¹ Fiag adi gelang, neng Paulus, nama neng miama bu bu emi sebab ingka Yesus Kristus geli banaga anga gelang. ² Ing ae uma gia sebola Lahatala gakara jang, Ganua hama ba Gang nohi gala lamal ututuk miama idang, ³ Ganua hahama gomimi, masiking ilba taphuning, Gang mia natu bing emanghula do jiami nang ae tulis hingkul ede ng gajoang. ⁴ Oras ing surat basa, ing naganukung adi mang garati jema, phe nangba Kristus garahasia. ⁵ Gangka miama tapha nang ebeng gala tutuk ba naga, ibase Gang miama rasul oli nabi hamolang ga Eang Ha molang gomimi ugitubing. ⁶ Gomi gagahi phenang ba Injil gomi anga, namaba Lahatala geli banaga di par saja Gang miama gafal gi dat gene, oli pikaku pisera ng ping gene anu, fomung palaki Yesus Kristus gomi mi. ⁷ Nang Injil ubalenta adi, Lahatala ganua hama ba Gang mia meneng gaku asa gomi, karajang gamau gaujali anga ugalu ali. ⁸ Neng adiba, nama mi phela gie nama hamolang gahahamami, Lahatala ga nua hama adi nohi miama nama kafir anga gonong giala tutuk, gabisa gakafa sa ping u'ukur jadi banaga gomimi, ⁹ Oli galiali pha na miama nama tohing rae giala tutuk, phenangba ra hasiaba tapbuning, tung je ma tung adu Lahatala gomi mi, gengba il ajimi ma jadi. ¹⁰ Anga hise jemaat go mi anga, Lahatala gaganu kung nua hama ututuk uba gang, miama namaba pare nta, oli kuasa puni moe sorga abang mi. ¹¹ Adiba gomi gagahiba Gang tula ngmi usadia maiama Yesus Kristus pi Lahatala gomimi, ¹² Geng mi anga, ping bisa barani jema Lahatala harak, ping tatabi puni ana mang Kristus gakalaka go mi. ¹³ Anga gagelang, nang ibagang iomi ake su sa ganang kalo susa lalaba nang gie urasa adi karna ing gelang. Susalala adi mia ma inua hama gene. JEMAAT EFESUS PAULUS USAMBAJANG ¹⁴ Il adi gelangba, nang Nimang ga hondal goa nia ka phung muding. ¹⁵ Geng mi gelang, gingba toe surgami nagaba oli gie pali ka galolang tang ajimi ga ne anga tarima ¹⁶ Nang sambajang anghi, Gang ga bisa gakafasa, ganua hama, ga kuat ga dagili, miama io mi gomi angami Gakuasa Eang Hamolang gomimi. ¹⁷ Anghise Kristus gang bisa iomi gomi mi miha i'i man gomi, anga hise ingbi sa phling Gengmi anama ng, ga gomi ijahi gomi, ¹⁸ Anga hise ing nama hamo lang tohing rai anga giala manggarati sebola, tatabi Kristus Gang gomi miama pijahi anga tatabi berang oli afening, talalu balolu, oli kula angaka il joa gajoang banaga. ¹⁹ Anghise, ing Kristus ganua geli sebola, bisa pintar, hur geli dal ga dang, rupa karanu Gengba gatang goa, sebab Lahtala gomimi afing jia. ²⁰ Geng angaba, Gang bisa il ajimi ukarajang, mi lebe miama il karanuba ping uganukung sengse phana bagang, anga karna ga kuasa ba'ae piomimi karajang jia ²¹ Tajaning palefang mia Gadang nua hama jemaat gomi oli Yes us Kristus gomi mitapha nang ajimi giala hama ani gegjia gegmega. Tatabi.