¹ Holomat lengkat i Paulus, samian anu tinalungku' kalana Yesus Kristus, ka' mule lengkat hi Timotius, utus to anu pokakana na kapalesayaan tiba kita, ² ka' toka hi Apfia, utus to, ka' mule toka hi Arkhipus, sampo sangalunto susah ka' sanang, ka' toka mule hi jamaat anu singkap mosa'angu' i laigan miu. ³ Balakat ka' mule kadamean maima hikomiu lengkat hi Allah, Tumanto, ka' lengkat hi Tumpu Yesus Kristus. potatae maima kita' i kapalesayaan ka' mule kaimaan i Filemon. ⁴ Aku saja' majama hi Allahku, de aku monginau belemiu i unonu doa-doangku, ⁵ Ka' mule mohongo kapalesayaan miu ka' pongkalibosi anu o tumpui i uno nu Tumpu Yesus ka' mule iwi-iwi na mian anu kopian. ⁶ Aku baladoa da posa'anguan kapalesayaan da timbali maima na ponsumbuan anu mobuke ka' mule anu maima iwi-iwi hikita hi Kristus. ⁷ Aku majama hondo ka' mule talahibun nu libos miu kalana montului komiu, utus, kinyonyoa to mian-mian kopian mai'maan mule. Poitaon i Paulus mokakonai i Onesimus. ⁸ Kalana aitu, maumule aku malingkoya hondo i uno Kristus ka' mule timbali mompakau belemiu maombau apa na timbali anuobau miu. ⁹ panyo kalana libos, sahanyo ahi aku mompoita hi komiu. Aku, Paulus anu motua'mo na butong ka' aiya tinalungku o kalana Kristus Yesus. ¹⁰ mompoita hi belemiu da' anakku, Onesimus, anu i humpaku kopi-kopin na aku i talungku'an. ¹¹ anu naepuan mbaan talakana hi komiu, panyo uka talakana hondo hi belemiu. ¹² Aku mompokau ia, anu kukalibosi, minsusule hi komiu, ¹³ sabenanyo aku mongkahandai da jojong pin tiba aku, da timbali mombolosi komiu montulungi aku de' dagi aku i nutalungku' kalana lele maima (Injil). ¹⁴ panyo, de mbaan ko' kasangajaan miu, aku madi mongkahandaii mombau da kaima'an aitu obau miu misak kalana o pakisakon, panyo da' kasanangan. ¹⁵ montiik goguoton na i Onesimus ogaaat lengkat hi komiu ola monta-tandaii da komiu timbali montalima ia toka sidutu. panyo, misak sumo posaihon, ¹⁶ panyo molabih lengkat i aitu, susumo mule utus anu okalibosi, misak ola posi aku, panyo molabih hi belemiu, apamule i unu nu daging ka' mule i uno nu Tumpu. ¹⁷ panyo, de komiu montoa aku sumo sangalu miu, talimamo na i Onesimus sumo komiu nontalima aka. ¹⁸ panyo ia sinala o hi belemiu kabai ko samaya maumo apa na anu hikomiu, beo mae na atina hi hayu' ¹⁹ Aku, Paulus, montulis aiya posi limangku, aku je na mombayanakon, mbao mule monsanggo samaya miu hiyau', aitu mulu posi butong miu. ²⁰ ya, utusku, bakaso i uno nu Tumpu aku mohumpak kaima'anum. molumu na kinyonyoangku i uno nu Kristus. ²¹ kalana kapalesayaanku hi katulutanum, aku montulis sulat hi belemiu, ka' mule kusumbu' komiu mombau anu molingkudui lengkat anu kupoita. ²² hau-haunyo atu, tulungi posadiai kaman hi hayau' ka' tahaiman montului doa-doa miu, da timbali aku minsusule hikomiu. Holomat kapupusanyo. ^{25 23} Epafras, sangalungku i talungku'an i unu nu Yesus Kristus, mompakatu holomat hikomiu. ²⁴ sumo atu juga i Markus, i Aristarkhus, i Demas, ka' i Lukas, tiba to sanga-sangalu anu saja hingga-hinggat mojajalan ka' aku. V 25 Balakat lengkat hi Tumpunto, i Yesus Kristus, mojajalan ka santuu miu.