¹ Huru balenai Obaja.Tauda dage linai Mori ALLAH tutu Edom: Nami marange bewe wu liyo wali tai Mori,wu ata paha lewa ta jonga kabihu ata,"Kadewuge,mai kada kadde dikkidi yidda!" MORI DA HANEWE TA EDOM ² "Tau takkage,Nauwa ug pahada yau kamarahha wali tajonga kabihhu ata,yau enga kahadda li bawa. ³ Bogang atemu na tipu bewu yau,yau um engana ta jonga watu,ta hadu engami kama dehta.Yau kalinna ta atemi,"Iyakna kaha burruga nauwa ta panu tana?" EDOM ENGA HABURRUGE ⁴ Lokko yau bamu wurru madehtakna tujai kawurna raja wali,loko haddumu bamu ijala duwe ta jonga maduyo,wali neda bali dummo Nauwa enga haburru gugu yau,linai MORI. ⁵ Nyi bana gaddi kage ata kedu waleka harampokku na maigimi,tau takka nage yau enga pungagu! Yidda waleda kedu kaknala ka tuttu? Nada ka koppi wu anggur bana dikki kagu,yidda wale da tana dudi karehi wali hakoppida? ⁶ Tau takka nage,kalibbo Esau da torroyi ngawuda kabunyi enga mayega dadi! ⁷ Kahha tahadukka yau enga wugawu lohho tangada ole kalibbomu,yau da kabalka gimi,da ha bakkemi ole atemi.Yidda kayagimidi kababami da bana gimi hirra tabarami.Lakma paha ngaddada yidda. ⁸ " Wale ta laddo innakna," tauda dage linai Mori,Nauwa ug pudahayi ata maniwola paha ngadda wali ta Edom,mono paha ngadda wali ta lete Esauna? ⁹ Tangada ata kaha taumu,ta bagu olegimi,enga gedom,dajalage tangana ata ta letenai esau enga bungada ba hamateyi. ¹⁰ Oro,kapirromu ta angu wumu,Yakub,makke enga kalubbu naggu,mono yau enga hama yillawu kahha ana murri. ¹¹ Ta lado yau bamu dede kama rau,tamrada ata li palaka pauta gudi ha potemu ta Yerusalem,mono ata li palaka tama guge binna kallamu,mono tau mowala,yau dummu mera tujja mudi wu ata wali ta yidda. ¹² Ilam torro li bawadi ole baimu ta laddo bana mayillaka.Ilam lageborawu ta dalara Yehuda ta laddo li lokoda. Ilna madakka we bamu ta laddo kasahda. ¹³ Ilam tamami ta binna kalla ana huhugu ta laddo bana bira kadi mayilla.Lohho dummo,illam torro lewarage kadadi kapijjawu ta laddo birra kadi mayilla.Ilam karama dadi poteda,ta laddo bana bira kadi mayilla. ¹⁴ Ilam dedemi ta lara kahebalana tutu bamu puda hayi ata ka hoila,mono ilam yikayi ata kama ladda ta lado kasahda. ¹⁵ Tau takka nage,Ladonai MORI na daheka tubana tangana ata.tujjawe yau harayimu,tauda jalage enga rayi da guge tabaramu,harayimu enga hagage birra kaguge katakku daumu. ¹⁶ tau takka nage,katauna ha enumu ta panu leteGu ka tenguna,ta ngada dumoda ata enga enu hakitada.Yidda enga enu gehada,mono dadi merage yidda ai dadi. ¹⁷ Ta nyiduwe,ta lete Sionna dadi ata ka hilpa.Letena inna enga dadige hadu tenguna,mono ana huhui Yakub enga ngodo dage tana hadauda. ¹⁸ Ana huhui Yakub enga dadi lattida mono ana huhui Yusuf enga dadi rewo lattida,mono ana huhui Esau enga dadi kuwada.Yidda enga tunnu dadi mono da yadi. Wali ta ana huhu Esau wale wu hingmana ata papahai hilpa,oro,Moriyilah kahha newe. ¹⁹ Ata ta tana Negeb enga daudage Lete Esau,ata ta hadau ana letena enga ngodo dage tana Filistin.Yidda enga ngodo dage Efraim mono kalingora samaria,mono kabihhu Benyamin enga daudage kalingora Gilead. ²⁰ Ata Israel pa ngidi ta tana dau ha ata wikida enga dau dage tana ata Kanaan kahha ta Zarfat,mono ata ta Yerusalem enga ngidiyi ta hadau ha atada,kadana ta Sefarad,enga dau dage harona tana Negeb. ²¹ Kapa hoilayi enga panneda ta Lete Sion,tutu hokuge lete Esau,nyiwe Morila ka narroge kawaha ta kalingora pareha inna.