¹ Ma penatua, de oja tumutu mangangina de ami ngoa ngoaka, nako ija dora dodotoko itete bini, marabaka, kangojiua, tatapu ina ngodumu wosiodaka dodotoko itetebini. ² karana dodotoko itetebini igogere ngone oka ina ngodumu iteka tekanoka. ³ Anugerah, dora masarta de morene de Majou lata Allah, de ai ngoaka Tuhan Yesus Kristus ina moteke dodotoko jaloloa madojaka ⁴ Ngoji tomorene Mangale to siodaka to ngona ani ngoaka manga ango jamoteke majou ai susuloko yang wajie, ⁵ oras mane togoloko ngonaika, ina, idadiua nalefo susuloko jaloloa sababu susuloko manonomaika wosiodaka de wo makodora,. ⁶ manena nanga dora, nanga ango ina ngodumu, namoteke Majou ai susuloko, manena ai susuloko wosiodaka nege-negei nosi nanga ango madojaka. ⁷ mangale nyawa jo babalifuta jo suwutu ona jo ngakua Yesus Kristus okaino oma dadi maruka nyawa. ona manege jo babalifuta de Majou inakoua. ⁸ Ngini mi mahetiari la uaiijinga okia yang idadioka supaya nia jie ma sewa ingodumu ⁹ Ngone nyawa tagide de wusupu daje wosamua majou ai dodotoko madojaka manege ngone nane Majou ai ngawakua, tatapu nyawa manuka jo manoa ai dodotoko madojaka ona mane. Majou ai ngoaka. ¹⁰ Nako de nyawa ja kaino ngona ino de jaaoua dodotoko mane, ua la noja tarima de ua jo osama de ua jo tabea. ¹¹ sababu nago ngomoi jajie manarama jatotorou una manege ai bobula aakana ja torou madojaka ¹² Hali mangoe nakowalefo keunaika, tatapu ngoji toholuku toakana de kartasi de tinta. Ngoji tonganono nakaino de nosidemo womakadalarino lamasimorene de mena ngone oka. ¹³ Ngoa-ngoaka de bira-biranga nako ina tumutu woosidemo tabea unaika.