BIAG MATUBING MIAMA GAHING FALA GADANG ¹ Nama ajimiba gitamadi toni, ging ba gahing fala, ging malekang geli sebo la, gimangba gio gariang anga, geng angba pantas geng uada melebe, anga hi se Lahatala gane angaba oli pi fomung pahang anga nama ka gahula banaga. ² Kalo gahng fala ba nama gogariang anga nama par saja, angase ake ging haro mat aga gena gakurang ga nang, sebab ging angadi pikaku, pi'iman parsaja anu. Ingba sebagai gahing fala anga ing malekang, i boma anga go balenta lebe minu a magala, sebeb pelayanan gaberka ging ba bisa tari ma anga nama ba parsaja, oli namaba gang suka go mi miama gijahi. Il adi gono ng miama ging ajar oli ging nasihat. AJARAN EBENG SENGSE OLI SENG BA MIAPHETAL ³ Kalo nama joa ajaran ebeng ba miama ing ajar, ka Yesus Kristus ga hur anga gajoang banaga, oli ka'ajaran molo-molo ugluli banaga. ⁴ Geng anga mang phala posang, gangka il joa geli banaga. Gidang anga tota orang angaba, miama gegoang gadang gene, gi ng anga mang suka ulak papak, anga gelang gitutuk ubagang gomimi anga, to mi takakurang, tatara, teng olok, oli teng fafagal phela gahalang gomimi, ⁵ pikir ga nukung phela angaba ae gihahamami, sebab gipiki ran iblis pake bola phela gahalang ukarajang, anga gelang nua hama ka'ae gio mimi banaga. Sebab ging pikir sebola aphetal hamolang ang a ping biz untu anga dapa. ⁶ Ibase aphetal hamolang ping rasa nua hama anga, gagunang u phal-phal mia ma pidang. ⁷ Sebab ping dunia tang adu, pingka il joa phana adu banaga, ani dise ping dunia uhapha, pingka il joa phana tang kaluar banaga. ⁸ Jadi kalo mud ae oli paki ang di ae anga muse nua jema. ⁹ Gingba suka bisa kafasa gola, ging fa goda soba mi mugu, anga gelang ging fa napsu phela bodo ging ge ne fa bahaya anga mimugu ging nama phana fa susa lala mimugu sengse ging miama susa gomi gahola ng, ging fa aminang anga harak. ¹⁰ Sebab namaba giomi miama seng gajahi, seng anga ba phela gaha lang gaejel ba anga. Nama ba aphe tal seng gatiari, gi iman ehi jema phela gaha lang mimugu. Anga gelang ging gidiri siksa rupa karanu gomimi. IL ADEDENG ING UIELING ¹¹ Agani ibase ing anga Lahatala gamanusia, iafak phahi miama ajimi adi gale ta. Nua hama angaba gatia ri, penangba; aphetal hamo lang, Iman, tomi miama taja hi, sabar, moleng bala, ¹² Iafak anga tahang uda gili i'iman parsaja gomimi, sengse, aphetal gegjia anga ba puni, sebab anga gelang ba, nama i'agang, waktu ing geng umangku, nama saksi gena tohing gahahama mi. ¹³ Lahatala gahondal goa, Gengba aphetal miama il karanu-karanu genang, oli Yesus Kristus gahodal goa, gemba gemba ping geng umangku, waktu gang moe Pontius Pilatus gahondal goa, nang io parenta, ¹⁴ biarla parenta adi ing galalamal, ka gakarang oli karita di ka ubanaga, samp ai agani, PiLahatala pi Tuhan Yesus ga adu gamia lo anga uhila. ¹⁵ Oras ba gang utantu je ma, gang kuli gadiri anga miama matubing, sebab Geng angaba galalokang raja gakuasa anga phal oli gengba tuang-tuang ajimi gatang goa, phal balolu toe gatelami miha ¹⁶ Geng ba galokang ani gegjia toe lia li gomi nama ka bisa gabu ng jadi banaga, oli nama jo aka perna uling geli bana ga. Il ajimi-ajimi, geng anga ba Geng haromat, ani geg jia gegmega! Tatabi. ¹⁷ Ing malekang namakafa sa, oras adi gomimi gio pa renta, angahise ging ake sombong, nagaba oli gipiki rang anga miama gi kafasa ba gagunang ka ubanaga anga mimega ganang, iba se giomi anga miama Laha tala ba mimega. Sebab ge ng angaba ilrupa karanu anga usadia miama il ajimi-ajimi giaphetal gadang. ¹⁸ Gioparenta giohi nua hama angaba ukarajang, biar ging kafasa nua hama gomimi, giomi nua, oli suka nama tolong. ¹⁹ Ging kalo gene aganise, ging bisa ka fasa nua hama anga ba kumpul miama gidiri ga dang, oras ba'ae adu ma jia anga gadang, anga geleng ging bisa aphetal molo-molo, gamau gaujali anga ba ugaluali. ²⁰ Timotius, il ba nang ma menang, sebab nang eng parsaja jema, anga puni anamang, tutuk dunia geg, leko tutuk anga miama oha pha, sengse pikiran tegaha la, pipintar gomi, ²¹ anga ging parsaja anga gelang ba, ginang adedeng gi'iman anga lamal mate ka molo banaga. Lahatala ganua hama gimimi iala topuni.