YIWE MORHAMU TA BARAI ALLAH ¹ Oroge inne, waige manawara Nai Allah, nauwa gu ohoragimmiyo, tangngami ole baigu, dajalage miyo maraka waige tauwu mu katujjana maraka naka morha, na kmMurraha monno naka Tengna loppo kadahha tabara nai Allah; nedo nyiwe kangotem ka tengna. ² illam da'dikawu ka merana ne hada pannu tana inne, tanyiduwe ha jeluge la waige bamu haberuwe paha ngadamu, dajjalagi miyo da'di hawattege agawe hakbbu atenai Allah; Aga we kadahha, lohho ka yannana tabarai Allah, monno ka ban na. ³ Oroge, ledege kanyurru manawarana hayibena ta baragu, nauwa lugguge tabarada tangngana ata ta jongam miyo dajjalage illam hangadage tangngadi hada kama dista wal ta paha ngada aipaha ngadahona nyiyo, tanyiduwe tannam pangadage ka murraha katujjadi ukku hatena naha badda yinai Alla tabara tangngada . ⁴ Oroge, katujjana wu tau yo, yitta butayi oleda, tabollo dihha - dihha walle naha mera'k mayi ha ullada. ⁵ Tauda dummoge yitta, lokko dabuttana, tanyiduwe nyiwe la tauwu lar tai Kristus. Monno, dihha- dihha wali ta yitta oleda rada wadeka. ⁶ Yitta da kole bege Kanyurruh kaheka - hekana dokuge kanyurruh manawara ha yina tabarada yitta. nyiba tutu hurbalewe, dahha we yitta rayige dokuge tuba hatenada yitta. ⁷ Nyi ba tutu hanukkukawe, dahhawe nyiyo bkana hanukkuwe, loppo banyi tuttu hanuwawe, dahhawe nyi kana hanuwana. ⁸ Loppo ba nyikawe tutu hamaddona paha ngada, na rehi dahhahowe kana pamaddona paha ngada, Ba nyi tutu yikawe dahha nyiyo bana yiyo wai manawara ate, Ba nyi tutu ma irrikawe dahha nyiyo kana ma irrih waige kaha tetakkana, ba nyikawe waige hatingngoge bikta manawara, dahhawe ba pahadawe waige lagahara. ⁹ Nyidawe ge manawara illa dahha dete ka. Muhhu dage naka japata, Monno narro dage agawe ka dahha. ¹⁰ Nyidawela miyo kammu manwara wikkina waige manawara kaha olebaina monno kammu ulluwe napa hi wikkna, ¹¹ Illanna lojawe nama nuddu mu, nyidawe miyo kam muttu takka lar ta waddi monno hanukkuyi Mori. ¹² Lagahara la lar tama manne, tahna ta tillu kahna, monno ha tetakka wikkim la ta tillu sembayang! ¹³ Dokuge la ngalawe tutumu tatillu hatutudage tutu hawaida tangangada ata Murraha, karuhkiwe ta tillu hatingngoge li bawa Ate. ¹⁴ Hamaringiyi yid'da nakaha mayillami miyo, Hamaringiyi la monno illam katukkana ! ¹⁵ Lagahara dangngadi yid'da naka kala gahara, monno ho dangngadi yidda naka ka hoyo. ¹⁶ Hangadage la hada naka kaha mera na ihha wadeka. Illam hangada kage hada naka madista, tanyiduwe pa aroge la ta barada rada ata naha tada kali bawa. Illam hangada wikki dauwu kamu am tada! ¹⁷ Illam tauwu kage gabba ge ta bara wu ak ata kajapata waige kajapata. Pahadawe kadahha ta aroda tangngana ata. ¹⁸ Ba nyikawe, bana da'di hewe hada nedo kana waliwe tabaramu, morhawu la ta tillu moli dangngadi tangada ata. ¹⁹ Olebai gu na hamanawara gu, Illa dage miyo dauyo bam tauge gabbage, tanyiduwe yige mahiggo hadauge banninai Allah. Oroge dage kama tolha, '' Tauwuge gabba ge Dau gu ge, Nauwa la naka katauwuge gabba ge, '' Linai Mori. ²⁰ '' Enga nyidawe, Bana kalabbaka muhhum, yini nyi hayana, monno muhhumu bana mari ka, yikin la nyi ha enu. waige bamu pahadawe inne, miyo enga ojjokamini malaga latti ta pannu katakkuna.'' ²¹ Illam bakkemi miyo tabarada kajapata, tanyiduwe habakkewela kajapata waige kadahha.