¹ Amige linai Mori tabrai Yunus,Anai Amitai,lina dawe pnyige, ² "Kadewuge,kakowu ta Ninewe,harona kamadakka inna,mono kamu kawuladi yidda oro japatada na diki bewe tabaraGu." ³ Ta nyiduwe,Yunus naha inyaka wikina malai ta Tarsis,marau wikina wali tai Mori.Nyi nakako ta Yafo,mono na dikini wu Kapala ka kao ta Tarsis.Nyi na bayarana kahewa kakona,lodoge na oledi kako yidda ta Tarsis,marau wali tai Mori. WARATA KALLA ⁴ I Mori naha buruni warata kalla ta bannu,dajalage warata Kallayi ta bannu nyiwe nada kapala hodi mowe bahhana. ⁵ Kanidi Kapala da madauta,tanada ata da kawula ta allahda,mono yida da baitadi gawuda wali kapala lari tabanu kapiku lewarana.Ta nyiduwe,Yunus naburru ta kapala,lohho abaika,mono na mangatra dura. ⁶ Ami nige kangidyi kapala ta barana mono linage,"Aga lina dawe yau dadiwe mangatra dura? Kaddewuge,kawulawu ta Allahmu! Baragga rangekna Allamu nada bana hamatarada yitta daja lage yitta ilada li loko." AHHA WARATA MANA DADI? ⁷ Da hanewe diha-diha,"Maida yitta kada tau mowala dajalage yitta kada tadayi oro iya nage bana dadiwe kadadi inne bana birakada yitta." Yida dumo da tubana mowala,mono mowala nada yanada tabarai Yunus. ⁸ Lida dage yidda tabarana,"Tak mage tabarama nami batauge,iyai karaidage yitta mayilla.agawe ha ullamu? Gi dau wali yau? Gige haronamu? Mono,kabihu ata giwu dau walimu? ⁹ Baleha nage tabarada yidda,"Nauwa wuwa ata Ibrani,nauwa maduta guni Mori,Allah kadauge langta,kadadige bannu mono tana yara." ¹⁰ Ata rada da madauta,loho lidage yitta, "Agawe bewe yau harayimu?-- oro,ata rada tadawe ba nyiyo kamalai wali ta aronai Mori oro nyi bana takkiwe tabrada yidda. ¹¹ Yidda da kanukayi,"Aga dahho harayima tabaramu dajalage bannu kana kanawawe mono ilna arolgama nami,oro bannu kiki bani nage." ¹² Linage tabarada," Keketawa mono baitaga nauwa lari tabannu,nyi dahowe bannu bana kanawawe tabarami.Oro nauwa ug tadawe,oro ba nauwag ge nada warat kalla mana aro gimi." ¹³ Lohho,ata rada da waige kulhada bohe bada ngidyi kapala nada ta haga ta tana yara,tabolo yidda wale na dadik mawe oro bannu kiki hangalung nage arodi yidda. YUNUS DA HOKUNI ¹⁴ Da kawula yidda tabara nai Mori,lidage,"O Mori,ilam ha liloko gama nami oro ngahuna nade ata,mono ilam hatagu kamage rana ata aika jala nade,oro Yau,o Allah,um rayi bege dokuge Yau hakabu atemu." ¹⁵ Bege yidda dakke tayi Yunus mono da tubani lari tabannu,mono bannu na ngahuwe banige. ¹⁶ Ata rada da madautani Mori,loho da yiyo maraka ha ropo tubanasi Mori lohho da rayige katukkuge. ¹⁷ Mori na yanani wu kaboko madakka barrotani Yunus,monoi Yunus na engana lar ta ti kaboko tauda lado mono tauda gadina mojana.