NASIHAT MIAMA NAMA GOMI PHELA AGADANG ¹ Roh ubagang tarang se bola, oras-oras gaumatemi, nama gauedeng ging kuli gi iman anga phegang je ma, ging giafak phahi anga miama eang phela, oli seta ng ga'ajaran angaba ging galuali. ² Ging leko tutuk, putar bale, nama ga'ali gala leko, nama geng goda, seba b giomi gomi anga, nama olak huling miama ging cap jema. ³ Ging nama larang giohi ake nika ganang, ging na ma gohi mud ba Lahatala ma jadi anga ake kede ga nang. Gamamolo angase, ging tarima kasi ubagang miama tang, ging ba persa ja jema oli ging ganua ha ma anga geli jema. ⁴ Sebab il karanu ba Lahatala maja di anga, nua ka phela bana ga kalo pitarima kasi gomi mi ping tarima. ⁵ Sebab aji mi anga gang jadi hamo lang, ga firman gimimi oli ping usambajang. KRISTUS GABALENTA FALA BA NUA ⁶ Il adi gonong, ning mia ma nikaku gonong ni iman hama ging ajar, ing male kang miama Kristus gaba lenta fala nua gene, emang hula tatami nama ing ajar i'iman gomimi oli fomung pahang nuahama ing uga luali jema, ⁷ Sarinta ba ga gunang ubanaga anga mia ma ileta, oli a'ulba data tu lang usarinta angadi mia ma ileta, ibase iafak usaha aphetal hamolang. ⁸ Piboga aji lati anga gagunang ga batas'u, ibase aphetal hamo lang kadulang, gagunang rupa karanu gomimi adu, sebab geng anga, aphetal piboga aji sekarang adi mia ma gadang, nagaba aphetal ae ma jia di gadang. ⁹ Huradi ing maekang par saja, sengse oli iomi uaji-ua ji tarima. ¹⁰ Il adi gelang ba ping tatabi karajang karas ping oli ugape. Sebab ping pimikuat adi ping mia ma pi Lahatala aphetal ba uph ei, sebab Gengba manusia gasalamat gamanaking, ibase miama namaba tabi-tabi Geng parsaja. ¹¹ Gioparenta, sengse il ad i gonong mia ging uajar. ¹² Ake nama joa ing reme ganang, sebab ing do koph ol jia, ibase ing ba miama sonto gene miama nama parsaja gadang, itutuk uba gang, tadili betul, tomi taja jahi, i'iman oli'ihamolang gomimi. ¹³ sampe nang uadu, ing geng mi anama ng, itopuni surat hamolang basa, ing ging nasihat, oli ing ging ajar. ¹⁴ Ganuahama banubua tan gomimi ing tarima, wak tu penatua tohing rai gia tang miama ing tang mega anga, ake gajajahing gana ng, ¹⁵ Il adi gonong ing ma lekang kalaka ukarajang, idi ri anga miama magenang uaji-uaji, sengse il karanu anga ukarajang, anga hise nama gauling sebola, ing ka iophal uholong banaga iba se ing ae maju. ¹⁶ Ing bake tabi-tabi ieng uling, ping aphetal tetabani sengse nening ba miama ging uajar, Ing tatabi kalaka ukarajang. Sebab karajang ba'agani angaba ping gene salamat, mau idiri iafak phahi, nagaba oli miama namaba suka nua hama anga u halela, umagia.