PAULUS HUR PANATU ¹ Adi Pulus, Yesus Kristus garasul, Lahatala gaujali gomi Miama nama hamolang moe Efesus mi, miama namaba gaiman Yesus Keistus gomimi. ² Berkat nua hama tomi anu, miama inang ajimi ida ng, toe Lahatala gabung hela, Yesus Kristus Pilahata la gomimi. BARAKAT PIUAL MAGANG YESUS GOMIMI ³ Tajaning palefang mia ma pimang Lahatala, pi Tuhan Yesus Kristus gena ng. Tami Gengba, berkat piual magang soga geg Kristus gomimi berkat mia ma mapining. ⁴ Tatami Gengba ping uolu, halomang-halomang duniaka ae bado, Gang pinggene hamo lang, gomi pijahimi anghise pingka karita banaga, Gaho ndal hamolangmi. ⁵ Geng ba ping utantu, halo mangmi, gang ping phuhi mi ama gafal gene, Kristus Yesus gomimi, gama u gaujali ugaluali. ⁶ Gang ukarajang agani miama Geng tajaning, ganua hama ga'enas hamolang, kadula ngba Gang miama mapini ng para sasuma, Gafal gang gomi miama gajahi gomimi. ⁷ Gomimi anga pingdi bisa ampo anga harak, phe nangba gafee hamolang gomi, miama piphela piga halang gadang, ganua ha ma gabisa gakafasa ugalua li ⁸ Lahatala Gang tohing rai miama pingtang gaha rung, akal ka bule, oli gabisa pintar gomi. ⁹ Gang oli garahasia ru pa karanu anga miama pia la tutuk, ga gomi nua anga gelang. Garencana miama Kristus gomimi. ¹⁰ oras gang mapining uaji, galala mal karanu-karanu Gang gene gitomianu Kristus go mimi pata jadi anu, mau toe surgami nagaba oli gie dunia tang. ¹¹ Kristus gomimi, ping di miama gail phohing gapa saka gene, halomang mi gang utantu jema, mia ga dang. Ajimi-ajimi anga Gang ukarajang emanghu la ilba gang utantu jema anga gadang ¹² Anghise pingdi bisa jadi halomang, piganukung gomimi mia ma Kristus uphei, ganua ha ma gene oli miama Gane amba tajaning palefang. ¹³ Gengmi anga, indi gahur molo-molo, phenang ba Injil salamat gafiak, ing Geng parsaja Gang Ga Eang Hamolang ba Gang miama palaki jema miama ing pata ¹⁴ Eang Hamo lang angaba, miama pika fasa gene, Gang ping gene jadi hamolang, miama namaba Gang ging uolu, mia Lahatala gapasaka gene, phana Geng angba Gane tajaning palefang. PAULUS GASAMBAJANG ¹⁵ Anga gelang, nang uma gia i'imang Yesus Kristus mimate anga, oli iomi miama nama hamolang tohing rai gajahi, ¹⁶ Anga gelang nang sambajang tarus-tarus miama idang, oras nang ing ueling nasambajang gomi. ¹⁷ Nang sambajang anghi Lahatala pi Tuhan Kritus Yesus, Nuahama karanu-karanu Gimang, Gang Eang nua, bisa, oli gamanga rati Lahatala gomimi Gang mia ma maminang. ¹⁸ Nang oli sambajang anghi i'iman ge' ng kafali anga tarang, ang hise ing bisa, geng mikaku bal, ga igang gomimi, oli ga kafasaba Gang usadia mia ma ipasaka gene miama nama hamolang gadang. ¹⁹ Kuat dagiri phal phal ping ukur sudi jadi banaga, miama pingba parsaja ping tang, tatami gang miama pitu bing gakuasa phal balolu ga kuat gomimi. ²⁰ Gakuasa phal balolu oli gakuat gomi Gang miama matubing, oras Gang Kristus gohi bale aphe tal nama amina gahahami. Gang oli gohi mida Gimang gatang tane goa miha, toe sorga gomimi. ²¹ Lebe mi phal, mibalolu, miama aturan ribu ratu, kuasa, kuat gagiri, parenta, Gane anga lebe miphal balolu dari il ribu ratu gie dunia tang adi gomi, kaoras adiba galo ka ng banaga, ibase oli orasba ae majia gomimi. ²² Karanu-karanu anga Gang gala hela miama gia ka dumang mimega, Gang oli gafak phahi miama ka palang gene il rupa karanu gomimi mia jemat gadang, ²³ Jemat anga Gaboga, Oli Geng angba il karanu gomimi afing jia, Geng angaba migatela.