¹ Ngarandukka 'bakku olidadinggumi, 'ba o'kakka olimu ni patomamu 'banna woluni ma atta ndassa, yimmi ma ti mawailangu pa'balini ni tu no 'dangngu maringngi ati ni. Magawikkinami amba mi kerilolunai ni ma atta ndassa. ² Mi panggata wikkinami, 'bai 'ditai ni ma'mbuatu samatuni yimmi kai kerini paretaNai Kristus. ³ Takka 'ba'okakka tu ma pa'jangga wikki na takka ata tunihaima, yimma pa kawassu wikkinai. ⁴ Maika yitta ngarandukka nda katta paresai ni pawolu wikki nda. 'Baisa 'dinna piani, na kaladda ni ati nda 'batta eta 'bali ngera wikki nda atta pa pa samadangnga mandara tu s'wawi. ⁵ Di keri tunihai ngarandukkanari tu kanna 'di'ta wikkinggi ni mambua'tu. ⁶ Herani makolina ni pa peka walli ti panewi Nai Muri Allah na pa'bawi pungngunggi ni mandassa ti tu ma papekani. ⁷ Amba 'da paonga'dawu. Muri Allah atta piama 'badda mangengila waina 'ba pani pa sab'baramu ni mangngukaddai ni pa puppumu. ⁸ Tuni ma sab'barana winni ni ma atta pawali atina na kolinggi ma mosungnga, takka tu ma sab'bara walli atina na kolinggi ni tutu muripa ma maringngi walli ti roh. ⁹ Yitta a'mba ta ngngesa o'njama 'batta wolu ni ma'ndassa. Takka 'banna tomakassa ni rasini yittaka ma puppu ni wuani manolassa malli hati yitta a'mba ta nggesa o'njama. ¹⁰ Mullanika nggo, ni ka batta kolikana kalongga, mai'nda yitta katta pa'ndowi ni ma'ndassa ti ngara'ndukka'da tu risi-risi ti olidadi'nda ma wai Muri Yesus. ¹¹ Botinggi, appalimi saman kalada ni patulisanggu ti yimmi lumma wikkinggu yawwa. ¹² Yidda 'da mbussanggi 'da patakkinggi ni ndassa da ni paetawaida mata, da pakkasara tu pasalla, yidda 'bad'da woluni pata nggo a'mba 'da pasa'ndukkawu mullani sarikka-Nai Kristus. ¹³ Mussu yiddai pa salla attada waima ni Hukum Taurat. Takka yidda ma mbussanggumi yimmi 'bammi salla, ka piani yidda bad'da pa'jangga wikki 'da mullanisa bad'da sallawu. ¹⁴ Semoga yawwa attaku pa'jaga wikkina singgilanni walli ti sarikkaNai Muri nda yitta Yesus Kristus. Melalui sarikka Na ni pannu tana mbadda sarikkadai tutunggui yawwa, 'dangngu yawwa tutunani pannu tana. ¹⁵ Salla 'dangngu atta pasalla pu atta o'mangngunani. Ni ma mangngu nggunnana 'ba kolinggi ni muripa wuddi ti sanggaNai Muri. ¹⁶ Ngarandukka ndabbanani tu na pasalakui ni pambussaNai Muri sehingga Damai sejahtera 'dangngu ni rahmat na mburru ti yidda 'dangngu tu Israel milik Na. ¹⁷ Akhirnya mba oda tu ma passa'ndukka wa yamma karena yamma ngindinggui tan'da-tan'danai Muri Yesus ti kalittanggu. ¹⁸ 'Bakku oli 'dadinggumi, ni pa panamu Nai Muri Yesus bana yandai ni we maringngi wemalala ngera maripa Amin.