Salam dari Paulus dan Timotius ¹ Wal tai Paulus monno Timotius, atanai Yesus Kristus, tabara miyo ata murraha ka kira, lar tai Kristus Yesus na kadana ta Filipi monno ta baram mi hanatona kangote lohho bai ata kangote; ² Kanaga monno mol dame lagahara wal tai Allah, ama da yitta monno Yesus Kristus doku mane gimmi! ³ Nawwa wotna mahadi tabaranai Allah gu ka pirra wudda ge nawwa bag ape gimmi. ⁴ Lar ta sembayangngugu tut mi tangngami, nawwa engage sembayang waige lagahara. ⁵ Oroge ha ulla dabba mi lar baha kakowe li ege ate walta laddo kadihana kaha nehe batauge. ⁶ Nawwag hatenawa hingnguwu nyi naka puge ha ulla kadaha katangngam miyo, nyi dummu ka pannu we kaha taladdon nai Yesus Kristus. ⁷ Narak kadage nawwa padda ge katujja inne tabaram miyo tangam da gim ta ate gu. langka nehe nawwa ba ta galuwa loho nehe nawwa bag takiwe ha dedege monno naha padidara ta li ege ate. miyo na dadi we ole ulla gim nawwa lar ta kamak gai Allah. ⁸ Allah nyi katadawe, nehe nawwa kamak gummi tangngami lar tamanawaranai Yesus Kristus. ⁹ Nyi dawe sembayang ngugu: Nadde moge manawara kanna rehi mataba we ledege paha ngada monno tangngage angta. ¹⁰ Ledege miyo kam pedewe aga we kadaha, katau dage tawwumu murraha monno iam kalikkuwu ba dikwe ladoi Kristus; ¹¹ Monno na banning nehe waige ngih hatena naka amna ledege Kristus Yesus tut kamanadana monno hadaika hadau nai Allah. ¹² Ole bai-ole bai gu, nawwag baige kam tadawe ba agawe nne dadi tabaragu ba nyi dawe kangidiwe kako kayinage tutge li ege ate. ¹³ Loho tang kahada kajawa we kalingora monno rajada ata wadeka tadawe ba nawwa tagalwa tut nai Kristus. ¹⁴ Tangngada wadeka buta ole hatena da hareha manne niy Mori. oroge bak hatannag gu tagallu, dadiwe banna rehi banning ateda kaha kakowe linai Allah lakmage kamma dauta. ¹⁵ Nyidawe, da'di ata-ata kaha hakakowe tut nai Kristus oronage monno tajna, ta nyi duwe da dummu hodi naha oro rangewe kadaha. ¹⁶ Yidda na kape hangadage kaddahha da ullage oromanawarada yida tadawe ba nauwa daha tauwanehe tutuge li ege ate. ¹⁷ Tanyiduwe na kaba hangadage aika dahha, yidda da ullage oro mayegana lidete loppo kapihage, wale murhama, monno pahangada da yidda matabawe kahhage tut tug banahowa ta gall. ¹⁸ Lodoge agawe ngihge? Na banningge agawe nak dawe larage, waige pahada ai murrahha lohho dummu pangada tangngada hatena kristus na takkiwe tut ne nauwa gu lagaharawa. Ya, monno nauwa enga ge bag hangatana lagahara. ¹⁹ Oroge nauwag tadawe bana ladoge sembayang gummi monno matulna wadnai Kristus Yesus, agawe bak dadi nata barag nauwa bak nyidamowe naka dadi dangage bak pahuddaga bak nyi ha haggam tabarami, lodoge na mana madakka ate dangnga gimi. ²⁰ Naha manne gu loho hatenagu inna nawwa meranage wal olegena waleg kole magge na makke. Tabalge, nawwa ole dage bana nawge pahangadagu kabanna tanammu Kristus, batau dage nehe monno naha natage, bana manadage lar ta taugu, langka lar ta til morha loppo mate. ²¹ Orona ge nawwa, morha dau nage kristus monno mate nyiwe na uhutuge. ²² Ta nyidowe, bene nawwa bagu morhawa ta taugu inne, be nawwa enga rai ullage kada gauna, lodoge gige inna naha padagu, nawwa waleg tadamawe. ²³ Nawwa gu mangaku bewana nata kaduda hapede, naha baidahinggu kagu jama ge inne morha monno kag oleni kristus, oro nage na rehi daha dahoge. ²⁴ Ta nyidowe, tutum miyo, enga rehi man gau dahoge banawwa enga gu morha lar ta tau inne. ²⁵ Lede ge hatena gu inne, nawwa gu tawawe nawwa engage bagu ole gimi tutu pakadewe monno lagaharamu lar tahatena. ²⁶ Ba nyi hagagu mi ta barami, lodoge namamadakawe ategu tutumi engage matabawe lar tai Yesus kristus lede ge nawwa. Bersatulah dan Tetaplah Berjuang ²⁷ Ta nyidowe, morha dam waige kanogo kayanana waige li ege ate kristus nawwa baami kaga monno bagu hatobo dangagimi loho aig maikawa, tanammu kagu range momi namiyo ba engam dede dirara lar ta wu wad, lohho wu paha ngada, tutu bamu rotiwe tanga kahami waige hatena wal ta li ege ate. ²⁸ Ilam jamadi hagagah gimi rade gama-gamami, oro nage nyiwe tadka nadadi ge ha mauha dangage wal ta nyida ta nyidowe tolga ta mane mara daumi ge miyo, monno tat yino hawal tai Mori. ²⁹ Oro ledege kristus nayigim kanyuru wale nyikel mawe tutuge hatena tabara nyiyo, ta nyidowe mayila tutu na nyiyo. ³⁰ Nyi alawe orogena banna arodi paha ngada-paha ngada naka meraallana nata miyo etawe nawwa gu aradi monno na batauge miyo um rangewe nawwa engahoge nehe bagu padawe.