Magaha Kabanningna Ammi Bege Tapanu Tana ¹ Tapuge li hewe, Li inna naha mere dangani Allah mono li inna yiknai Allah. ² Li inna na ole beni Allah wali puge. ³ Tangadi hadadi nadi ledeni nyi. ai nyika, tangdi kadabena rade wale na dadik mawe ba dadi. ⁴ Neda lar ta nyi dage morha mono morha inna yikwe magakaha kadadi ata. ⁵ Magaha inna na rewowe neda lari tapagta, monokapgtana walna pungak mage. ⁶ Dani wu ata halewa Allah, ngaranai Yohanes. ⁷ Nyi namai ba nyi ka etawe kaha dikige pa etana tutu magakaha inna daja lage ledeni tangana ata nadadi hatena. ⁸ Yohanes dau wale nyikma magaha inna, tabolo nyi na mai padelakage tutu maga kaha inna. ⁹ Maga kaha kabanning na, naha magahadi tangana ata, enga ammini tapanu tana. ¹⁰ Magakaha inna dage tapanu tana mono panu tana inna paha dadi naGe, tabolo panu tana walena tadak mayi Nyi. ¹¹ Nyi namai badau naDi, tabolohadauNa rada wale dahibak mayi Nyi. ¹² Tabo, yida kahibayi Nyi kawaha tutu dadi anai Allah, wale iyak mayi yida kaha tena tanara ngaraNa. ¹³ Yida dadi wale wli tarakma waleeka kamakdi kanayo, wale kamak kabani, tanyiduwe walt tai Allah. ¹⁴ Li inna naddi kanabewe mono bage tajongada yitta. Yitta da eta bewe manada na, halinawe manada Ana nahaNai Ama, kabanuna kanyuru mono katena, ¹⁵ Yohanes na yiwe padelaka tutu Nyi waige bana kawula, "Nade Nyikna hakabu ategu nutu bagu takkiwe na, babe nauwa, enga ammini Nyi ka ulu wali ta nauwa oro Nyi dabeni ai nauwaho". ¹⁶ Wali kabunuNa, yitta tangada na hibawe kanyuru li kanyuru. ¹⁷ Oro, uku pareha Taurat payiyo ledeni Musa; tanyiduwe kanyuru mono katena amige ledeni Yesus Kristus. ¹⁸ Lakma wuak ka kali etayi Allah, ta nyiduwe ana nahai Allah, kadana tababa nai Allah Ama, nshs dedoGe. Padelakana Yohanes Pembaptis ¹⁹ Inna nyiwe paha delakai Yohanes kole ata Yahudi halewayi rato-rato mono ata lewi wali ta Yerusalem tutu kanuka tabarai Yohanes, "Iya duwu yau?" ²⁰ Yohanes na maku, mono walena kaballik ma, nyi mangaku, "Nauwa wale Kristus mawa" ²¹ Yida da kanukka tabarana, "Nyi batu dage iiyawu yau? Inna yau Eliawu "Nyi nabalehawe, nauwa wale Eliak mawa." inna yau Nabiwu? Nyi nabalehawe, "walekma". ²² Bege, yida linage tabarana, "Iyau yau, oro nami ma yho balehama tabara ata kaha lewama nami? aga na ha takkimu tutu tau daumu?" ²³ Yohanes na balehawe waige hatakkana Nabi Yesaya, "Nauwakna li ata hatakna Nabi Yesaya kawula ta marada gilra: "Hlurhayi lara tubai mori!" Yesaya 40:3 ²⁴ Ata Yahudi halewa rada ata Yahudiyi. ²⁵ Loho, yida lidage tabara Yohanes, "nyi yau walei Mesias maw, wale Elia ak mawu, mono wale Nabi jalak mawu, aha yau mamu harihawu?" ²⁶ Yohanes na balehayi yida, "Nauwa ug harihawaina we, tabolo tajongamu nadade wu ata ai hatadami miyo. ²⁷ Nyi nami ka amna kole nauwa. Bugeradi kalari kopa leduNa, nauwa walena nadadik mawe." ²⁸ Tangage inne nadadiwe ta Betania, tbali lai we Yordan, taha dawu harihana Yohanes. Ana Bebei Allah ²⁹ Dama hege tana, Yohanes na eteyi Yesus ba amini tabarana, mono Yohanes linage, "Etayige, Ana bebei Allah ka hopiyi jala panu tana! ³⁰ Nyikna la nauwa haluguna kole bagu hanewewa, 'Kole nauwa enge amini wu ata ka rehi madaka wali tabaragu oro nyi dabeni wali nauwa. ' ³¹ Uluge, nauwa walegu tadak mayi Nyi, tabolo dajalage nyi baha dedoyi tabarada ata Israel, nyiwe nauwa magu maiwa hariha waina weyo." ³² Mono, Yohanes aha delakage, "nauwa ug etayi wadi buru wali talangta tujana kagukku maupa mono wadi nada engan tabaraNa. ³³ Nauwa dau walegu tadak mayi Nyi, tabolo Nyi naha lewawa nauwa tut hariha waina weyo linage tabaragu, 'Nyi tapanu katakna miyo um etayi Wadi buru mono engana, Nyiknala kahariha waina Wadi Biha. ' ³⁴ Nauwa dawu ug eta beyi mono ug yibewa padelaka inna Nyi nadela Ananai Allah."' Ana Hakodonai Yesus Kawungana ³⁵ Dama hege tana, Yohanes dede wal nage oledi duda ana hakodoNa, ³⁶ mono nyi na etayi Yesus katamra kako. Yohanes linage, "Etayi ge, Ana Bebe Allah!" ³⁷ kaduda ana hakodona rangewe hatak na inna loho yda da dokuni Yesus. ³⁸ Yesus na gilaka talirana mono kole yida ba tamrada dokuNi, Nyi linage tabarada yida, "Agayi hama yegami? "Yida da hanewe tabaraNa, Rabi (kaha hamera dana: Guru), gi dawu engamu yau?" ³⁹ Nyi linage tabarada yida, "Mai mono mi enga eta mige." Bage, yida amidi mono etayi taha dauna Nyi haduna mono yida da oleNi lado neda oro mahigo inna batutkawe jam kabulu. ⁴⁰ Wu ata wali kadudana ana hakodona rangewe hatakna Yohanes loho dokuni Yesus nada yida Andereas, amgu wunai Simon Petrus. ⁴¹ Andereas aina, taboka hoyi Simon, ole baina, mono bana tak nage, "Nami ma tabo kabeyi Mesias ( bs pahawe nadadiwe 'Kristus').'' ⁴² Bege, Andereas nangidiyi Simon tabarai Yesus. Yesus na torroyi Simon mono linage, "Yau Simon, Anai Yohanes. Yau ka ngara lebana Kefas (ka manu ngihina 'Petrus' waleka 'watu')." ⁴³ Dama hege tana, Yesus na kabu atege kako ta Galilea. Nyi natabokayi Filipus mono linage tabarana, "Dokuga nauwa!" ⁴⁴ Filipus waliana ta Betsaida, harona dau daunai Andereas mono Petrus. ⁴⁵ Filipus natabo kayi Natanael mono linage tabarana, "Nami ma taboka beyi Nyi ha tolhanai Musa lar ta liyo Ukpareha Taurat mono tangada Nabi, halugunai Yesus wali ta nasaret, anai Yusuf." ⁴⁶ Natanael linage tabarana, "rahi mai kakkinagege wuak kadaha wali ta Nazaret?" Filipu linage tabarana, "Maige mono etayila." ⁴⁷ Yesus naetayi Natanael amin tabaraNa mono naha newege tutu Natanael, "Etayige, wu ata Israel kalangna, wale lakma wu ak ka paleka lari Ta Nyi!''' ⁴⁸ Natanael naka nukka "Aga lina dawe yau tabawa nauwa?" Yesus Nabalehawe, "Aina kamaikahogu Filipus, Nauwag etabewu kole yau badagu takabu pu kapulota, " ⁴⁹ Balehawe Natanael, "Rabi, Yau nai Ananai Allah. Yau na Raja Israel." ⁵⁰ Yesus Balehawe mono linage tabarana, "Oro Nauwa baluguge tabaramu, 'Nauwa ug eta bewu takabu pu kapulota, ' nyiwe yau mamu hatenawu? Mi enga eta midi hada karehi madaka wali rade!" ⁵¹ Loho, Nyi naha kitage takanage, Nauwa luguge tabaramu, mi enga eta mige langta mabugerawe mono Malaikat Allah panne burru hanukkuyi Anana kadadi ata."