¹ Tabea da paulusu maruka nyawa omtenggo buioka mangale majou yesus kristus, desababu timotius, riaka nongoru iman moingone, defilemon, nangga dodiawo majelisi dengomi mini dora ini ngodumu. ² Dekomage lo ngona Aplian, nanga birangga, komagelo ngona Arkipus,nanga dodiawo do dagi mai ngone dengini jamaat nigabeti nia wolaka inigodumu. ³ Anugra dedora ngonauku, demasihino demajou lata ALLAH dema jou yesus kristus. Wogajoko sukuru iman majou oka defilemon aidora. ⁴ Ngoji itaurika toma sigajoko ajisukuru kemajou madutu enanege majou lata ALLAH daku sorga aka, mamoi oka detinisinjia ngini maruka aji sambayang madojaka. ⁵ Sababu ngoji toisene maruka iman dedora ngini nia make dejou yesus dengone inagodumu nyawa itetebini. ⁶ Ngoji tomasigajoko supaya dodongomu itetebini deani iman imadadi iofi untukku dodotoko done kehal jaloloa ika demakristus. ⁷ Ngoji tomorene detosanang sababu anidora tongona tosisapolo ngini ika riaka nongoru nia sinia itetebini de irorasai. Pulusu keone simus. ⁸ Sababu tosiodaka aji ngongaku demakristus,aisusuloko okia done aje niakana imadadi nia manarama. ⁹ Sababu maruka dora, ifoloi jaloloa nakoso ngoji togajoko ngona ika,ngoji paulus ijipereki oka, demanena imadadi nyawa deiji sibui sababu yesus kristus. ¹⁰ Noji togajoko ajingoaka onesimus,nako ngoji tamake madekana bui ma dojaka. ¹¹ ijojoma ijibaraguna ua kengona ika tatapo manena kai ofi kengini dengoji . ¹² ngoji tosuloko una, aji ngowaka, noma kilioro kengoji ino. ¹³ Tanu aji siniaka ngoji tinitumungu lanogogere dengoji, sababu una akunu oni tagali aji leleani ngoji aji dekana bui oka sababu injil. ¹⁴ Duru womasikedemo ua de ngoji tohuluku taakana okia naga supaya jaloloa mage ngini nia akana nako idadiua niakana denisidogunaja ika sababu omagae. ¹⁵ Tataka siri aisinyia onesimus omau ojisitingaka dari una tilahi ange moi, sinoto supaya ngini nitarima ali iturus ika, ¹⁶ uamaruka yongos,done ifoloi demage sababu maruka riaka nogoru womakodora uatilahi kengoji tapi ifoloi kengona, jaloa maruka aji roese deajilakeme komagelo de majou Yesus. ¹⁷ Nako ngini nisiodaka ngoji niadodiawo manaramamui,nitarima onesimus maruka kangini oli niji tarima ngoji ¹⁸ Nako souna akanaka dorou kengini ika okia deokianaga kengini ika, mage singofu nia fanggu ngini denosidemo ungoji ino ¹⁹ Ngoji paulusu, talefo manena deaji giama ngoji done aje tatusu. ²⁰ Hei aji nogoru, akunu ngone demajou ngoji tamake jaloloa ngonaino kai ofi denosiputurunggu aji sinyia uku majou madojaka. ²¹ Karana ajingonanono de aji gogisene aje tosidumutu ngoji talevo surat kengona ika, sababu ngoji tininako ngini tosiodaka niaakana de ifoloi ngoji togajoko. ²² Madewi-dewi aje nosi mana ika kamar tilahi ngoji karana ngoji tonganono nia sambayang ngoji done iji pake oli kengini ika. ²³ Epafras, aji dodiawo bui moy dalam Yesus Kristus tosiokoto aji tabea tilahi ngona. ²⁴ Komangelo maruka markus, ARIS tarkus, Demas, Delukas aji dodiawo dodagi moi. ²⁵ pahala de majou Yesus Kristus, kalaha ina diawo deguruminggi itetebini.