Pittu Roti Hayadi Ata Karehi Walita ta Pata Rata ¹ Nut lado kalangana, dama kahada ata buta, kama ya lida lada hingmana ka da a'da, Yesus na maika dadi ana hakodo ana halolena mana da tak da'ge tabarada yida, ² '' Nawak nage kaha mata radi rade ata buta, waige manawara oronage bada olega ka tau'da ladona, mona kama ya lida lada hingmana da a'na. ³ Nyi bagu halewa dalkai haga ta'ummada, nyi ba'a kalabada moda, nut talara ge engabadada ma'dage, oronage rado pira ata kamai wall tahadau kamarau.'' ⁴ Mona ana hakodo ana halolena da balehadai," gida dau walidi rade rade kababa banna haboktadi rade ata ine tahadau kahika taha dau kahika kataudana ine?" ⁵ Ma'bege, Yesus mana hanukai" pirrad kababa kdana tabaram? nyida balehai pittu kababa." ⁶ Tamurge, Yesus naharehai ata buta ngodo ta tana, monno nangaladaiyi pittu kababa mona wai-wai linan Morina, mona na pahha-pahhadai mona na yiyi tabara ana hakodo ana halolena kadda yadi ata buta balidda. Yida da yikahai ta ata buta. ⁷ Monna, ana hakodo ana halole-Na da'di hodik kaboko maharada. Kole wai-wai balinan Morina kadau dete, Yesus naha lewai ana hakodo ana halolena kade bawei rade kababa ta ata buta lina Nage. ⁸ rade ata buta ge da yayo, kahha bad'da bokta, monna da kahha-kahha karehi ta'k yayo, kapitna kaburra ka ban'na. ⁹ Da' ata pata rata'da ka' ya. Mabegge Yesus naha lewadai yidda hagga. ¹⁰ Haledalwege, Yesus na kakoda panne ta tene oled ana hakodo ana halolena mona hadikna ta tana Dalmanuta. Dakkaraiyiyi Yesus Hatingona Tajdka Kawalita ta Sorga ¹¹ Mona, ata-ata farisi da'mai mona da'ha bare-bare monai Yesus da'miloho da karai Yesus hatingo'ge tajka kawal tasurga, tutge kabawaige ¹² Mabegge Yesus nating hamalau we ngahna tabara wadna. Nahaneweda "Aha dalka rade dalarada yidda, mada mayega dalhona tajka? nawa hig taggimige katena tabaramu, lada hingmana tajka wu'a ha'yi tabara dalara inne" ¹³ Mabegge Yesus natanad yida, mana kako tama ta tena, ma'da kako nut bali. Ragida Ata Farisi monno Raginaiyi Herodes ¹⁴ Ana hakodo ana halole dangadage hangid kababa, mono kadipka hewe kababa kadana, ¹⁵ Monai Yesus daha nawuyi tabarana yida, " hagana wikmmanala? Hamatarakigela bam arodi ragi ata-ata farisi mono ragi Herodes. ¹⁶ Mabegge yida baworoge, nade wuata mono rade ata wadeka tutge ai la kakolena kababa- ¹⁷ Mona, kole tadawe tut'ge ine, Yesus naha neweda tabarada yida "Aha miyo mam hanewege tut'ge ai kamang kababana? yau walem tada mahoyi mona walem yappa mahowe? aha atem mana katu hingkawe? ¹⁸ Da,mana matam nyiyo ma walem eta da'wu? mona, nade katillumu , mawalem range dallwu? walem ape mai miyo, ¹⁹ Nawa bag hibiyi rade kalimana kababa tut'da rade limma rata ata,pirai butadi habura kabanna mona hatari-tari hayayo hakaham? "Yida dabaleha, "kabul duda haburai" ²⁰ Mona, pit kababa tut'da rade rade kapataratana ata, pirai habura kabanna mona hatari-tari hayayo ha kaha bem?" Yida dabaleha "pittu habura", ²¹ Mabegge, naha neweda tabarada yidda, "Mi walem yappa jala mahowe. Yesus Hataggahayi Ata Kamoro ta Betsaida ²² Tamurge, Yesus mono ana hakodo ana halolena da,dikda ta Betsaida mona pira hingda ata ka marangana ata moro mona dakarayiyi Yesus kana narogama ba'lid'da. ²³ Yesus na narodi limada ata moro mona dangidiyi ta bal deha, mabegge, Yesus natarummu nadi matana ata moro mona naijalai limmana dete tanyi. nyi nha kanukka dai tabarana yau rada haetam?" ²⁴ Mabegge, ata na toro dawe nut dete mona natakidawe," Nauwag etayi ata, tanyiduwe yida bag etayi meranadi pu'yayu kahangatana kako. ²⁵ Kole nat'tu, Yesus nataudai limana dete ta mata ata,ata ge, na bugeradi matana, na tagaha na ata, tamona nyige dadalge bana eta daha. ²⁶ Halegewe, Yesus nahalewadai haga taumana mona natakwe,"iyam tamabemi be'mi tadeha" Yesus Nyiknaiyi Kristus ²⁷ Be'nek ge, Yesus na kako, oled ana hakodo ana halole, tadiha-diha deha ta Kaisarea Filipi. mona beda dadikki tatili lara, Yesus naka nukayi tabarada ana hakodo ana halolena mona tau'da'ge tabarada yida,"Hatakidaa ata, iyawa nawa,nyi?" ²⁸ Yida da'balehai,"Yohanes Pembaptis, rade wadeka Elia lidage,mona rade wadeka walige ta Nabi-nabi. ²⁹ Tamurge, Yesus naha nukai tabarada yida,"Nek hangada da,hingum iyawa nawa nyi?" Petrus nabalehai,"yaukana gini Kristus." ³⁰ Monai,Yesus naha ape da'ge tabara da yida, wale hil takdamawe tabarana iya hingkai tutge-Nyi. Pemberitahuan tentang Penderitaan Yesus ³¹ Ta murge, Yesus naha lege ha nuwadi ana hakodo ana halolena oroge ana'na dadi ata na mayilla'ho butai hakako mona tularadi ata tu'na ta Yahudi, kepala rato-rato, mona Ahli-ahli taurat,mona loho hamatei, mona ba'be'we ka tau'da ladona na kade haga. ³² Mona Yesus natakiwe na bugerage ka tautakana. Manyiwe ge, Petrus natingiyi Yesus tabarana mona napadekayi. ³³ Nedo, nagilakaho bana toroyi mona bana etayi ana hakodo ana halolena, Yesus napadekai Petrus mona linadani,"Kakom yelaga kabalka! oronage yau'yo wallem hangada hing mage tangad haulana Marabba Allah, ta bolo haullana kadadi at," ³⁴ Ma'benage, Yesus na maikana ata buta maloho ana hakode ana halolena, lida'da'ge bada taknage tabarana-Nyi badaka ata kabaige do'wga,nyi nha kawohodahoge dau-dauna, mona na hugu dahoyi yayu kadailo, maloho dokudahoga. ³⁵ Oroge, iya duyi ai kalana ngahuna oro nawwa mona Injil enga daudahoge bana hatolka gimmi. ³⁶ Oroge agawe ha'utuna nad'de wuata banna kole kahage yine pantana, nyidal ai kalana ngahuna? ³⁷ Aga dalhoyi hayina nadde wu ata kahaddage ngahuna? ³⁸ Oroge, iya duyi kamakke oro nawwa mona ligu ta dalarada ai'ka hadukka mona kajala manade anana da'di ata engana makke mengakudi ata ban'na mai waige bikta parehana amana oledi tangana Malaikat-malaikaat ka morha.