Halara Ulluwe ¹ Buta be atage kabaige tolhawe wu hatolha tutu kadadibe ta jongada yitta, ² katujana ha tolha hadikki beda tabarada yitta rada ata ta puge ka eta waige mata mono hadikki ge Lina. ³ Oro nauwa ug hakola beyi tangadi waige hamataradi wali puge, nyi bataudage nauwa ug tolha dummowe kaha nujjina tubami, ta Teofilus kamanada, ⁴ dajalage yau kamau tadawe katena tutu hada paha nua bewu tabaramu. Takkiwe Tutui Yohanes Pembaptis ⁵ Ta kabu kah rehanai Herodes, Raja Yudea, dani wu rato ka ngaranai Zakaria kawali ta kalibbo rato Abia. Ole ummana walina ta ana huhu Harun, mono ngaranai Elisabet. ⁶ Zakharia monoi Elisabet yidda ata katenai ta matanai Allah. Yidda morha wale da otorakma dokudi tangadi ukku mono parehanai Mori. ⁷ Ta nyiduwe, yidda wale lakma anada oroi Elisabet woto mono kadudana da katubena. ⁸ Kole dikiwe rahige kalibona bada rayige, Zakharia nyi ha yanna hakakowe dadi ratona ta aronai Allah. ⁹ Dokuge ka damma ba ratoyi, Zakharia nayanna kole ha mowala we tutu tama ta Ummanai Allah mono tunnu maraka. ¹⁰ Ba kole ha tunuyi ukupan manuta tangana ana huhu da sembayangna ta bali haddu. ¹¹ Kadadaka ngidiwe malaikatnai Mori naha dedala wikkina tabarai Zakharia mono na dede tabbara kawana natara ukupan. ¹² Kole etayi malaikata nadda, Zakharia na ka yikkawe ngihina mono hadda madautayi. ¹³ Ta nyiduwe, malaikat nada linage tabarana, "I;am madautawu, Zakharia, oro sembayang marainomu range bewe. Ole ummamu, Elisabet, enga hadadi nani wuyo lakawa kabani tubamu mono yau um hangara dahoni Yihanes. ¹⁴ yau enga lagaharamu mono egewe atemu, mono buta jala ata ka lagahara dangagu oro dadina. ¹⁵ Nyi nadadi madakka ta araonai Mori mono walena enukma anggur waleka enu weyo halango danga wadeka. Lphhp, wali ta ti inyana nyi enga na panuyi Waddi Katenguna. ¹⁶ Nyi enga narayige butai ata Israel kahagga tabarai Mori, Allah yidda. ¹⁷ Nyi na kako ulluni larai Mori waini waddi mono kawaha Elia, ' kapa hadayi ate ha ama hagga tabara anada yidda'. Nyi dummo enga rayi nadi ata aika ka manuddu hagga ta angta ata katena. Waige katauna, nyi naha inyakayi ana huhu paha inyaka tubanai Mori." ¹⁸ Zakharia liange ta malaikat nadda, "Aga lina dawe bagu tadawe tutu hada inna? Oro, nauwa inna ug katubena mono ole ummagu kawedabe." ¹⁹ Malaikat nadda balehawe, "Nauwa gabrielwa, malaikat kadede ta aronai Allah. Nauwa paha lewawa hanewe dangagu yau mono hadikki guge li ege ate inna tabaramu. ²⁰ Tabolo. batauge rangwela! Yau enga dadi kabanga homu mono walena dadik mawe hanewe kahha ta laddo kole bana dadiwe oro yau aimu hatenawe inna hatakkigu, hapannuwe ta rahige." ²¹ Tamrage inna, ana huhu kaha remani Zakharia. Yidda dakanuwe ahhai Zakharia mana moja higuna lari ta Ummanai Allah. ²² Kole bana huna, Zakharia walena dadikma hanewe tabarada yidda. Yidda dummo tadawe Zakharia dawe ha etana lari ta Ummanai Allah oro nyi bana waina hanewe kabakna tabarada yidda, tabolo wale na dadikma hanewe. ²³ Kole mahiggo ha ulla ratona bewe, hagga nage Zakharia ta ummana. ²⁴ Kole bana dadiwe inna, Elisabet hatinage mono naka bunyi wikina kalimma wullana. Nyi linage, ²⁵ "Inne nyiwe Morigu harayina tabaragu. Nyi naha mataraga mono na hopi gage otoragu wali ta jonga ata buta. Takkiwe Tutunai Yesus Kristus ²⁶ Ba ko;e anni wullana bana hatiyo elisabet, Allah naha lewayi malaikat Gabriel ta wu ha dauyo ta kalingora Galilea, ka ngarana Nazaret. ²⁷ Nyi halewayi hatabo ka dangani wu lakawa bau winne ka duni wu kabani ka ngaranai Yusuf, ana huhui Daud. Ngarana bau winne nada Maria. ²⁸ Loho, malaikat nada ammini tabarai Maria mono linage, "Maringina, ta yau ha kanyuruna! nai Mori na olegu." ²⁹ Rangewe hanewe inna, maria nadadi hangatara. Nyi naka nukawe ta atena tutu kappege maringina inna. ³⁰ Malaikat nadda linnage tabarana, "Ilam madautawu, Maria, oroi Allah na yibe guge marada ate manawaraNa tabaramu. ³¹ Rangewela, yau enga hatimu mono um ha anani wu lakawa kabani, mono yau um ha ngara dadhono Nyi Yesus. ³² Nyi na dadi madakka mono enga da takkiyi Ana Allah Kahadda Madehta. Mori Allah enga yi nani Nyi hadau ngodi nai Daud, weda waikaNa. ³³ Nyi naharehayi ana huhui Yakub kaha ana murri mono parehana Nyi walena ha dukkak mawe." ³⁴ Loho, Maria linage tabarana malaikat nada, "Aga linakwe hada inna bana dadiwe inna nauwa ai da makhona laigu?" ³⁵ Malaikat nadda balehawe mono linage tabarana, "Waddi Bihha enga ammini tabaramu mono kawaha nai Allah Kahada Madehta enga hamawo nagu. Yikwe oroge, Lakawa kadadi nimmila tenguna mono enga takki dani Ana Allah. ³⁶ Mono, kamu madam muge nadai Elisabet, ole baimu, hatinage batauge tillu katuna. Nyi ulluge hatakkida woto, batauge naha tibe lohho anni beyi. ³⁷ Oro, wale lakma kama hada aika dadi tubanai Allah." ³⁸ Mono, Maria linage, "Tau takka nage, nauwa inne ata nagei Mori. dadi kawe tabaragu katauna yau hatakkimu inna." Bege, malaikat nadda kako nage tannani nyi. Maria Hadikki Nage Tai Elisabet ³⁹ Ta laddo inna, Maria naha inyaka geha kako ta kalingora kaha letena, ta wuha harona ta Yehuda. ⁴⁰ Nyi tama ta ummai Zakharia mono nayiwe kamaringina tabarai Elisabet. ⁴¹ Kolei Elisabet rangewe maringinai wali tai Maria, anana lari ta tina takahho kanage monoi Elisabet na bannuni Waddi Bihha. ⁴² Bege Elisabet na kawula waige lina ka mawangta, "Ka nyuruwu yaula ta jonga tangana lawai, mono namaringina anamu ta timu. ⁴³ Iyawa nauwa dajalage inyana Morigu mai tabaragu? ⁴⁴ Tau takkage, kole limu kamaraingina dikiwe ta katillugu, ana lari ta tigu na talahoka oro lagaharana. ⁴⁵ Maringi kana nyi kaha tenawe agawe hatakki nai Mori tabarana enga na banuge." Maria Na Ma Nyanyi Tubanai Allah ⁴⁶ Nyiwe, linagei Maria, "Dewagu naha manadai Allah, ⁴⁷ mono Waddigu lagahara tabaranai Allah, Hadda Hoilagu. ⁴⁸ Oroi, Allah na yapudi ataNa ka libawa nada. Rangewela, wali batauge mono kahha nimmi, tangana dalara ata enga takki nani maringina. ⁴⁹ Oro ba Nyi Ka Hadda Bikta parehana na rayi bege hada kama dakka tabaragu, mono tengugela ngaraNa. ⁵⁰ ManawaraNa na yiwe wali dihha dalara-dihha dalara, tabarada ata kama dautani Nyi. ⁵¹ Nyi naha tingo bege kawahaNa waidi limmaNa. Nyi hai- hainadi ata ka baibo lari taha ngada atena. ⁵² Nyi naha burruni tanana ka kawaha wali taha dau ngododa yidda, mono tanadi ata kalibawa atena. ⁵³ Nyi naha boktayi ata kalabba waige kadahha, tabolo ka wugayi ata pote kako waina limma kaluyo. ⁵⁴ Allah na yibewe matulluna tabarada Israel, ataNa, oro bana apewe maradda ateNya. ⁵⁵ Katauna aga bewe hatakkina N yi tabara ama weda waikada yitta, tabarai Abaraham mono ana huhuna kahha ana murri." ⁵⁶ Mono, Maria engana tai ummanai Elisabet tauda wulla mojage, nyiwe nyi hagga nage ta ummana. DADI NAI YOHANES PEMBAPTIS ⁵⁷ Batauge dikki nage rahige tubanai Elisabet bana ha ana mono nyi bana hadadini wu ana kabanina. ⁵⁸ Tangada ole bara ummana mono ole baida rangewe innai Mori naha tingo bege marada ateNa kahada madakka tabarai Elisabet, mono yidda da lagahara dangani. ⁵⁹ Taladdo kapodo patana yidda ammidi kapiku kabunyini lakawa nadda. Yidda kabu atege ha ngarani lakawa nadda Zakharia, tujawe ngara amana. ⁶⁰ Ta nyiduwe, inyana linage, "Walekma, nyi ha nagara dahoni Yohanes." ⁶¹ Ata nadda linnage tabarai elisabet, "Wale lakma wuak ata ta jonga ole baimi ka ngara kataudana inna." ⁶² Bege, yidda da kabaddini Zakharia kapiku kanukayi tabarana, aga ngara dahho ha tauyi tabrana nada lakawa. ⁶³ Zakharia naka rai wu kapabala dau tolha, mono na tolhawe inna: "Ngaranai Yohanes." Mono, tangana ata da hangatara. ⁶⁴ Inna mema dummo, banai Zakharia ma bugerawe mono lammana na hoilawe. Nyi dummo kapu nage daikayi Allah. ⁶⁵ Tangada ole bara ummana yidda dadiwe bada madauta mono inna kadadi da dulka dangage ta tangage deha kabodi letena Yudea. ⁶⁶ Mono, tangada ata karangewe hada inna daka nukkawe ta ateda yidda, "Enga dadi aga nage lakawa nimmila?" Oro, limmanai Mori na oleni. Zakaria Na Hamanadai Allah ⁶⁷ Zakharia, amanai Yohanes, dummo na banuni Waddi Bihha mono na huru bale, linage, ⁶⁸ "Mahadiyila Mori, Allah Israel oro Nyi banamai ha dikkibe mono kahka beyi ana huhuNa. ⁶⁹ Nyi naha kadde beyi kadu hoila tubada yitta wali ta ana huhui Daud, ⁷⁰ katauna hatakki bena Nyi lededi bada nabi-nabi Na ka tenguna wali ullu ge ⁷¹ dajalage yitta kaha hoilada wali ta muhhuda yitta, mono wali ta limmada tangada ata ka butuda ate yitta. ⁷² Nyi na rayige bana ha tingoge manawaraNa tabara weda waikada yitta, mono oro Nyi apewe ha jajiNa ka tenguna, ⁷³ halinawe haura Nyi hatakki bena tabara weda waikada yitta, Abraham, ⁷⁴ inna yitta enga pahoilada wali ta limmada muhhuda yitta dajalage yitta dadiwe hanukkuyi Nyi tillu ai madauta, ⁷⁵ lari te tenguna mono tenana ta arona- Nyi, taha dukka morhada yitta. ⁷⁶ Mono yau, anagu, enga ha nagragu nabinai Allah Ka hadda Madehta, oro yau enga kako ullumu wali ta Mori, kapikku ha inyaka nani lara tubana-Nyi. ⁷⁷ Kapiku yini yappawe tutu manemara tabara ana huhu-Na ledege hawalidi tangadi jalada yidda. ⁷⁸ Oro mardda mono manawarana Allahda yitta, magakaha Mata laddo enga ha magakaha nada yitta wali taha dau madehta ⁷⁹ kapiku hama gakaha nadi yidda ka engana lari ta kapagta mono kadana lari ta mawo mate, kapiku irru dadi leduda yitta aro ta lara moli kamaringina." ⁸⁰ Nyiwe, lakawa nadda na matuyo kiki madakka, mono kiki kulha nage lari ta waddi. Nyi na engana ta marada gilra kahha dikkige rahige bana ha tingoge tauna ta barada Israel.