¹ Ni linai Muri nimma pamaina ti Zefanya, ni ana nai Kusyi,ana nai Gedalya,Ana nai Amaria,ana nai Hiskia,ti rasi pareta nai Yosia,ana nai Amon,ni Raja Yehuda. Ni Laddu tutu Ni Ba Katana ni Tu ² "Yawwa enga ku patanyabbarai ngarandukka ni wali ti panu tanah," Tunihaika ni Li nai Muri. ³ "Yawwa enga ku patanyabbara tu dangngu ni bandda; yawwa enga ku pamosu ni kasila-kasila ti keri awangu dangngu ni iyya ti tasika. Yawwa enga ku pakanabu tu stu ma atandasa danggu pamalassa tu wali ti panu tanah," Tunihaikaddai ni li nai Muri. ⁴ "Yawwa enga ku panjola nggii ni lumma-Nggu lawai Yehuda dangngu lawai ngaranduka da tu ti Yerusalem. Yawwa enga ku pamosura wali ti panyia sisa-sisa Baal dangngu ni ngara da ndo Ammbokula masabara, ⁵ Dangngu yidda ma kasunggula ti taddu sotoh ti umma da tu mbani ti awangu. yidda ma kasunggula dangngu ma takki ni mandunga ti Muri.takka da takki mannu tutu da dewa Milkom. ⁶ danguwalika yidda ma pambali na wali ti Muri, dangngu ma atta manyarra ni Muri.danggu ma atta katanana ni Lara-Na." ⁸ "Ti laddu kabuana papasalla nai Muri nggo,Yawwa enga ku hukku na makalada,ana-ana nia Mabokula,dangngu ngarandukka da tu ma pawanana kalambi masange. ⁹ Ti laddu haina,Yawwa enga ku hukku na ngaranduka da tu ma lappasa pa salauda ti karasa malowi,dangu ma mbannu na ti umma nanni muri nadangngu ni talukatowa dangngu ni kawassu." ¹⁰ Ti laddu haina," Tunihaisa ni Li Nai Muri,"enga rangngi nimma padowu na wali ti malowi iyya,ni sandukka wali ti manua wuddi dangngu nimma puni matawesara kalada wali ti tandula-tandula. ¹¹ Sandukka ka,yimmi tu ti manua Lumpang! mabba,ngarandukka ma batta na mbadda mosu dangngu ngaranduka ma timba ngawu. ¹² Ti rasi nggona,Yawwa enga ku manyarra nggi ni Yerusalem dangngu ni illu dangngu hukku na tu-stu ma pambondu na sammani anggura ti taddu. dangngu nimma o patakki na ti dalu atina: Muri attana wolu ammasa nimma ndasa dangngu attana wolu ammasa nimma atta ndasa!' ¹³ Ni ngawu da yidda enga dadi ni palumu ri dangngu ni umma-umma da enga na kasannangui. ¹⁴ Ni laddu Nai Muri nimma makalada mbada tukinisa, mbadda tukinisa dangngu tangnga pamaini na nggesa langutakkai! Rangngi mi, Ni laddu Nai Muri nggia na paitai, pahlawan waiki na mangasi. ¹⁵ Ni laddu nggia kakka laddu ma mbani, laddu kissungai, laddu sandukkai, laddu pamosui dangngu pambuttai, laddu makapattainai dangngu namanjalungai,laddu mapakarummangunai dangngu na kapattani, ¹⁶ Laddu puwi kapikkai dangngu ni rami-rami ti nussa-nussa kabuana dangngu ti menara-menara nimma njangga. ¹⁷ Yawwa enga da pakissungai ni tu rara lapaka yidda da salaku samatuni tu makambola,mabba yidda mbadda wolu dassa ni ndoku njala ti Muri.ni ra da yidda sobuni samatunika ni tana kumburra,dangngu ni tanai da samatunika ni ma irraka. ¹⁸ Yawwa enga ngawu da ni perak dangngu ni ammasa atta na piamanika papaluputara yidda,ti laddu mbaninai Muri. Ngarandukka ni panu tana enga na muttuni labbaka na mbuttai ti api milla Ati-Na,mabba,sisa mbutta nimma lappasa langutakka kaddai nippa patakka-Na ti ngarandukka ndabba nanni tu ti panu tana.