Yesus Mbanna Tama Ti Yerusalem Samanni Sangaji ¹ Mbanna takki patakka ti Yerusalem,ti karasa Betfage dangu Betania,ti tadulla Zaitun, Muri Yesus nappalewara murittana tumma duada, ² Mbaisa linnadarra,sukka salakumi ti panyia ti desa, mbaisakahaina bai tamamikka mipadimmu dangngakanaka kaboka njara ni papaki, ni pa atta mali kaeti. wakkasai mbaisa ngindi hammi. ³ Nikka baokaka mapakatananggumi, kaddi panihena ni paullami? limmi,yi Muri mabussapawainggi takka mbaisakaka napa dingindi balihammi. ⁴ Mbai dida salakku dangngu dappa dimmu danganggi ni kambokka njara ni masaniwu ni papakki ti malowi, ti samballiwu ti karassa lara mbaissa didda passalanggi. ⁵ Pirra-pirra tu mandengira haina dakka tanara pani taumi dimmi passallanggi ni kambakka njara na? ⁶ Didda simmai pani papeka wainaira yi Yesus tu dangngu ndona ammdarraka badda salaku. ⁷ Mbaissa didda nginddi ni kambokka njara ti Yesus,Dataurri ni jubah tipannu njara,Yesus mandidinassa tipannu njara. ⁸ Tu dangu mawallasa jubah ti lara dangngu sawawi taudai karangga yaiyi ni patekida walli ti oma. ⁹ Tudangu masalaku manyulu dangu mapakeri Hosana lidda dabba.na pammaringnginda yinna ni mamai ti dallu ngarra nai Muri. ¹⁰ Mapammaringngi ni mamai ti sangajinai Daud, mboku appu ndai yitta! Hosanna ti panyia majaga. ¹¹ Mbaissai Yesus,tama nassa ti Yerusalem dangngu launasa ti umma sambaya.Dangu,mbanna pa ellunakka ti kalissuni, salakku nassa ti Betania Na karangnga darra tumma sakka mbullu murita-Na mabadda lappasanasa ni kanjidunga. Yesus Na Yurai Ni Pungngi Ara ¹² Mbanna tamasa ni mbaru-mbaru ni, dadda salaku ka wali ti Betania, Yesus paddanasa pammajiwu.Maisa wali ti maleru na etaini pungngi arani mapa rou,Na lappa ngadui o akika hallu padimmu wali ti pungngi yaiyi nggona. ¹³ Mbanna takka ti pungngi yaiyi nggona,atta mali o ma padimmuna danarissa ni ronarri takka ti rassi nggo atta rassi wuamanai. ¹⁴ Mbaissa,Yesus linnanja ni pungngi yaiyi nggona"Ambba sullu o makka ma nganggi ni wuawamu walli laddu ni nggia tomma ti hammi sarramuna" pani, ni pa takki wai-Na da rangngi murita-murita-Na. Yesus Launai ti Umma Nai Muri Allah ¹⁵ Mbaissa,toma dassa ti Yerusalem.Yesus tamanassa ti umma nai Muri Allah mbaissa Ndinna wudda-narra tu dangu ti umma nai Muri Allah. Nakka baliri ni meja patukarawai doi dangngu ni kadera da mabattana sagunggukku jawa, ¹⁶ Attana mbissumakka mbadda ngingdiri ni ngawuda nbadda sullu li ti ummanai Muri Allah. ¹⁷ Mbaissa,Yesus pa pekanarraka linna " Atta matulimani,ni umma-Gu umma sabayada tu madangu?,takka yimmi wungamisa mbaiwoluwaigi ummatu buassu." ¹⁸ Dangu imam-imam kepala dangu ahli-ahli taurat rangidasa mbaisa damayarrana lara appalinnisamai ba pappa-I.takka damma dauta-Ni batudanguka ma mbussanggi ni pa pekka wai-Na. ¹⁹ Ni laddu pa takki pakkajindunganasa, Yesus dangu murit-murita-Na salaku dasa wali ti kota nggona. Pamandungasa Ni Pawaimu Ti Dalu Nai Allah ²⁰ Mbanna mbarru-mbarru nikka badda leiiwat, da ettai ni pungngi Ara mabadda mati toma ti amuni. ²¹ Petrus namunasa dilinnani Yesus,"Gurru ettadassa! ni pungngi Ara ni pa yurra-Mu mbanda matinikka!" ²² Na simarai Yesus,pamandungasa ni pawaimi ti dalunai Allah. ²³ Lunggugumi Yawa,herakassa ni mapanewi ti tadullagia, madedikanaka dangu tapaidasaka ti tasika, dangu amba o da pabingudanga ti dalu atimu,katta napawai pani ni palinnawai pasti mbanadadi, ma pasti mbana dadi ti yinna. ²⁴ Nikadai dilunggu,panikasa ni pa sambaya danggu ni padangngimu pawaika badda kolinai, takka engani bayanggui. ²⁵ Dangu, nikka mbai dengira dangu mbai sabaya ba o kaka tu ma mangngu djalana ti sadamu, kau podisari ni djalada, ndangngu kapiani Muri dina podisangguri ni doku jalami ²⁶ Nikka, ba aita podisa, Allah ama ti Surga attana podisa mannumari ni doku jalami. Kapal Yahudi PakaTananggi Ni Mbisana Yesus ²⁷ Mbaisa, dasullu mai ti Yeruslem. Yesus tanga salakunai ti ummanai Allah,imam-imam kepala,ahli-ahli taurat, dangu tua-tua Yahudi mai mannu ti Yinna. ²⁸ Lidani Yesus," pani ni mbisa-Mu dimu pa salaku nggona, atau hega ma yagui ni mbisa dimu pa salakui nggona?" ²⁹ Napanewi Yesus ti yidda, " sisagi ni pakatanawaigu Yawa ti yimmi. simawa Yawa, mbaisa dukku pekagumi pani ni mbisa pa salaku-Gu. ³⁰ Ni werissanai Yohanes wali ti surga atau wali ti tu rara? simawaka Yawa!" ³¹ Dida kanyanyi lidda, "nikka battasimai,wali ti surga,pasti balinnada,mbaisa kadi aitai pawaimi ti Yinna?" ³² Takka battasimakasa, wali ti tu rara? kapala dou damadauta ba tu dangu masimai Yohanes mapullupia ba nabi. ³³ Dida,simai Yesus," attamalaksamagi." mbaisa, Yesus dilinnadarra, "tunihai mannuka dai Yawa," Yawa atta Ku peka mannunggumi pani ni mbisa dangu pani ni pasalaku-Gu.