¹ "Tabara malaikat jemaat ta Efesus tulhawe: inne nyi we hatkna yiyo kanarrodi pitu maduyo talima wanana mono kakako ta jonga hariyo amaha rarapada: ² Nauwa tadawe tangage haulamu mono jolimu mono mikumu, agalina dawe miyo aimtahna tabara kajapata mono miyo bamu kirahayi ata katak kiwe danna lede lima, tabolo dokukage yida wale lede likmayi,mlono kole dadi yida paleka. ³ Miyo dage mikkumu mono tahimi tutu ngaragu mono wageta bammawe joli. ⁴ Tanyidawe, nauwag naapemi oromiyo bamu tanabege manawaramu wali puge. ⁵ Oroge inna apawe bagiyo dawu wali miyo bamu mono momlo bamu jarra lodoge bamu rayige agawe ha ulabemi wali ulluge. Nyiaitaudage, nauwa enga amga tabaramu mono ngalayi puha rimu wali taha deuna, dukadahe ge miyo bamu jaura. ⁶ Tanyiduwe, inne miyo daumi: miyo umbutuge ate harayida. Tangada tadokuni Nikolaus, habutugu ate. ⁷ Nyiyo kamangu katilluna yammani kana range agawe inna hatkna wadi. ta jemaat-jemaat tabarana yiyo katailo, nauwa engag nyini hayayo wali tapuyo morha kadana ta omandi Allah." Jurata Ta Jemaat Smirna ⁸ "Mono, tabara malaikat jemaat Smirna tulhawe: inne hatakna wali kapuge mono kaha dukawe, kamatebe mono kamorha haga: ⁹ Nauwag tadawe mayillami mono dengomi, tabolo tawu takage miyo potemi! nauwag tadawe hanewe palika pahaaro tabaramu tutda yida katakkiwe dauna ata Yahudi, tabolo dukage walekma, tanyiduwe sinagoge kabalka. ¹⁰ Ilam madautami tabara agaiwe enga bamu mayillamiyo. Etawege, kabalka enga nabaitana gimi kapirana wali tamiyo tagallu dajalage miyo kakira hami, mono miyo bamu liwe kama yilla kabulu ladona. Tahina kahamate, mono nauwa enga yige mige tabaramu kataupa morha. ¹¹ Nyiyo kamangu katiluna yammagimi kamurangawe agawe hatak na wadi ta jemaat-jemaat. Ata katailobe walena engak mana mayilla tamate kadudana." Jurata Ta Jemaat Pergamus ¹² Mono, ta bana malaikat jemaat Pergamus: inne yiwe hatakna kamangu katopo tamana pattimata. ¹³ Nauweg tadawe nyiyo dawu engami, tahadawu ngodo nai kabalka yoda gimi: tabolo miyo umwarro gage ngaragu mono walem kabal mage hatenamu loho ta mahigu Antipas, kamikku etawe kamate tajongamu, hadaunai kabelka ewgana. ¹⁴ Tabolo, nauwag haapemige oro dayo kapirana tajongami kadokuge hanu wai Bileam, kaha nuwani Balak tutu tau we watu wida taaroda ana Israel, tutu ya nayayo hamanuta ta hala hatawu mono karayi na jala lona olewa. ¹⁵ Tauda dumuge, dadi kapira wa ta jongami kajurtawe agawe hanuwana Nikolaus. ¹⁶ Oro inna, jurramige! nyi waleka, nauwa enga geha maigu tabaramu mono gabadi yida waina katopo wali tabagu. ¹⁷ Yiyo kamangu katil na haini kana range agawe hatakna wadi ta jemaat-jemaat. Tabara nyiyo katailo, nauwa enga yini kababa kabunyi; mono wauwa enga yige mige tabarana wuyo watu kaka, mono wuyo ngara bera kama tolha tawutu inna, wale wuhing wak ata katadayi." Jurata ta Jemaat Tiatira ¹⁸ "Mono, tabara malaikat jemaat Tiatira tulhawe: Inne hanewena Ana Allah, matana katujana rewo lati mono leduna narewoyi tujuna amaha kaka lari hadau tunuyi: ¹⁹ Nauwag tadawe harayimi, manawara mono hatena mi haugami mono maloyami mono lede haumai kammuri rehiwe kawungana. ²⁰ Tanyibuwe, nauwa hanamgini oroge miyo bamu pahaidi lawai Izebel rada, kamangaku wuata nabi lawai, hanuana mono hajalorayi kaulagage haulagu dajalage haloyo wikdi mono yadage hayayo hamara kabe tahala hatawu. ²¹ Nauwa ug yibe mahiggo tutu jarra, tabolo nyi wagena auma jarra wali lona olewa. ²² Etaige, nauwage tubani nyiyo tapanu dawu durana mayilla mono yida kalona olewa waige inna ewga tubaludi lari tama yilla madakka, likeda yida kajarra wali harayikda tawai rada. ²³ Mono, nauwa enga haniategudiana waile mate; mono tangada jemaat enga tada dage banauwai Allah ka kirahadadi paha ngadada mono ate ata, monno nauwa enga yiguge tabarami diha dokuge harayimi. ²⁴ Tabolo, tabaram miyo loho wakeda ta Tiatira, aika dokuge hanuwa inne, aika tadahowe haula kabunyinai kabalka, nauwa gutakkiwe: nauwa enga walegu ijalakmagi mi bikta wadeka tamiyo. ²⁵ Ta yiduwe, warro hangata ditaagai hadaubemi kaha nauwa bagu maiwa. ²⁶ Mono, tabarada ata katailo karayige haulagu kaha kapoaige, nauwa engagu yigimi kawaha ta kabihu ata-kabihu ata, ²⁷ Mono yida enga harehadadi bihu-ata-bihu ata rada waidi takko bahi, hamuaha hajibbi mara hadi tujai pepe karayina jarro, oro wauwa dumo ug hibaduwe kamaha wali taamagu. ²⁸ Mono, nauwa enga yinage tabarana mayudo lado koka. ²⁹ Nyiyo kamangu katilluna rahaini kana range agawe hatakna wadi ta jemaat-jemaat."