¹ Sandukasa yinna nimma sarobutta dangngu ma tanyallangu,ni nussa nimma mbannu na ti dimba! ² Yinna atta rangngi ammaka ni pekai wali ti hengga pungu ki dangngu atta na mbetti punngu amanaka ni anjarai. yinna atta na wai ammai Muri dangngu atta na tukki amma ni katowa Allah-Na. ³ Ndo mamtua ti padua-paduana sammatuni singa ma padowu na; ndo pasiddi'i samatunika serigala ti kanjiddu ngga ma atta dunjakana pani pungu labaka na sunggai ni laddu. ⁴ Ndo Mabokula da sarobutta, tu-stu ma paseli, ndo mabokula da langnga nnggi Pandasa dangnga; yidda da wewaranggi ni hukku nai Allah. ⁵ 5 Muri adila ti padua-padua atta na wolu ammai ni palapina. Kirra mbaru, yinna na pattaka nggi ni adilan-Na dangngu atta piamani banna dunjakanggi ni rasi wailangu. Takka, tu-stu ma atta magaku atta da makaya ma! ⁶ Yawwa mbadda pamosu ngguka nussa-nussa,nimma njangga-njangga ti manua na dadi mbulurai. Yawwa mbadda parussa nggui ni lara-lara na labba atta o ammaka ma li nggi ,ni nussa-nussa da yidda na kasikai. Labbaka atta o ammaka tu ni dangngu tu sawawi. ⁷ Ni LI-Nggu, nimma pulupia,yo enga mandauta ngga yawwa-Na,enga ku kawi'i ni pa anjarra nggu , dangngu ngarandukani ni papalewa nggu ti yona enga atta njallura ni wali ti nippa etana. Takka, yidda enga da risipa lummu badda wolui ngarandukka nippa wolu nnimma atandassa da yidda. ⁸ "Mulanikka nggo,pate-te nggu'i Yawwa!" Li Nai Muri. "Ti sisa ni laddu,yawwa enga kaddi nggu tutu ni dadi saksi. Mullanika, ni papa mbosa-Nggu yawwa na tutu ni ba pakkabua na ndara nussa-nussa dangngu pambolu na ti umma-umma uttu ni na burri ndara ti taddu da yidda ni mbani-Nggu,nikadai ni mbani-Nggu nimma yalliku-yalliku na. Mulanikka, ngarandukka ni ni panu tana enga da nga baisai nggo ni api milla ati-na." ⁹ "Nimmapulupia, ni rasi haina,Yawwa enga ku ya kadda ndara rowiwwi nussa-nussa kadda daddi warasa ndakka yidda ngarandukka da kolina ba pakawawuka kanggi ni Ngara Nai muri danguwalika ka pakabuana ba mbacca ti Yinna-Na ti pandula-ndula wikki na. ¹⁰ Wali ti sambali loku ethiopia,tu-stu ma panjangga-Wa. ¹¹ Ti laddu haina, yona enga atta koli mamuka makaya,mabba ngaranduka ndaba ni sarobuttamu ti sada-Nggu Yawwa,mabba ti laddu haiana,Yawwa enga ku pamalerui wali ti padua-paduamu tu-stu ma sannangu ti njonga kalada ati. Dangngu yona enga atta panjangga wikki mannaka ti taddu tanddula-Nggu nimma Warasa. ¹² Yawwa enga dunjakawu ti njonga-njongamu ti tu ma kasokura ati na dangngu mamalujjangu, yidda enga da pasangindi na ti dalu ngara Nai Muri. ¹³ Kamummu-kamummu Israel enga attada wolu ammaka ma attandasa aitakakka dapanewi kawassu,ti dali rowiwwi da yidda enga atta o ka lamma makawassu. Mulanikka, yidda ngarandukka da enga da pawa ndara dangngu da manggoli dangnga atta o ammaka ma tanggu nggi." ¹⁴ Sannagu-sannagu mi, hena kawinni Sion, Sannangu mikka,hena yimmi Israel! Sannangami dangngu talaunjakka kammi dangu ni ngganapa atimu,hena yimmi kawinni Yerusalem! ¹⁵ Muri mbadda pamalerunai ni hukkumu, Yinni mbadda pamosu narra ka lawa-lawamu. Ni Kapala Israel, yinnai Muri,o ni ti padua-paduamu,yona enga atta mandauta mamuka ti ma atta ndasa. ¹⁶ Ti laddu haina,enga takki dai ti Yerusalem," Amba mandauta da, haina ti sion! amba amma dangngi ni lummamu bana samaulai. ¹⁷ Muri Allahmu atta o kadda ni ti padua-paduamu, tutu ni banna pa luputawu. Yinna na sannangu mabba yona mu sannangu, yinna na engana ti ti dalu Mbusa-Na, Yinna na sannang-sannangu mabba yona mu sannangu-sannangu , ¹⁸ Samatuni ti pakabuana ma rami." "Yawwa enga ku pakabua ndara tu 0stu ma panamu nggi ni laddu rami labba ka yidda atta da tanggu tanggu amanja ni sanyawutta ¹⁹ Nimmapulupia,ti laddu haina, yawwa enga tekki nggui patani ti ngarandukka da ma dimbbawu. takka ba tuni hai,yawwa enga ku paluputai nimma paseli, pakabua ndara mappa sewa tanyabbara, dangngu ku pasepa nggi ni sanyawutta da yidda dagngu ni lodu-lodu dangu mawallaranna ti ngarandukka ni panu tana. ²⁰ Ti rasi haina,yawwa enga ku karangnga nggu yona tutu bau baliwu, ti rasi byawwa bakuk pakabua nggumi. Yawwa enga ku wolu mi dadi pangara dangngu ni sannagu-sannang ti njonga ngaranduka ti panu tana.dangngu ni patanggasai ni karasamu ti sada mata da yidda," Li Nai Muri.