¹ Lawitinai Daud. MORI dage magahagu monno tolkagu, Hil iya hoyi hama dautagu? MORI dage hadau hatoda guge morhagu hil iya hoyi haka redugu? ² Oro kajapata daheka bada habegage ngihugu gaba-gabagu monno muhu-muhugu. Yidda ka widda monno bukka. ³ Lagma dakiloraga gabagu, walena madauta memamawe ategu lagma nakadewe hatauwu gabagu, engage bagu hatenawa. ⁴ Wuwe harayigu tabara-Mu MORI, opro badage habaiyigu kagu engana taummamu MORI tangkahage lado morhagu engage bagu torowe kadaha MORI, gumayegani takabihha. ⁵ Batauge natna japata nyi na kabunyiga nauwa ta umma hamukna; nyi kabbunyiga nauwa ta hadau ka kabunyi ta rabona, Nyi ka kadetewa nauwa ta deta lete watu. ⁶ Nehe batauge, katakugu dete gaba-gabagu taha killoraga, monno nauwa yiyi baagayi kadana ta rabona monno logahara. Nauwa lawitini monno bermazmur tabaranai MORI. 7 Rangewa, Oh MORI, bagu kawulagu Yauwu mom ragegage ligu, O hgu nauwa mom balehawa nauwa. ⁸ " Mayegagage hadagu" Ategu naha newewe tabara-Mu, Oh MORI.'' 9 Iyam kabunyikagage hada-Mu tabaragu. Illam kaballi hagawu walta ata-Mu waige bani marauta, O, Yauwu katulga iyagu lilokowa monno iytam tanaga nauwa O ALLA kahatulkaga! ¹⁰ Langma ama monno inyagu bada tanaga nauwa, nai MORI mogu tabokayi. ¹¹ Tingogani lara-Mu O MORI, hatutuga talara kalijakana oro rade muhu-muhugu, ¹² Iyam yikage tauwugu bara muhu-muhugu rade katada-katadawe da kade bada gabaga, monno da ngahui dete. ¹³ Aigu hatenakawa nauwa oro badage hatadagu dahana MORI, taha dauda tagngada ata kamorha. ¹⁴ Remani MORI! dadiwe kulha monno nyamamoge atemu kana didarawe! Remani MORI.