Kadde Hagganaggeyi Yesus ¹ Kole ba hinggani lado sabat Maria Magdalena Maria inyai Yakobus mono Salome bada hida laramu bege da kako mono aroni Yesus. ² Koko gawula, ta lado kadihana miggu neda tangra hudana mata lado,Yida amidi tarate. ³ Yida dahanewe diha mono diha '' ia daho ka kaigalani watu wali tabina rate."? ⁴ Ta nyidawe, kolehe bada torowe dete da etayi ngora watu kalla bana kaigalabeni. ⁵ Mono, beha tama lari tarate da etayi wu bauwu mane katauwu kalabe kaka tangrana ngodo ta balka wana wal tabara da mono da kadadaka. ⁶ Bege linage " ilam kadadakami, bami mayegani Yesus ata Nasaret paka dailo.Nyi bada kadena Nyi wale lamani nehe. torro we hadau habaikada-Ni. ⁷ Tanyiduwe, kakom ge, takidage ana kodo halole-Na mono Petrus oroge-Nyi tangra ulunagimi lara ta Galilea. Nedo lage, enga tabokami-Nyi, katauna hatakibenagimi. ⁸ Bege da huna mono malai wali neda tarate dadaka mono hangatara mono wale lahingmana hatakida ta ata oro madautada mono ngara dkadi paha naunadi tanammu kam tak nage petrus mono olena, da tak hutubanage. tabalige neda, Yesus dauwu kaha lewayi wali ta lado koka kaha ta lado mali tanamu paha dikige ne lii biha mono aika moda tutuge tolka mane mara. Amin. ⁹ Bana kade Yesus kokoka Gaula ta lado kadihana neda miggu. Nyiyo Nahadedowikina tabara Maria Magdalena, hawuga wali ta tauna pittu wadi kabalka. ¹⁰ Bege nakako tagidage Yida bada dokuni Yesus katangrana mayilla mono hoo. ¹¹ Mono, kole bada rangewe kadena Yesus mono Nyi na etayi waleda hatena mayi. ¹² Tabali ge neda kadadi, napa huda wikina waige pata heka tabarada duda ata wali tabarada katangrana kako tawu nutu twa deha. ¹³ Bege dahaga mono tagidage rada wadeka, tanyiduwe rada wadekawali wale dahatenamawe hingu mayi. ¹⁴ kole hatudage Nyiyo naha dedala wikina tabara kabulu dihana ana hakoda halole-Na ba tamrada yida ngodo yayo mono Nyiyo naha daha apeyi oroge yida aidaha tenawe mono katobi yida. oroge, yida waldaha tenamayi tabarada ata ka etabeYi bana kade haga. ¹⁵ Mono, Nyiyo linage bana hanewe tabarada Yida, kakomge tahagala panu tana mono tarage lii ege ate tabara tangada haraGu. ¹⁶ Iyai kaha tenabe mono kamu harihayi kana hoila, tabolo iyai aikaha tena enga hokuni. ¹⁷ mono tadka rade nge dokudadi Yida kaha tena: lar ta ngaraGu Yida nadadiwe bada wugayi waddi japata; Yida enga hanewe da lar tangnga ngara hanewe beru; ¹⁸ Yida enga naroda nipe waidi limada Yida; mono nyidawe Yida da enu we kaddi hamate danga, tabolo tangage ine wale hama nyila danga mage yida lodoge da ijalayi limada Yida tabarada ata kalawara, mono ata radala da tagaha." ¹⁹ Kole, bana beyo Morda Yesus bana hanewe tabarada Yida, Nyi makeketa ta Surga mono ngodo tabara lima wana Allah. ²⁰ Nyidawege Yida kako mono talarage diha padauwu- diha padau, mono tamra morda bana ulla dangadi yida mono bana hadidarayi ta liNa ledege tadka ka oledi.