¹ Karanu-karanu ba tu langmi ae, oli ning umagia jema, ning nieng tang uling geli jema, ning geli, ning nia tang miama degi jema, phe nangba Lahatala gafirman aphetal. ² Aphetal anga gang miama matubing je ma, ning uling geli jema. Ning ututuk ubagang, ning oli miama iala sari nta, phenangba aphetal gegjia halomangmi Gima ng gala hama-hama, Gang oli miama nindi nitubing. ³ Ba ning uling geli oli umagia jema, angaba ning miama iala sarinta, agani hise ingdi ing niala ping tomi anu. Tatabi tomi anuba ning gie gala lamal, adi to mianu miama Lahatala oli Tuhan Yesus Kristus mi ⁴ Adi gonong ning ajimi tu lis miama maminang, anga hise iomi gasanang ang ja di afing-afing. LAHATALA GALIALI GOMI LAMAL ⁵ Adi hojatba ning uma gia jema, ning miama iala tutuk, phenangba Lahatala anga liali, anga gelang go mimi angaka ga kakua uba naga. ⁶ Ping kalo ubaga ng bola ping ae Lahatala gomimi miaphetal agani ibase ping kakua gomimi aphetal, angase ping ga'ali pingka nua hama ukaraja ng banaga. ⁷ Agani iba se ping kalo lialimi aphetal emanghula Gang ae liali mi anga gajoang, angase ping tala tomi anu, nama anu mi ama anu gadang anghise Yesus ga fee hamolang, Ga ng miama piphela gahala ng talalu tohing rai anga uhapo miama mapining. ⁸ Ping kalo ubagang se bola ping adi ka phela ge ne banaga, angase ping pi diri piafak phahi adi ga'ali, anga gelang ganua hama angka piomi gomi banaga. ⁹ Ping kalo pi phela ang a umagku, angase Geng anga kalaka oli molo-molo Gang kuli pi phela pigahala ng anga uampo miama ma pining. ¹⁰ Ping kalo uba gang sebola ping ka perna phela anga ukarajang bana ga, angase ping ubagang sebola Geng anga leko, oli Gafirman anga ka piomi go mimi jia banaga.