tenta ng piling piling miha bana ga eng u', sebab ingka gao rasba Lahatala utantu bola gohi ing tang aduma anga ingka uling geli banaga." NAMA E HAMOLANG GOMI IL APHALI YESUS GITIARI ⁴⁵ Angmuse Yesus anga mi namaba e'Hamolang go mimi il aphali anga gitiari giohi kaluar. ⁴⁶ Gang gia la tutuk ubagang sebola, "Ae tulis ubagang sebola; 'Na e'anga miama e'samba jang gene, Getabaniba ing miama phalong ga'e'oli na ma il rampas ga'e' gene." ⁴⁷ Yesus angami E'Hamo lang gomi nama ajar, fid kaka nap. Agani ibase bara te gaboma, Taurat gaboma, oli abang anga gakapalang gonong gala, ging fiag gola bola Yesus gene tamina. ⁴⁸ Agani ibase ging bola te tabani senghise bisa gene tamina, sebab nama ajimi Gahur anga puni anamang oli Geng parsaja.