PAKKABUANA NDOWWI TUTUDA TU MAMARASA NDOKU NJOLA. ¹ Nggiana ngerani pakabua ndowwi tutda tu mawarasa ndoku nyala, pasalaku keriloku ni papatakka-patakka paya ti kalembu tumatua ti Galatia. ² Ti laddu kawungga lirra minggu, stu-stu kai kasikka mammi papani dangngu banjalai samatuni ni pakoli ni kapiani amba kasini bakku mai di onggi nipakhalabanna. ³ Bakku mai kaka, ku palewa yidda, herawiddani pa’oa mi, tamba ri ni surat-surat tatni ba ngindiri ni papajola na ti Yerusalem. ⁴ Dangngu, ba hallu mannu kangga ka yawa, yidda da salaku karangnga mannu ngga. ⁵ Tu amunisa, yawwa ku mai tiyimmi bakku singgila nia ni makedonia mabba pa wukku nggui ka singgilanggi ni Makedonia. ⁶ Dangngu, engaku endauola karangga nggumi aita kawalli pa busa ngimi rasi malingngi kapiani bai tuhungga ti dalu salaku nggu, ti mbe widdi bakka sangga na. ⁷ Mabba yawwa atta kumbussama pa etawu nggia ba pidda ku juamu. Pia pilimusa mengana karangga nggumi pipirra manjadda ngu, bai muri banna o’a kanja. ⁸ Tunihai musa, nga mannu nggussa ti efesus toma ti Pentakosta, ⁹ mabba ni malowi mamballara tutuni barammanaini paramma ma pullupia mbadda tambouwa nika tiyawwa mussi kanna dangu kai ni mappa lawana. ¹⁰ Nggia, banna maokakai timotius, botimi ka ambba na menderita ammba tangnga karangga mui mabba yinna passalaku nai nirammanai muri,samatuna yawwa mannu. ¹¹ Tunihai, amba oda tu ma’etai yinna kika ndatulu yinna tidalu salakuna dangngu ndani kapia ni banna bali ti yawwa kupateni yinna dangngu nyuwwuwa sia. ¹² Nggia, ngeranai nioli dadi ndai Apolos,yawwaku pasussu pungngu ni kanna patoma kina tiyimmi dangngu olidadi sawawi, takka yinna atta na bissu patanji amma pamai nggia, yinna banna maikaka ba opu kalonggana. ¹³ Mangga wikki na, ndengiraka tinyangu tidalu pawai hallu ngguka sama tu mani dangngu pakkalua wuka. ¹⁴ Tuamuwarika ngarandukka niparama mu, woluri tidalu mbussa. ¹⁵ Yawwa kudappitami, oli dadi, cyimmi lakkasanggi ngara ndukka ni missi umma nai stefanus ba wua-wua kawungga ti akhaya dangng yidda mbadda patunnu wikkida tutumi pelayanan da tu marama ndoku nyala), ¹⁶ kapiani yimmi mangngu bamanundu ti tu asama yidda dangngu ti tu maparaya ramma dangngu ma manggula. ¹⁷ Ku sannangu tukka ni mai dai stefanus, forturatus dangngui Akhaikus mabba yidda mbadda pamattu danika paniri etta opu nati yimmi. ¹⁸ Mabba, yidda da pamaringngi ni ngasu nggu dangngu ni ngasu mu. Tuni haika dai, tau ndarra situ tu tuni yidda ndo. ¹⁹ Kalembu tumatua-kalembu tu matua ti asia da patoma nggi ni malla turuni yimmi. Akwila dangngu priskila da patoma nggi ni malla mamita dalunai mari ti yimmi, karangnga ndarra kalembu tumatua ti umma da yidda. ²⁰ Ngarandukkadda oli dadimmu sia da pangindinggi ni salam da ti youna. Patomaddai ni salam wali ti satuu dangngu ti sawi wainggi ni pangujju singirra. ²¹ Yawwai, Paulussa, ma tulissanggi ni salam wainggi ni lumma wikkinggu. ²² Ba okakka tuu ma atta bussanni Muri, yinna na terkutukka. Oh Muri, pamainauwu hammi ! ²³ Ni Anugrah nai Muri Yesus na pakka li kalogagummi. ²⁴ Nippa bussanggu nimma koru magagummi ti dalu ngarannai Muri Yesus Kristus. Amin. [[ayt.com/1kol]]