Khotbahnai Yesus Tutuge Hadukka Zaman Bait Allah Enga Hegeragge ¹ Nyi dawege Maraba Yesus bana bijakage Ummana Marab Allah, nade wu Ata ana hakodo halole-Na linna dage tabarana, "Guru, torroi ba tau kaladi dahadi rade watu mono batau kaladi rade umma ha rayi". ² Mono, Maraba Yesus na balehawe, "walem eta mayi rade umma harayida kaha daha? wale lakma wu watu ka engana tapanu watu heka ai ha hegara?. ³ Mono, Maraba Yesus tangrana bana ngodo ta lete Zaitun ka oroge ummana Maraba Allah, Petrus, mono Yakobus, mono Yohanes, mono Anderas da kanukayi Maraba Yesus bana meha. ⁴ Tak gamage, ba pirra bana tumwe, mo agadai tadka bana tumwe mo bana hadukawe? ⁵ Nyidawege, Maraba Yesus naha legewe bana tak dage Yida, "Ha atekigela tanam ka ila da ata kahajode gimi" ⁶ Butai ata ka amna lede ge ngara-Gu,lida dage Nauwa duna la mono Nyi kahajodegumi tangami ata buta. ⁷ Enga nyiwela bamu rangewe tutuge hatauna mono bamu range hilulawe tutuge hatau, ilam madautakawu. tangadi harangemu enga daudi bana dadiwe. Tabolo tangadi hakapodi walena dadi mahoyi. ⁸ Oronage, tahagala panutana da kade gabadi ata diha hadau. enga nyidawe bana kade Epu ta diha hadau-diha hadau mono na tum dawe kareba madori. ine nyidawe kawungage ba da paddage mayilla ha'ana ⁹ Tabolo,hamado dage atemu,oronage yiddala daha arogimi ta kapareha, mono mi'la da palumi ta sinagoge-sinagoge mono mi'la da ngidimi ta aronai sanhedrin mono ta rato-rato oro-Gu Nauwa. ¹⁰ Mono, li ege ate ha ull da howe takidage ata ta hagala panu tana. ¹¹ Mono yidda'la bada ngidi kawu mono bada ha'arokagu ta kapareha, ilam gela gaga kawu ba aga kawe hatakkimu,tabolo tak dawe baa agai ha yidagu nutna oronage wale yaudama kahanewe tabollo waidi ka tengna nyi kaha newe. ¹² Mono,nade wu ata na yidai ole baina ta tillu mate,mono amana ta anana,lakawa da kadde gabba di ata katuna mono yida da hamateyi. ¹³ Mono mi lage da but gimi ate ole atamu oro ngara-Gu ta bollo,ata ka tahi tagora kaha ba kapodiwe enga nyidawe baana kolege hoila mane mara. ¹⁴ Ta nyiduwe, bamu eta kawe hamate danga kamayigi engadamu dedetahadau katijana yidda kadana ta Yudea damalai daho taletena. ¹⁵ Ata kadana tatoko umma ilamburkam mono ilam tamaka tauma bam haudi tangadi ngihi ummamu. ¹⁶ Mono ata ka engahona ta oma tapaba ilam haga kami ngalai kalabemi. ¹⁷ Talado rahngah mi lawai katangrana hatiyo mono kapahuhu anana nutu lado kalangana. ¹⁸ Sembayang ngumi tanamu tangadi ka ilana dadiyi tarahi kalika. ¹⁹ Oronage nutu laddo kalangana engana tummdahowe mayilla aika anana aika kaltumho wal kaunga wal dadi tana, ha rayinai Mori kaha batauge, mono enga wale nahil dadi mawe. ²⁰ Monae, Mori ba aina hadage tage tangadi laddo, wale lama wu atta katolka. Oronage rade hapede napede beyi, nyidawege mana hadange tadi laddo rahi. ²¹ Bege, ba daka atta kaha newe tabaramu, "toroi, Mori badani inne tahadau" aiwaleka, toroi badani nedobali ! Ilam hatena kayi. ²² Oronage, Mesias-Mesias aikatena mono Nabi-nabi aikatena engada kade bada hatingoge tadka kaheka hadana mono mayila danga mona loho tangada atta hapedebe. ²³ Ha atte kigela, igu tak bege mige tabaramu tangadi ²⁴ Tanyiduwe, nutu laddo kalangana, kole bana tumuyi hamayila danga aika anahingna, mata laddo nakapagtana, mono wula walena magakahana. ²⁵ Tangadi maduyo namonuyi wali talangta, mono tangadi wad-wad kalanta nagedoyi. Ba Amini Ana Atta Piyo ²⁶ "Bege, yiddage da etayi ana atta tatilu karaba waige kawaha mono bibta pareha kama nadana. ²⁷ Nyidawe mana halewai malaikat-malaikat mono kahayi tangadi napede bena tahagala kurlangta walitahupu tana kaha tahaduka langta. ²⁸ Toro tuja bada hatuja waidani yayu kapulota : karagadi bana kahulekayi mono bana hudi kalungana nyidawe bamu tadawe bana dahekawe martana. ²⁹ Tauda jalage miyo, bamu eta kawe ba agayi kadadi, kamu tadawe bana dahekawe, tabaubinna. ³⁰ Nauwa takginige katau takana tabarami, diha dalara atta walen dukamana kaha bana dadiyi tangadi. ³¹ Langta mono tana enga dada hoge bana hadukawe, tabolo li biha-Gu wale nahaduka mawe." Ha Attege mono Kam Hadinyaka Wikna "Tabolo, tutge lado mono jam kalangana, wale lama wu atta katadawe, malaikat-malaikat tasurga wale jalama, loho wale jalakma Ana duka dahena Ama. Hamatra Wikim monno Kam Jaga-Jaga Allakla ³² Ha atege mono kamu hadinyaka, oronage walem tadama mawe bapira rahi amge. ³³ Ha atege mono kamu hadinyaka, oronage walem tadama mawe bapira rahi amge. ³⁴ Tutge inne tuja dayi wu atta katangrana kako. Bana tanakage umana mono ngayidi hatena tabarada atta kaengana taumana, mono haula dadiha-dadiha, mono dahalewai angna bina tama tanamu ka engage bada anguge. ³⁵ Orobatauda dagege, hadinyaka wikimu oronage miyo walem tada mawe bapira bada haga mori umma, mamali, tilugadi, mono bana kukuyi manu, waleka kokoka gaula. ³⁶ Aiwaleka bada diki gimi tangramu dura. ³⁷ Agawe hataki gumi, igu takijala dage atta buta : ha atekigela."