¹ Wallepira laddohoge, Yesus baddahaga ta kapernaum, rangewe banani ta umma. ² Begge buta ata kammakaha kampa ailamo hadauwu, loho na ta bal binna, monna banna takwe linai Mori tabarada. ³ Begge yidda badda mai tabarana Nyi, da ngidiyi na wu ata likku pata ata kaditayi. ⁴ Wale dapikmana tama ngiddiyi na likku ta baranai Yesus oro butana ata, begge yidda kakodage bugerage kawedo ta tutnai Yesus. Kole badda behabugera daha buruni walta rakana, hadau baikana na ata likku. ⁵ Kole bana eta dage hatena manai Yesus mana hanewe tabarana na ata likku," Bagu anagu tanggad jalam Ug hawal begudi". ⁶ Tabollo, dadi ra Ahli Taurat kangodo, monna d'aha kakowe hangadada nedo ta ateda. ⁷ "Aga danage nade Ata matauda bana hanewe? Nyi mana mapadda! Iyad'ai inna mana hawalnajala kadadi ata manna hehiyi Allah? ⁸ Nayapa wey Yesus waini Wadb'iha, badadi hangada japata ta ateda, Nyi malinnadi" Aga dawe matauda dage bam hangadage nedo ta atemi? ⁹ Gidahoge karehna hadaha,bagha newewa tabarana nade ata likku, "Doku jalam hawalbegudi", monna baluguni, "Kade, keketawe hadauwu dura monna kamkakoula". ¹⁰ Tabollo, kam tadawela nade Ana kadadi Ata dage bibta hareha nehe ta panu tana tutge hawalna doku jala." Yesus naha newe tabara nade ata likku, ¹¹ "Nauwa luggdaguge tabarammu: kade, keketawe hadau duram, monna kam haga ta ummamu." ¹² ata likku yarritna dede, ngala nage hadau durana, monna hunage tabalhadu, ta aroda ata buta.yida da bangara monna da daikayi Allah, loho lidage, "Nami wallema kal eta damahoe naha rayi katauda dahingna inne!" Lewi Nadokuni'i Yesus ¹³ Yesus na kako piwal ta nir hoba, monna tangada ata buta ammidi tabara-Na, monna Nyi naha nuadi yida. ¹⁴ Nyi bana lihabo, Nyi na etayi Lewi, ananai Alfeus, katangra ngodo tahadau bayarana walkataku. Malinnai Yesus bana hanewe tabarana, "Dokuga Nauwa!" Nai Lewi nadede monna doku-Ni. ¹⁵ Monna, tangrana ngodo'i Yesus bana yayo nedo ta ummana ata Lewi, dadi ata buta katagge kaha walkatak, monna ata-ata jala, kaya dangani'i Yesus loho ana hakodo halole-Na, oroge nedo bali da buta ata, monna da dokuni'i Yesus. ¹⁶ kole rada kapirrana ahli Tauratkawalta kangote Farisida etayi'i Yesus batangra ya dangadi rada ata kamang doku jalana monna katag-katag dage kahai walkatak, yida mada kanukka nad'di ana hakodo halolena, "Aha Nyi manna ya danga dalkad rada katagdage kaha walkatak monna ata doku jala?" ¹⁷ Kole Yesus banna rangewe, nyiwe man-Na hanewe tabarada, "Yidda rada aika kalawara walle da waidama jawa dotera, tabollo kalawarada. Nauwa ba amga wale tutdama dage ata tena, tabollo tutdage ata doku jala. ¹⁸ Ana hakodo halolena Yohanes monna ata-ata Farisi tangra puasa dage. ammiddi kapirrana ata Farisi monna daka nukka-Yi, "Aha rada ana hakodo halole Yohanes monna ana hakodo haloleda ata Farisi mada puasa, tabollo ana hakodo halolem Yauyo aida puasaka?" ¹⁹ Manedo ge, Yesus naha newe tabarada, "Nad'akawe, rade ata kairriyi kaberu haummana bada puasa batangra d'ani na kabani kaberu ha ummana tabarada yida? Badakahoni kaha umma berna kabanni tabarada ba enga honna jongada yida, yida walda puasa dama. ²⁰ Tabollo, dage lado rahige nada kaha uma berna kabani bangala danni walta barada, monna nyida howe lado rahige lagge bada puasa. ²¹ Wale lad'amanni nada wu ata kahirra kaba beru katepelage katwe ta kaba rakta. Batauda gege inna kaba beru hatepela wai nahirra habutage inna kaba karakta, monna taba madaka dana nage kama jairaka. ²² Walle ladaman nada wu ata katau anggur beru taha dau anggur kalita ka ba'b ti'be. Nyi bataudagege, inna anggur nahirawe inna hadau anggur kalita lohho anggur monna inna hadau anggur kalita ge na li lokoyi. kabalige, inna anggur kaberu tau dahowe tahadau kalita beru. Yesus Nyiklayi Mori ta Lado Miggu ²³ Monna, dage wu lado rah ngah, Yesus na lida ta oma gandum. ²⁴ Lodoge, ata-ata Farisi daha newe tabara-Na, "Etai aha dalka yida mada rayi ge kahaipa walta innu ha akka tutna lado rah ngah? ²⁵ Lodoge, mana hanewe tabarada, "Wallem kal mahowe miyo bam bahhawe agai harayinai Daud batangrana nyiyo monna ra ata olena ba aihil da hayada monna bada kalabba? ²⁶ Baaga linna nyi bana tama Umma Allah tabara Abyatar bana naroge Baibu Rato, monna bana yadi rada kababa hamara wai, ha yadaheda ra tangada rato, lohho bana yiwidudi kababa rada ata ole na?" ²⁷ Bewalge, Yesus mana hanewe tabarada rad ata-ata Farisi, "Lado rah ngah" barayi tangana kadadi ata, walle kadadi ata dama tangana lado rah ngah. ²⁸ Nade, Ana kadadi Ata nynai Mori, lohhommu ta lado rah ngah."