¹ Wali Paulus, rasul Yesu karittu orona pabeina Mori. barra ata-ata zingira ne Efesus, ata-ata beriman ne barrana Yesu karittu. ² Kanurru monno magheghera ate tagu yemmi wali Mori, Amada ghitto monno Maramba Yesu karittu. Berkat-Berkat Rohani barra Karittu ⁴ Niawe, Nia napededa ghitto barra karittu ne permulaan ponnu tana ga'i ghitto jadi zingira monno dappa bercelaki ne aro-Na. ne pamanawara, ⁵ Nia nata'ida ghitto wali semula untuk bakeketa jadi ana-ana-Na melalui Karittu Yesu sesuai ne pabeina tagu-Na ⁶ Nia na rawige netti tagu kepujian kemuliaan kanurru-Na, ne pakarunia-Na monno cuma-cuma barrada ghitto barra Ana-Na a pamanawara. ⁷ Barra Nia, ghitto takolena penebusan melalui ra'a-Na, ne pengampunan tagu palanggar- palangarada ghitto sesuai ne potena kanurru-Na, ⁸ Na Mori limpahkan barrada ghitto ne ngarakua padde monno pengertian. ⁹ Nia natekiwe barrada ghitto rasia pabeina-Na sesua ne maksud adua ne Nia rencanakan barra Karittu, ¹⁰ Ne papakako da ne waktu abonnuna nadukkiba ne bapaiadi ngarakua sesuatu barra Karittu, ne a gha'ina sorga dana monno a gha'ina ponnu tana. ¹¹ Barra Karittu, ghitto kaina ta jadi bagian warisan ne patetap-Na wali awal sesuai ne parancang-Na, a paghilige ngarakua sesuatu ne papotana pabei ate-Na ¹² Ga'i ghitto a ullu tata'ige ne paremada barra Karittu niawe a jadi dodo-dodo tagu kemuliaan-Na. ¹³ Ne barrana Nia, yemmi kaina, bi rengheba li'i adua, ne tolekamu, monno biwai barra-Na, amatteraimi waina ngau amatua ne pajanjina. ¹⁴ Ngau amatua niadona jaminan ne warisanda ghitto, dukki penebusan a terjadi ponnuda ghidda ne menjadi milik Mori douna bagi pujian kemuliaam-Na Tabayai Paulus ¹⁵ Oro niawe netti,ne zauwa Baku rengego ne tentang ata waimu barra Maramba Yesu monno manawaramu barra ngarakua ata zingira, ¹⁶ Zauwa dakku berhenti-hentiki baku bersyukur tagumu ne zauwa baku lolomi yemmi ne tabaya-tabayagu. ¹⁷ Zauwa tabaya agar na Mori wali Marambada ghitto, Karittu Yesu, Ama wali kemuliaan, nayagu roh hikmat monno penyataan barra bupandege ne Nia. ¹⁸ Zauwa tabaya ga'ika mata ate waimu napa mangewala ga'i yemmi kikolege monno mengerti pengharapan a terkandung ne barra warisan-Na a Julia tagu ata-ata zingira, ¹⁹ Monno paghezi akaladana da terukur taguda ghitto a waige, niaba ne batunjukage barra akaladana paghezi-Na ²⁰ Kaladana paghezi-Na ne Nia na boghoge ketika Nia bana pakede Karittu wali tillu ata mate monno napamadi'i Nia Ne Bali kawanona ne padou sorga dana, ²¹ A marro alouka madetana wali ngarakua aturan, kekuasaan, paghezi, pareta, monno louka madetana wali ngarakua ngara ne a gha'i bana, da niakipo ne masa nema ghinna ne gaika nia ne masa nemmi amai. ²² Nia na ta'i ngara kuadi ne kabu gha'ina monno nayawe tou-Na jadi katowa Ne ngarakua tagu jemaat, ²³ Ne nia tou-Na, ne niawe bonnu-Na na memenuhi ngarakuana monno segalana.