¹ Halege nage Yesus bana hanuadi tahupu hoba. Mada makaha kaarumunguni'i Yesus rada kataukalana butana tomage Nyi banna pane ta tena kadana neta hoba. Marada ata buta dadi ta tana yara, ta nirri hoba. ² Monna, Nyi butaiyi hanuadi yida banawaina lihatuja-lihatuja. Nedo ban-Na hanuadi, Nyi malinna tabarada, ³ "Rangemlah! Dani wu ata kako habara wiini." ⁴ Manna dadiwela, batangrana banna habara, iina winni dage kamonu tanir lara, ma ammidi kawurna mada yage. ⁵ Wadeka namonu ta tana kaha watna aika buta tanana. winni manna geha tummuwe oronage tana aina kiddiwe. ⁶ Kole nada mata lado bana taba maratka, paha mulla manna malokotayi monna oro aida kalartage, inna hamulla ge nama rakkotayi. ⁷ Nawadeka namonuwe ta jonga ruta tara. Lodoge, ruta tara banna matuwe manna ngapetayi rade hamulla kaha bana dikidi mate, monna walle lama wuge. ⁸ Tabollo, nawadeka namonuwe ta tana daha monna mangngihhige, nama tuwe, lohho nataba madakawe kaha badikkige talkabul katti, ankabull katti, monna ngahkatti. ⁹ Lodoge Yesus manna hanewe, "Iyai kamang katillu na karangnge, nyina ka rangela." ¹⁰ Dage Yesus banna meha, rade ata tabara-Na, oled kabul duda rasul, mada kanukwe tabara-Na tuttudi rade liha tuja-liha tuja. ¹¹ Tomage Nyi manna balehai yid'a, "Ngihi ate kalingngora Harehai Allah b'eb'e hayiwe tabarammu. Tabollo, tabara ata-ata wadeka, tangngage inna hadikki waige liha tuja-liha tuja, ¹² tannam, 'Langba da etawe, yid'a d'aetawemonna walda tada mawe; monnaa langba darangewe, yida darangewe monna walda antamage, tannam yida illada tabali monna illa haawalidi.'" Yesaaya 6:9-10 Penjelasan tentang Benih dalam Perumpamaan Penabur ¹³ Yesus naha newe tabarada, "Wallem yappa mahowe inne pahatuja? Agana'akawe bamyappe tangaddi rada pahatuja wai? ¹⁴ Nada kaha'abarana nyi katalaranage Linai Mori. ¹⁵ Yidana rade ata kamonu tahupu lara, hadau pahadawe linai Mori tabarada.Kole yida bada rangewe, ammini kabalka nangala dage na Linai Mori paha hada tabarada yida. ¹⁶ Tauda jalage, yida rada hahabbara ta tana kahawatna yida rade ata karangewe linai Mori monna kageha hibawe waige ege ate. ¹⁷ Tabollo, yida walleda kalartama nedo ta tau dauda monna hamanno tud dahedage. Lodoge, kole baamge kapito morha monna mayilla oro Linai Mori, yida dageha monu. ¹⁸ Monna, inna wadeka kamonu tajonga ruta tara. Yidana rade ata karangewe Linai Mori, ¹⁹ oro hangada dage inna pantana, monna kama'a atena hapote, monna hakab ate-hakab ateda wadeka ha yabbora dage ta Linai Mori monna ngapetawe mayida walle hillama wuge. ²⁰ Tabollo, yida rada kayanna ta tana dahha yidana karangewe Lina Mori, kahibawe, monna kamang wuna, talkabullu katti, annikabullu katti, monna ngahu katti." Hatujja Waige Latti Weyo ²¹ Lodogei, Yesus manna hanewe tabara yida, "inna latti weyo bangidwe katauwe kabunyi monna katauwe takab pinya walle linnadamawe? Inna latti weyo yoda daho taha dauge hadau tauwe? ²² Oronage, walle ladama kabunyi aika manadana. Tauda alage, langka agadahingkai kabunyi aiha dedala. ²³ Nyi badaka kamangkatillna harange wai, nyila karange!" ²⁴ Lodoge, Yesus naha newe tabarada yida, "Kamhamattarage agawe harangemi. Inna katut hawaim nyi alawe katut hawai tabaramu. ²⁵ Iyai kamangmangna, nyi yi pihoni, tabollo iyai aika kamangmana, agai kadana tabarana engage bangalanadi walta tabarana." Hatujja Waige Winni ²⁶ Lodoge Yesus mana hanewe, "Kalingngora harenai Allah natujayi nade wu ata kahabarana winni ta tana. ²⁷ Nada ata kahabara bana dura monna kade bana ladoge monna bana gaddige, monna inna winni nahullekawe tibbige monna nama tuwe. Nada kahabara walle natadawe agalinnawe banna dadiwe. ²⁸ Inna tana naha hu dauge wuge. wungnga puge kahulleka, lodoge wuna, bewalge wiha-wiha gandum nedo ta wuna. ²⁹ Kole banna maduyi rade wiha-wiha gandum, nado ata manna gehaddi banna ropoyi oronage dikkinage rahihadeteyi ha yayo. Hatujja Waina Watu Sesawi ³⁰ Lodoge, Yesus nahanewe, "Ta agadana hadau patuja waidage inna Kalingngora parehanai Allah? Monna, tagi liha tuja d'aka yita dau hamera waidage? ³¹ Kalingngora harehanai Allah monna tujawe watu sesawi ha habara ta tana, langba nyi talka watu kahada marraha walta tangngaddi watu kada tapanu tana, ³² tabollo kole bahabarani nada watu na tumu monna dadi madaka walta tangnga hamulla kadana ta oma, monna naha hudi kahanga-kahanga madakkana marada kawurna mad'a rayina haduda ta hanga bokotana. ³³ Buta lihatuja hawaina kataudana hadana, Yesus natalarage Linai Mori tabara yida, bada dokuge manege waige agawe ha rangeda yida. ³⁴ Nyi walna hadaka manna hanewe tabara aina waikana liha tuja, tabollo Nyi nahahirawe tangngage nedo tabara yida ana hakodo halolena. Yesus Nahha Ngahuyi Warata Kalla ³⁵ Monna, lado nedo, kole banna ma malge Yesus malinnadi rada ana hakodo halolena, "Maidanna yitta kada kako tabal hoba bali." ³⁶ Kole bada tanadi rada ata butage, yida damarangani'i Yesus ole yida datama ta wu tena nedo taha dau dani Yesus. Monna, da aladi tena wadeka ka ole-Ni. ³⁷ Lodoge, nyidawe manna dadi rereha madaka aika anana monna ngalung kama dakkala manna bahha neta tena ma nada tena nabannuni weyo. ³⁸ Tabollo Yesus dani tatil tena, dura nage tapan luna. Ma, yida daha raduyi-Nyi monna daha newe tabarana, "Guru, nadahawe bamtannage inna yitta bada liloko?" ³⁹ Kade nage Yesus manna yaddekai nada rereha, malinnage banna aroge inna bannu, "kadanna! Kanannara!" Manada, rereha na ngahu monna naka danna takawe. ⁴⁰ Lodoge, manna hanewe tabara yida, "Ahha mam madautami? Walle lamahowe hatena kadana tabaram?" ⁴¹ Yidage da taba madauta dawalli monna daha newe diha monna diha, "IyadaI Nyi nade? Lohho na rereha madaka monna bannu mada doku maneni!"