¹ Paulus, atapapawededa Yesu karittu, ne paka dangada jadi rasul monno pakusussai taguna Injilai Mori; ² Ne pateki ullu gha'ina Mori ghettipona melalui nabi-nabi-Na barra zurata bia azingira ³ Tentang Ana-Na, ne menurut kana'a adadi wali keturunan Daud, ⁴ Monno ne papaetada sebagai amai Mori a berkuasa melalui kedena wali tillu ata mate menurut Roh zingira, neghe karittu Yesu, Marambada ghitto. ⁵ Melalui Nia, yemmi deiba kanurru monno jabatan kerasulan tagu ghidiwe bawaige ne atewai ne tillu ngarakua bangsa bukan Yahudi demi ngara-Na, ⁶ Termasuk yemmi pakadangada tagu jadi milikna karittu Yesu. ⁷ Barra yemmi ngarakua ne gha'ina ne Roma, ne pamanawara na Mori, monno ne pakadangana tagu jadi ata-ata zingira: kanurru monno mangheghera ate tagumu wali Moro, Amada ghitto, monno wali Maramba Yesu karittu! Paulus Nabeina Totokai Jemaat ne Roma ⁸ Ne ullu-ullu, zauwa bersyukur barra Morogu melalui karittu Yesu ne yemmi ngarakua orona ate waimu na paoudabage ne ngarakua ponnu tana. ⁹ Niawe, Mori, ne palayanigu waina rohku barra Injil Ana-Na ,jadi saksiku ba zauwa daku ngauki-ngauki bakulolomi yemmi ngarakua; ¹⁰ Ne barra tabayagu, Zauwa taru madengi ga'ika neghe maghinna, oro pabeina Mori, kadukkana zauwa kuberhasil baku totokami yemmi. ¹¹ Zauwa ku beige padukkina pongumu gaika zauwa kolege baku yami karunia rohani gaika patarrami, ¹² Ne gaika ne nghitto ka teguhkan pololo monno ate wai iya -iya, baik ate waimu monno ate waigu ¹³ Ole dadi - oledadi, zauwa beige nghou paddege ba zauwa ku paddo-paddo kabbuge ka Totokaghu, takka na pa adda dukki neba ghinna, gaika zauwa kaina makai hasil pakai wali barra gho'u mala wali barra bangsa-bangsa inda Yahudi waddeka. ¹⁴ Zauwa pawutta barra ata yunani monno barra ata barbar barra a berhikmat takka barra a bodoh. ¹⁵ takka niawe, zauwa ku beige beritakan Injil barra nghou a gha'ina ne Roma. ¹⁶ Zauwa dakku makkeki baku Injil, orona Injil bibita Mori tagu toleka ngara ata a waini; ne a ullu tagu ata Yahudi, bage taguna ata Yunani. ¹⁷ Orona, ne nyana-na ne duana Mori na boghoge wali atewai barra atewai, yangu nghaige a tertulis a: " Ata dua a moripa ne atewai. " banina Mori barra papanghillina dirraka atapia. ¹⁸ Orona, banina Mori na boghoge wali sorga barra na ngarakua doku monno dirraka atapia a manuka ne a dua mono ne dirrakada nghinna. ¹⁹ Orona netti, appa pakole pa padde tentangna Mori na jelas ba taguna nghinna orona Mori na bonghoge barrada ghinna. ²⁰ takka, wali ponu tana na rawige pata-pata Mori dapa etada, ne bibita-Na a kekala monno pata illah-Na, na paeta tazara gaika pahami lewata hal-hal pa parawi-Na gaika ghinna da kolege Bali. ²¹ takka, laka nghinna a paddeghi Mori, nghinna da hormata-Nia bania Allah atau bersyukur barrana; kaballekana, pangada da ghidda a jadi da gunaki monno ate da nghidda a bodoh na kapatta. ²² Ghidda a'anggap diri babijaksana, takka a jadi bodo, ²³ Monno tukarawe kemuliaan Mori ne da kotora ne gamba rang a mbar an atapia a fana keila, ranga a munnu gha'i kapatana, atau ranga-ranga melata. ²⁴ Orona netti, Mori nayadi ghidda barra pabeina a kotora niaka ghidda asaling pakotor wekina touda ghidda ne tilluda ghidda douna. ²⁵ Niawe, ghidda atukarawe duana Mori neghe boto, monno kaghodo serta deika makhluk parawina, da niaki na'amarawi a dua moriwali-moriwali. Amin! ²⁶ Orona netti, Mori nayadi ghidda barra rakussa-rakussa a hina, niawe maghinne-maghinneda ghidda atukarawe hubunganda awajar awaina hubungan a dawajarra. ²⁷ Ghinna kaina na kabani-kabani, ghidda a gha'ige ne hubungan a wajarra ne barrada maghinne, takka awegara-wegara barra rakussada nebarra ia zama wedeka; kabani-kabani monno kabani-kabani arawige ne parawi-parawi ne pamekedanga; monno ne barra touna masing-masing ghidda deiba hukuman tagu dirraka a dirraka da ghidda. ²⁸ Monno, orona ghidda da beikina akuza na Mori barra padde da ghidda, niaka Mori na yadi ghidda barra pangada-pangada a bobrok niaka ghidda arawige hal-hal ne seharusna dappa rawida ghidda. ²⁹ Ghidda aponnuzi awaidi ngarakua macam adadua, bokala, dirraka, monno buttu ate; bonnuna iri ate, pamate ata, patauna, boto dadua, monno kaniki; ghidda a gosippa, ³⁰ Teki ngara ata, butta atei Mori, kasarra, paneghe kadetukana, ngada kaladana, tobboka a bokala, da dekukige patekida kaweda, ³¹ Bodo, da setia, damunnu atena, monno kejam. ³² Monno, sekalipun ghidda a paddege peraturan Mori paneghe ba ata a rawige hal-hal semacam netti pantas mate, ghidda da hanya tetapki barawige, takka kaina adukungge ata-ata a rawige hal-hal netti.