1
Kalana ajo to utus-utusku anu kukalibosi ka' kukalingi anu timbali ka sananganku ka' kadaka'anku, tuminjo mado-madoh i uno nu Tumpu
2
Aku mompoita hondo hi Euodia ka' mule Sintikhe datumu'u ima-ima i unonu Tumpu
3
aku mopoita hi komiu sanga-sangalu aslii tulungi na to' boboune aia kalana aha nokalajamo maboat tiba aku ka' mule i Klemens ka' sanga-sangalu sampo kalajangku saga'at anu sangonyo tinulis inonu kitab kantumua'an.
4
Majamamo hi Tumpu po'ule kupotoiakon. minsanmule kupotoikon majama'mo!
5
Pobakas na nusumbu' nu mian iwi-iwi. Tumpu ohanimo.
6
boli meat apa na anu oka handa i. da iwi-iwi i unonu ingko-ingkot na anu okahanda i hi Allah i no nu doa ka' poitaon tiba kajamaan.
7
Dame maima Allah anu molingkudui iwi-iwi mompototu u kinyonyoa ka' pikilan nu belemiu ino nu Yesus Kristus.
8
kahimpupusannyo to utu-utus, iwi-iwi anu totu'u, iwi-iwi na anu pokakana, iwi-iwi anu malonde, iwi-iwi anu maima namontoa, o tutugi iwi-iwi na aijo.
9
b apa na anu ingajan miu ota talima, ohongo ka' o toa anu lengkat hiyau' baumo iwi-iwi na aijo, Allah mule tumpu nu balakat mombatuki komiu.
10
aku sanang tongko hi Tumpu kalana uka imi hinyo komiu mombei akon palahatian kanyo komiu mandi montumpu i kasempatan
11
aku mo tatae uka nisa kalana aku kakulangan saba' aku lagi balajan momposukup posi' aku ino nu kaadaan maum mule
12
aku munsumbu apana alatinyo kakulangan ka aku suile monsumbu apana alatinyo kalabian i ino nu ka'adaan aku binalajan tumu kalabian apa tiba mobosu kabi mo'ohop apa tumu manjo'na doi kabi mandi ko doi
13
aku mokoala mombau anu montului ia anu mobei kahosonan hiyau
14
maumo komiu nokobaumo ma ima tiba mombagi kakuatan tiba aku.
15
posi komiu monsubu jamaat pilipi talu salata mona nompotoi kaimaan salata aku nompalai wilaya makedonia mandi ko jemaat anu mongkahandai mombagi kakuatan tiba aku uno ino nu mombei kan montalima bilako komiu
16
tiba manau i kota tesalonika komiu mompakatu pontulungi bau kapala luan mompolabi minsan
17
maumo misa pontulungi aijo nakulio panyo aku molio kaimaan anu momponjo kauntungan
18
aku montalima'mo pombayan manjo kanolabi aku montumpui iwi-iwi na anu kapalaluan maka pombagian miu tina katu mae hiyau montulu ka Epafroditus pombagian aijo timbali palasembahan anu maima anu mahangkona mompo sanang Allah
19
Allah tionyo mompo sukup iwi-iwi nakapala luan miu sumo kakayaan'nyo anu maima i unonu Yesus Kristus
20
kaholomatan hi Allah Bapa toka sidusidutu Amin
21
potoiakon salam mami toka himian maima lengkat' i Yesus Kristus salam toka hi komiu lengkat i to utus-utus anu saasa angu na kapalesayaan anu tiba aku i aiya
22
iwi-iwi namian maima mompakatu salam hi komiu taha tahahu mian anu ko kalaja molayani i istana Kaisar
23
balakat lengkati hi Tuhan Yesus mojajalan rohmiu Amin.