NUA HAMA PHAL-PHAL ¹ Anga gelang, ping male kang piafak ujaga-jaga, ne ningba ping uhalela uma gia jema anga gauling, ang hise ping ake tang halu mi hola ganang. ² Kalo malaikat gifomu ng anga, tatabika ga buala banaga, oli nama ba phela gahalang ukarajang anga se ging kuli gahukuman ta madi dapa, ³ angase teta bani senghise, hukuman anga bisa piohapha, kalo pingka gamau anga uhale la umagia banaga? Penang ba salamat gafiagba halo mangmi Yesus miama piala tutuk jema, sengse oli ganu a hama Gang miama maga la, namba uhalela umagia gitubing ⁴ Oli gatang ma te mida, Lahatala ganua ha ma, oli tanda herang rupa-rupa karanu di Gang mia ma tubing, sengse oli ga karunia Eang hamolang Gang miama gamanusia gi opaul gamau gaujali anga ugaluali. YESUS GADIRI GENE MANUSIA MOLO ANGA BOLA MANUSIA GOHI SALAMAT ⁵ Lahatala gang ka dunia ba majia anga, gene gajahi ng banaga, phenangba mia ma duniaba ping adi utu tuk jia adi, oli miama malai kat gadang, ⁶ Ibase na ma anu gang ga kesaksian gene nas anu gomimi, "Manusia anga nanening, seng hise Ang gio pikir anaga? Oli manusia gafal anga alalang senghise Ang ging paduli? ⁷ Oras ol edeng gomimi Ang geng gene, lebeh miga lolang dari malaikat; Ang sindal hamolang kadulang oli nua hama miama Geng tang, sengse Ang Geng ua da. ⁸ Il karanu, ajimi anga Gang ging miama giaka du mang mega." Mazmur 8:5-7. Il karanu Gang gene gang gio toku sengmu se Gang ging miama giaka domang mega, oli Lahatala gangka il anu kakelang di ugalolang, ibase ajimi gotoku Agani ib ase, oras adi gomimi pingka il anu kakelang di uling geli badu ging ea Go toku. ⁹ Agani ibase, ping geli sebola, oras ol edeng nama Yesus Geng gene, migalola ng malaekat dumang. Yesus ba sindal nuhama nama mia magenang nama Geng uada, sebab Gang ba susala la oli aminang ahi anga mi' fa jema, anga hise, Lahatala ganua gomimi Gang bisa aminang urasa, miama na ma ajimi gadang. ¹⁰ Ang a gelang, Gengba, oli Geng mi il karanu Gang gene ga nua, oli Gengba salamat gafiag anga buka, miama gafal gonong gidang, Gasu sa lala gomi, ging phana nu a hama, oli hamolang kadu lang gadang jema, ¹¹ Sebab Gengba gene ha molang nagaba, gingba Gang ging gene hamolang, ajimi anga gimang anu ka kelang gabung adu, anga gelang Yesuska maniang ubagang sebola ping adi miama gakaku gene. ¹² Gang ubagang sebola, "Nang kuli nane adi, miama nakaku gonong gitubing, Namanusia tohing rai ajimi gihahamami, Nang kuli dal phuhi miama mamenang." Mazmur 22:23 ¹³ Tang oli: "Nang naparsaja miama Lahatala uphei" Yeaya 8:17 Tang oli, "Neng phenang ba adi, Lahatala falba mia mame neng ajimi nala tophuni. Yesaya 8:18 ¹⁴ Sebab, fal kakiri anga manusia, gi'fee oli gia'boga u, anga gelang ba,Yesus di gadiri gafak phahi anga, garupa gene emanghula manuasia gajoang, anghise ga'aminang gomimi anga, Gang iblis ga kuasaba, mia ma manusia genetamina anga gajahing gabutung ¹⁵ Gang ging gene lohi, se lama giaphetal gomi amina ng kuasa, ging miama ami nang gamalal gene. ¹⁶ Kalo ani se ping geli sebo la, Gang ka malaekat ba giomoling banaga, ibase Abraham gafal gidatba, Ga ng giomoling. ¹⁷ Anga gelang, il rupa karanu gomi mi, Yesus garupa anga ge ne manusia gajoang, anga hise Gang ging miama Ba rate Phal gene, gomi mia ma nama gajahi, oli kalaka Lahatala ubalenta, anga hi se Gang bisa manusia gado sa anga uampo miama ma ginang. ¹⁸ Tatami Yesus gadiri galokang di nama Geng soba, anga gelang na maba ae goda soba gomi mi, angase Gang gio moling.