¹ Tabara kodoge: Lawitnai Daud. Tabara-Mu Oh MORI mayega kam hamawoga, illam tanaga hamake danga. Kam hatokaga tahadaum kamanada-Mu. ² Hatabarad katillu-Mu tabaragu, hatolkaga na batauge! kanna dadiwe lete watu hamawogu, galwa tut bamu hatolkaga. ³ Oronage, Yauna lete watugu monno gallugu. katau takana ngara-Mu Yauw kakodoga monno kajawa. ⁴ Yaum kalaiga walta tahirra nna kabun tabaragu, Oro nage Yauna daumawogu. ⁵ Nna talimma-Mu, nauwa yiwe hatenagu, Yauw bamu pahilpaga, O MORI, ALLA kamanawara. ⁶ Nauwa butud ate rade ata kabainad kala tau habara kaliloko, oro nage Yauw hadau mawogu. ⁷ Nauwa til ege ate dita koko nna tama nawara-Mu, oro bamu etawa til mayilagu monno tadawa til kahnaura dewagu. ⁸ Yauw walem yimaw ta limma muhhugu, Yauw um hatutgad ledug taha dau kalura. ⁹ Manawaraga, Oh MORI, Oro nauwa manakowa. Matag na hoi ta till milla ate loho dewagu monno taugu. ¹⁰ Oroge morhagu dukage oro mayilla, monno diha dau-diha dau til oja ate. Nna kulhagu nama nyegarawe oro harayigu, monno ri-rigu nana yilrai. ¹¹ Oro rada muhhugu, nauwa nada mapada at wikhogerade olegu, ug momowa tabarada rade hadama-damagu. Yidda da etawe talara, dama lai yida wal tabaragu. ¹² Nauwage dangadi katawa ata mate, nauwa tujai ngau diha wai. ¹³ Oronage, nauwa rangei lii taata buta, dage kama yig til tangkada penjuru. Tangarage yidda bada pujge dahama rangage kabaga, yidda nakab ategu ngala gage karogogu. ¹⁴ Tanyidaduwe, engage bagu hatenau Yauw, Oh MORI, ug hanewewa," Yauna ALLAgu." ¹⁵ Rahigu dage larr talimma-Mu pahilpaga wal talimma muh-muhhugu, wal rade ata-ata kama yegaga. ¹⁶ Hama gakaha mogage mata-Mu tajonga ana ledu ana limma hama nawara-Mu, um hatolkaga tama nawara-Mu kabanna. ¹⁷ O MORI, illam dangaga ta til make, oro bamu kamaikaga nyamad ata kajapata kada make, nyamad yidda kada bur tapanu tana tau dau ata mate, kaha wugge. ¹⁸ Nyamad rowii kamehla kattidi, bana waige wutogo tabarana ata katena, na ele monno nama padda. ¹⁹ Nama jabolawe daham-Mu, naha ijalam tut da yida kama dautag Yau, monno dawaige tut da rada ata-ata kama yegana mawo nna taha daum-Mu, nna ta aro ana kadadi ata. ²⁰ Kam kabunyid yida taha dauw kabun taaro mata-Mu beha pujla beda kadadi ata. Kam hatolkad yida nna larr taha daum-Mu kapahaipana wall ta lamma. ²¹ Hama ringiila MORI Oro nage nyi napa tingoge manawarana katengana tabaragu. Batauge nauwa badaga ta lolina ka kamunyi. ²² Nauwa takwe larr bagumadautawa, '' Nauwa dabaitaga wall ta oro mata-Mu. Tabollo, Yauw himrangegage ligu marainogu bagu nauwa kawula karai matul tabara-Mu. ²³ Manawaraga MORI, ta mii hakado-hakodona katena! MORI na panyudi rada ata ka dahha, tabollo nahaggahodi banubange ata ka kanogona aidahha. ²⁴ Um kulhauw monno hadidarawe atemu, ta mill tangami hawai nna lar ta MORI!