¹ Onagugu Yudas, ai leleani Yesus Kristus " de ai nogoru Yakobus, nyawa ija ngongoe mamege oja iriki de oja dora ama doku sorogaka, manege de ojato ngomu ma Yesus Kristus. ² Tanu ani dora, de magae de dora igogoe ngomi uku. ³ Riaka nongoru tini dora, ngoji tomariwo mage tolevo nginika osolamati ngone inagodumu ngoji tomau tolevo nginika de golokolah ngini nimariwo ingogongu nagaku detosia dono mamoi ikakali manege nyawa-nyawa jotetebini. ⁴ Sababu, nyawa-nyawa manege joururu imasiodakua, kanege inokasih ijasitatapua oka ijasika ngela, nyawa-nyawa jo ngakua de dorou joakana anugera Allah kita dejamolo ijapunusoka de jatarimaua moi-moi mapareta de jou gikirimoi. ⁵ Ngoji tinisidemo ngaro nianakoka ingodumu , de Majou oja sisalamati okade oja sisupu nyawa-nyawa Mesir matonakinoa, aje domaha maduru Majou ojamo malo ona jo ngangakua. ⁶ De malaekat-malaekat de jamotekua ma ealangi pareta ona, manege jamaja to ona ma mangi, de Majou ojapilikuroka de rante ipupuli okia gamamu madojaka kajeisamamataka ke doroika siggadono ange ilalamokika. ⁷ Maruka ka Sodom de Gomora. ⁸ Marupa magelah nyawa-nyawa manena, jasuba to ona ma madoguruga ja faja to ona mamamroese, isimahua mapareta, de jojotorou de morene. ⁹ Mikhael mage, malaekat, mabalusu mage ima kangamo de ibilisi mage mayat Musa* jobarani ua jobicara demo-demo madorou keunaika, mage otemo, " Domaha Majou ojangamo ! ". ¹⁰ Marupa manena, mangale nyawa jobabalifuta dorou ja akana okia ja akana janako ua okia ja akana ka ona janako mamasigia madojaka, maruka kahaewani ma akal meia marupa manenenalah ona jobiauru. ¹¹ Bahaya ona ! dejamoteke ngekomo de atagi Kain de iniki itotokana jatotorou akana Beleam de o sotumu mage ongamo maruka Korah. ¹² Ona e maruka gorahe maraba joperjamuan kasihmu, de jadahake ja ojomo inono imakokomoteke-duru ijamodongua, jokalesang ua roeseimatengo, ona ua maruka lobidemeia mabesaka, de wuwulu ja ao isikaika isikaino. Ena maruka gogahu de ua isowoku ma orasi de, isonege sinoto kali i waosigadono mangutuku. ¹³ Ona maruka momoku teongoka de jatotata, dekajeijarisoka tolegaika ona omatega. Ona maruka haewani-haewani de kajeingo ngosama, de ona gamamu de kangela demenaka sigado-gadonika. ¹⁴ Una manena onang Henokh, ai dodadi kemattumudigi Adam, osidemo, " nimalega, Majou oswutu imakokomoteke dema cala-calana nyawa jososalamati; ¹⁵ Isi dagi mangekomo bari ijahakimi kengone inangodumu; de ijahukum ngone nyawa-nyawa ino wouru mage inangodumu woruruta de ona jaakana mage ai cara de airuta mage osidemoka ngona nyawa jododosa de joruta ke Majou ika. ¹⁶ Onamage nyawa-nyawa de jomagae gurubungu, janononu kesalahan dejamoteke nyafisu ona imatengo; ona mamauru ilamoko, de ojawiwisi nyawa masemoa omau amake ifoloi osidemo de mangale. ¹⁷ Riaka nongoru detini dora, ngini salingofu nisingia okia isidemoka rasul-rasul *, Tuhan ngone Yesus Kristus. ¹⁸ Ona isidemoka ngoneino," done maduru, dimena jouru demanege jamoteke to ona mamanyafisu joruruta". ¹⁹ Ona mage nyawa-nyawa de japuji de ja aakana dorou, jemotiki nyafisu to dunia, de jaholuku ngomasa itetebini. ²⁰ Manege, ngini, riaka nongoru detini dora namomiki aniroese ngangaku majokie oka de itetebini de nisembayang roese itetebini madojaka*. ²¹ Napareta ino nia roese madojaka kasih Allah sowodama kasih rahmat Tuhan ngone, Yesus Kristus de ona sidumutu ngone ango sigadonika. ²² Nia make loloa nia singiaka mage de ona kahima sosingia. ²³ Nijasisalamatilah nyawa masomoa de nijaorauku o kah!. Manuka ika, najiselega nidora de jamalo ija modongo deaini duhuduk mamakapili de jafaja hawanafsu dunia. ²⁴ Keuna, de aipareta ona sisao ua ituere de osisuutu ua wolungu ai bionika de momorene de momorene ilamoko. ²⁵ Moi demoi Allah, najuru salamati, ngone, mangale Kristus Yesus, Tuhan ngone, kemuliaan,keagungan,buruturungu, de ai paret itogumua; neokasi, angemanena, sigado-gadonika. Amin*.