¹ Tabarana katadoge: Lawitnai Daud. Bana modahewe MORI nabalehawu bana dikge mayilla. Bana modahewe ngarana ALLA Yakub namahadehtagu. ² Bana modahewe naorhawe kamatullu walli hadawu kamuraha monno kaha tetigu walli ta Sion. ³ Bana modahewe apeyi tangada manutamu monno kadahayi tangadi hatunumu. ⁴ Bana modahewe namarigge tabaramu dokuge habayyi atemu, monno panuti tangada hakabu atemu. ⁵ Yita damagahara oronage tolkamu, monno keketayi bendera-bendera ta larr ngarana ALLA yita. Bada modahewe MORI napa nuyi tangadi hamadummu. ⁶ Nabatauge wugtadawe, Oronage MORI namahigodi ata radde hapedena, ngoyo nabalehayi walta surga kamanadana, olege kulha talka manemara wall talimma kawanana. ⁷ Yidda waidage kereta-kereta monno yidda waidag rattjara na, walkayo yitta apenage ngaranan MORI, ALLA yita. ⁸ Yidda natakad kudo'da monno monuh, tabollo yita kadakade monno dede didara. ⁹ O MORI, koro kapayi raja! Bana modahewe MORI balehagama nami nehebatauge maka auka