¹ Done tanu ngini ni jasidemo okia toi ofi de dodoko toi sesehat. ² Naoriaka ngogoru ngona woriaka musti womakesabar lainatede de inatedeie lahuntuk naroese, de kawosasanang de na iman madojaka de nasabar. ³ Ngini ngowejeka-wejeka niririaka nisidumutu matabea tolafiua nyawa wojasidemo bolo woudomo anggur enagena wojadotoko okia toiofi. ⁴ Somage onaisidemo kengowejeka-wejeka supaya nijahoromati rokatahoromati ngowaka-ngowaka. ⁵ Naroese wojaga, de waurus na rumah tangga de anisinyia maloa de nosubah ani rokatika lah dodotoko ma Jou ua wibalifuta. ⁶ Komageoli wojasidemo kenyawa yang nonongoruoka supaya ya jamake momaroese isiodaka jamake. ⁷ Ingodumu mage idadi aniroesoka teladan iyofi. supaya nosidumutu ani jujuru de ani horomati. ⁸ Ani demo igogong yang ikulaiua sigadono nalawan ijamajeke sababu jamakeua demo hal yang jatorou ngoneino. ⁹ Gilalongo-gilalongo ngone womaruku nabalusika, sigado-gadonika lahjarasa ijangodumu de jocapuaua. ¹⁰ Ua wototojiki lah wosidumutu, lah ngone wamake ngangaku sigado-gadonika, lah japuji dodotoko ma Jou gikirimoi. ¹¹ Sababu, ngone ino ma Jou aao salamatika idadioka ngone ino. ¹² Soona ikeoka, watila okia yang madorou; bolo nyafisu dunia, sigadono ngone wamakeango inakuasa naango, tetebini oras manena. ¹³ Maorasi manena ngone wodama ngonganono de barakati, manegelah ai gogadono ma Jou Madutu ino, de na Jurusalamati, Yesus Kristus. ¹⁴ Una aikeoka ai roese ngone ino bari atuhsu tongone naparabuhatan totorou, bari isitiodo to una Ai roese, umati moi Una aingingiriki yang giat manarama to jaloloa ¹⁵ Wojadotoko ingodumu lah de wojasi demo de, demo deingodumu; ua demena nyawa yang inna sitiwawouku.