¹ Ana-ana, taattai orangtuamu barra Maramba orona ne nia hal a dua. ² " Pa'akadi ama monno innamu," ne nia pareta a'ullu ne padekuda janji ³ "Ga'ika moripamu dua monno yemmi bi malouna umurmu ne ponnu tana". ⁴ Ama-ama, du picukai ana-anamu ba jadi buttu ate, takka pakaladadih ghidda ne padesiplin monno Nasihat Maramba. Nasihat tagu atapapatukada monno Tuanda ⁵ Atapapawededa-atapapawededa, taat di tuanmu ne gha'i ne ponnu tana ne monno pangakadi monno madauta, monno neghe tulus ate azama tagu karittu. ⁶ Da'ikana zama ata-ata a panghilli ne paghillida ne ba niakido ba eta ata -- tagu pasenangai atapia, takka patudda atapapawededa-atapapawededa karittu ne parawina pabeina Mori wali ate. ⁷ Layani neghe atewai takka tagu Maramba monno da tagu atapi'ake. ⁸ Niawe, yemmi padege, enta nia atapapawededa ataupun ata amerdeka, niaka nia banarawige hal ne adua, Maramba ne ayadi upah barrana. ⁹ Tuan-tuan, rawi kaina barra atapapawede-atapapawede. pattuwekina ne ba ancam orona paddege adua Tuanmu atau Tuanda ghidda zama-zama gha'i ne sorgadana, monno Nia da pede manawara. Waige ngarakua beddilai Mori ¹⁰ Kadukkana, jadi panghezi barra Maramba monno barra panghezi kuasa-Na ¹¹ Wai ngarakuana perlengkapan Mori ga'ika yemmi kolege bidede lawana tipu daya kaballika. ¹² Niawe, nepaperjuangda ghitto da lawake kana'a Monno ra'a, takka lawadi atapareta-atapareta, aterrena kaghukku-kaghukku, paghezi-paghezi ponnu tana ne kapatta dana ne, monno lawadi roh wali na bokala a gha'ina langita deta. ¹³ Orona netti, tauwe ngarakua perlengkapan senjatai Mori ga'ika yemmi ki kolena pattu wekina ne lodo a bokala netti amai, monno nenia ngarakuana napabage yemmi engami adede. ¹⁴ Niaka, dede takka ghu, ne bu kette paizirrage ne kalerre wage adua ne barra kobbumu monno tau kalambe zirah a adila, ¹⁵ Monno tau kappe gha'imu ne persiapge Injil magheghera ate. ¹⁶ Ne ngarakua hal, deke perisai atewai tagu yemmi kikolena bipadda ngarakua pana api wali ne bokala. ¹⁷ Dekewe ketopong toleka serta katopo Roh, ne li'i Mori, ¹⁸ Sambil bu tabaya nesetiap rapa barra Roh ne ngarakua tabaya monno padengida. ne barra tabayu netti, daga-daga wekina ne ngarakua petekunda sambil bata papennena ngarakua pedengida tagu ngarakua ata zingira. ¹⁹ Tabaya kaina tagugu zauwa ga'ika ne zauwa bughe ngadagu, paneghe ne pakanurrudaga barragu ga'i zauwa ku berani baku tekiwe Rasia Injil. ²⁰ Orona Injil netti, zauwa jadi patukada a makete. Tabaya ga'i zauwa kolege baku ngidiwe neghe berani ne baku paneghe. Salam akadukkana ²¹ Tikhikus, oledadi seimangu ne pamanawaragu monno pelayan a setia barra Maramba, ne batekiwe ngarakua na barramu ga'i yemmi kaina paddege peina keadaangu monno appa ne zauwa parawigu. ²² Zauwa memang kupatukai nia barramu tagu tujuan ne, neghe ga'i yemmi paddege kabarma yamme monno ga'i nia kole bana pahiburame atemu. ²³ Magheghera ate tagu oledadi-oledadi seiman, monno manawara awaina ate wai wali Mori Ama monno Maramba Yesu karittu. ²⁴ Kanurru nadeku ngarakuami ata a manawarai Marambada ghitto, Karittu Yesu, monno manawara da binasa.