¹ Lawitui Daud. Pannu tana monno ngaradukkage ngihige tangage dawunagei MORI, Panu tana monno tangada ka engana ta jongana. ² Oroge, Nyi ka kahadewe ta pannu bannu, monno kahadidarai ta panu tangadi laiwe. ³ Iyai kadadi panne ta letanai MORI? Iyai kadadi dede tahadau-Na kategna? ⁴ Nyi kamurraha limmana monno kamurha atena, aika ngidiwe pola tauna aika mangu gauna, monno wallena hauwra awama. ⁵ Yi na tomage hibbawe maringina ka wali tai MORI, monno ka tija waltai ALLA nyiwe hatolka waina. ⁶ Nyida rade kahulleka ata kama yegani Nyi, ka mayega nage aro matanai ALLA Yakub? ⁷ keketawe ka takumu, mi tangami bina harona, monno makeketauge, tangkahami bina aikaha dukka, tannamu nade Raja kamanadana na tama. ⁸ Iyayi Raja kamanadana? nadai MORI na kadangka monno ka hadda kulha, ka hadda kulha ta jonga ha tau kalla. ⁹ Keketawe katakumu, tangami binna harona ai kaha dukka, tanamu Raja kamanadana na tama. ¹⁰ Iyayi Raja kamanadana? MORI ka dauge langta, monno panu tana, Nyi takkada Raja kamanadana.