ATA HAPEDENAI ALLAH ¹ Nauwag takiwe katena tai Kristus, walleg kawohho ka'gmawa, monno li ategu na dokuge hadedala waini Wad Kabihha, ² oroge mayillagu wale ana manage madakkage monno hangatta-nagattage milla ategu. ³ Oroge, nauwag mannege kanna lilokowe tauwugu, mahewa wallta Kristus tutna olebaiyigu, kabihhugu, dokuge hada ata ⁴ rattu ata israel; kadautakage tutge bana keketai kada'dadi anai Allah, hibbawe kama nadana, hajaji, hibbawe uk Pareha Taurat, mahadi, mona jaji. ⁵ Yid'da nala dalarana ama weda waika, monno walita tajonga'da yidda Kristus na da'di kaha tuja da'di ata, Nyiyoi Mori ta tangngage monno ha daika kahha lado nimmi. Amin! ⁶ Tanyiduwe, Linai Allah walena hagga lu'mawe. Oroge wale tangnga'mana ata kawali ta israel, ⁷ monno wale tang kahha madi dalarai Abraham ba ana nadai, tabollo "rattu dalaranadi halinawu yidadaho kawali tai Isak." ⁸ Inne taudadana walle ana hara kada'di ata da'ma kama yapu kanna dadi ana nai Allah, tanyiduwe ana hajaji kama gau nedi ta dalara. ⁹ Oroge, inne nyiwe hatakki jaji nuttu: "Rahi inne nyiwe Bagu maiwa, monno Sara enga nyiwe ba'da wu ata ana kabanina." ¹⁰ Walle nyi dakelmawe inne, tabolloi Ribka dummo naha tii'na anana kawali ta wu ata, nattui Isak, weda waikada yitta. ¹¹ Oroge, rade lakawa aiha anahodi monno waaleda rayi'mahona hodiki kadahha mona kajapata, tannam hakabbu atenai Allah tutge ata hapede-Na naha madoyi wale oro harayi mado ta niduwe oro Nyi ka maikadi, ¹² linna dage tabari Ribka, "Ana ka bo'di naha ma diyi alna." ¹³ Katujana kama tolha, "Nauwag manawarani Yakub, tabollo Nauwag buttuni atei Esau." ¹⁴ Nyi, agai dahoi yitta hatakda? Nyi Allah wallena ma tibama? walle dahingmana! ¹⁵ Oroge Naha newe tai Musa, "Nauwag manawara tai iyaduwi dau manawara-Gu, monno Nauwa dahha atewa tai iyaduyi dau dahha ate-Gu." ¹⁶ Nyi, katujana walle nama dairo da'mawe hakabbu ate ai wali kawe harayi ulla kada'di ata, tabollo tabarai Allah naha tingoge manawara-Na. ¹⁷ Oroge, Jurata Bihha naha newe we tabarai Firaun: "Oronyidawe oroge inne Nauwa kadeketawu katomage Bagu hatingoge kawaha-Gu tajongamu, monno ngara-Gu katalarage ta tangngage pannu tana. ¹⁸ Tanyiduwe, Allah na mol ate-Na baiyaduiyi hakabbu ate-Na, monno ha tullawe ate ba iyaduiyi nattu hakabbu ate-Na. ¹⁹ Nyi, tomage tabaragu bamu hanewe: "Ahha Nyi ma engahoge bada hajala? Oroge, iadaiyi ka gabbage hakabbu ate-Na?" ²⁰ Gabbage, iya dauwu yau, mi kadadi ata, ma miyo hagabba tabarai Allah? Nadadi kaduwe nada harayi bana hanewe tabarana karayini, "Ahha mamrayiga nauwa katujana inne?" ²¹ Nadadi kawe nada ata bana pepe aila hak tabarage tana nitto; tut pahadawe wali taka bolo tana katau kahatuja wu yarro na'da ha wai tut ge hada kamada na, monno yarro wadeka hawai dummu tut hada na ai kamadana? ²² Agalinawai Allah, langka na but ate ge tut hatingoge na hatingo ge bana monno hade dalage wadina natagu dege maloya ate kamara'da tabarada yarro haban-Na bada haganana tut ge liloko? ²³ Nyi na hadawe tut hatingoge tut ge kamaja'bola kamanadana tabara'da yarro hamanawara, na behaganna bena tut ge kamanada na, ²⁴ Nyi yitta, hamaika Na, walle nyikel mawe wali tajonga da ata Yahudi, tabollo dummu wali tajonga da bangsa bangsa wadeka. ²⁵ Ka tu'ja dummu ge li-Na ta jurata Hosea; " Yidda nada ai ha ata Gu, engag takiyi ata Gu. Monno nada aiha manawaragu, enganyiwe bagumanara."Hosea 2:23 ²⁶ Monno, "Taha dauna Nai Allah takiwe nuttu kalangana: 'Miyo walle ata magumi, ' tahadau ne'do yidda yi enga takiyi 'anai Alla kamorha."' Hosea 1:10 ²⁷ Monno Yesaya na hodi Israel: " langba dummo kataudana ana Israel ka buta katujana pahha laiyi ta ban, tabollo rehi-rehi yidda he ha ha tolka, ²⁸ Orogei Mori engana pa hadawe li-Na inne ta pannu tana, kabanna monno lodoge." Yesaya 10:22-23 ²⁹ Katuja jalana hapa laranai Yesaya: "Nyi banyikai Allah karayige langta panu tana wallenaha jungama da dalara, yitta engada dadi mera tujana Sodom monno hangejayi Gomora." Yesaya 1:9 ³⁰ Nyi, agakayi hatakida yitta? Oroge kabihu-kabihu aika Yahudi na aika dokuge katena, bada koledage katena, nyi nuttu katena naka wali taka tena; ³¹ tanyiduwe, kabihhu Israel karunnuge doku katena uk pareha Taurat nyidumowe rehi damoge aida toma tabara hoku nedo? ³² Ahha? yidda waaleda roti'mawe waige katena, tabollo harayi hapa hada. Yidda dawidda ta watu widda. ³³ Katujada dage kama tolha: "Torroilah, nauwag ijalai nedo ta Sion wu watu widda monno wu watu kalabar, Monno iyadui kaha tena tabara-Na walle ha makke mayi." Yesaya 8:14; 28:16