Yesus Naha Deda Lawikina Ta Kapituna Ana Hakodona ¹ Bege, Yesus naha dedala wiki walna ta ana hakodoNa ta hoba Tiberias. Nyi naha dedala wikiNa waige hada katauda dana: ² Simon Petrus, Tomas ka ngara lebana Didimus, Natalnael wali ta kana ta Galilea, anai Zebedeus, mono duda ana hakodo wadeka kama kaha. ³ Simon Petrus linage tabarada yida, "Nauwa kako guge yappa kaboko." Yida lidage tabarana, "Nami kako jala mage olegu." Yida tangada kako huna mono panne ta tena, tabolo tara gagadi inna, lakma hakoleda aga ana. ⁴ Kole ba manari damma nage, Yesus na dede tahupu hoba, tabolo ana hakodo waleda tadak mayi ba nyiyo Yesus. ⁵ Nyi linage tabrada yida, "Ta anaGu, dakakna kabokomi?" Yida dabalehawe, "Lakma." ⁶ Nyi linage tabarada yida, "Tubage jalamu tabara kawana tenamu, mono mi enga kolemi." Nyiwe, yida da tubage jalada, tabolo wale dadik mawe tingi hagawe lar ta tena oro butadi kaboko. ⁷ Oro batau da dage inna, ana hakodo hamanawara nai Yesus linage tabraai Petrus, "Nadai Mori!" Kolei Simon Petrus rangewe bai Moriyi, nyi natauyi kalabena oro bana kalolu bana ulana, mono buru lari ta hoba. ⁸ Ana hakodo wadeka ammidi waina tena mono tingiwe jala kabanuna kaboko. Oro, yida aida maraumo wali ta tana yara, baka tutu kawe duda ngahu hastage. ⁹ Kole yida bada diki ta tana yara, yida daetawe malaga latti loho kaboko mono roti ta panuna. ¹⁰ Yesus linage, "Ngidiyi kapirana rammi kaboko abbu hayapami." ¹¹ Simon Petrus panne ta tena mono tingiwe jala kabanuna kaboko madaka inna ta tana yara, butadi ngahu lima kabulu taudayi. Loko batauda dudi butadi jala walena majir rak mawe. ¹² Yesus linage tabarada yida, "Mai mono yamige."Wale wu hing mana wali ta ana hakodo rada kabani atena kanuka tabaraNa, "Iyawu Yau?"oro yida tadayi inna Nyi bai Mori. ¹³ Yesus ammini mono nagalayi kababa rada loho na yidi tabarada yida. Tauda dumoge bana rayiGe rada kaboko. ¹⁴ Inna yiwe hatauda wuda wai Yesus ban padedala wikina tabara tangada ana hakodoNa Nyi bana be hakadde wali tajonga ata mate. Yesus Nakaraiyi Petrus Kana Jawa Nadi Bebena ¹⁵ Kole bada be hayayo, Yesus linage tabarai simon Petrus, "Simon, nai Yohanes, Apa yau manawaraga Nauwa rehi wali tangada rade? Petrus na balehawe, "Tenawe mori, Yau um tadawe inna nauwa manawaragu Yau." Bege, Yesus linage tabarana, "Jawa gadi ana bebeGu!" ¹⁶ Yesus lina walige ha duda wuda waina tabarana, "Simon, anai Yohanes, apa yau manawaraga Nauwa?" Petrus balehawe, "Tenawe Mori, Yau um tadawa inna nauwa bagu manawaragu." Yesus linage tabarana, "Jawa gadi ana bebeGu!" ¹⁷ Yesus linage tabarana hatauda wuda wai, "Simon anai Yohanes, apa yau um manawaraga Nauwa?" Atenai Petrus dadi maropowe oroi Yesus naka nukayi hadal wudana, "Apa yau um manawaraga Nauwa? Loho, Petrus linag tabaraNa, "Mori, Yau um tadawe tangage. Yau um tadawe inna nauwa bagu manawaraggu Yau!" Yesus linage tabarana, "Jawa gadi ana bebeGu! ¹⁸ Nauwa ug takiwe katau takkana tabaramu, bamu bodi howu, yau dau um katie bagemu mono um kakowu ba giyo hakabu atemu;tabolo dage rahigela yau bamu katuna, yau um pajoladi limamu mono ata wadeka enga kati daguge bagemu, mono ngidiwu taha dau aiha kabu atemu." ¹⁹ Yesus na takkiwe katauda dana tutu hataingo nage hada matenai Petrus enga hama nadai Allah. Mono be hatakkiwe innage, NYi linage tabarai Petrus, "Dokuga Nauwa!" Agawe Kadadi Tuba Anaha Kodo Hada Manawa Rana? ²⁰ Petrus na gilaka mono etayi ana hakodo hada manawaranai Yesus tamrada dokudi Yida. Nyikna ana hakodo kangodo tabarai Yesus pa pakula gadi katenguna mono kanuka, "Mori, iyayi ata kama lajaGu Yau nada?" ²¹ Kole ba etayi nyi, Petrus naka kanuka tabarai Yesus "Mori aga linada nada nyi?" ²² Yesus na balehawe, "Nyi Nauwa bagu aukawa nyi ka engana morha kaha ba am hagaga, wale yau ma kaorhawe? Yau dokuga Nauwa!" ²³ Nyiwe, hanewei Yesus inna na dikiwe tajonga dalara ole baida rada ana hakodo nada enga walena matekma, tabolo duk dahege ban hanewe, "Nyi bagu kabu ategenyi kana engana morha kaha ba am hagaga, wale pa orhak ma muge?" ²⁴ Nyi ana hakodo kapa delakage tubage tangage inna, mono katolha bewe tangage inna, mono yitta tadawe inna hadelakana tenawe. ²⁵ Buta jala hoyi wadeka ha rayi beni Yesus, ba nyi tolha kahayi diha-diha, nauwa ug yapawe tangage panu tana inne dumo wale natutuk mawe tangage jurata ba tolha dahoyi rada.