(Saling Menolong) ¹ Taa, Bag olebaigim, badaka ata hakolem kalaiwe liharayi ata miyo kaengahone ta alara katena umpahaga dahoni nak ata katauda hadana waini wad biha kamaloya. Umhamatara wikkim tannam kaillam hadokum mon. ² Hatullu-tul wikkimlah. Bamu hakakowe morhami kana banuge bam dokuge ukge parehanai Kristus. ³ Nyi badaka ata banning kalinna, be wale tauda kelmoge , kawoho wiknage. ⁴ Maida dihha ata kada kaba wikida harayida. Halege, bana torowikdauna, monno bana hameradi ta ata wadeka. ⁵ Oronage, tang'ngadda ata da tagdaudahodi haditada. (Tetaplah Melakukan Hal yang Baik) ⁶ Iyai kakolena lihanuwa walta linai Allah nyio nabahe kahha dahowe kadahha walta ata hanuwana. ⁷ Iyam paallekau. Allah walena baimage bama lengo waini oronage ata nakoledauwuge liha rayina. ⁸ Ata kahabbra karayige kabokala nakolehoge aika dahha oro bokalana. Tabollo, ata kahabbrage waina wad Biha nyika kolege morha aika man dukkana walta Wad Biha. ⁹ Illado lojaka rayige kadahha. Nyi badikkage rayige, dakolege mat aida loja. ¹⁰ Nyiba nyiduwe bada kolena maloga, mai kada raina kadahha tabara ole atada, tubage ta olebaida kahha tena. (Paulus Mengakhiri Suratnya) ¹¹ Torroi pirra toudi madkkadi hatolhag tabaramu waiyid limma dau'ug. ¹² Rado ata kabaige hatingngoge kadahha walta hada atana kaduhhawu kabunyi [sunat]. Yidda karayige kataudana kailladama nyillawu oronai kadailona Kristus. ¹³ Yidda kabunyi [sunat] daumu illada dokukadi ukku taurattu, tabollo yidda daka makge yidda mi bami kabunyi [sunat] homi da jalage yidda kana dadiwe yidda bada boggang dangage tauda oroge bam kabunyi [sunat]. ¹⁴ Mali i'g boggang ngukwa helena tabarai Yayi Hadailona Tuhan da yitta, Yesus Kristus. Ledena ta yayi kadailo-Na, pan tana kadailobege tubagnauwa, monno nawwa ta pan tanauwa. ¹⁵ Kabunyi [sunat], monno aika bunyi [sunat] lakma gauge. Kabanningna hibbawe morha beru. ¹⁶ Tangngad ata kahha kakowe yinne ukku, nyikanna engage yinna ma ringngi monno malala kanna engage tabarada monno tabarad Israel dau daunai Allah. ¹⁷ Tamurge, illa laka ata kahha pitoga nauwa [paulus] oroge ug'ngidwe tad'kanna Marabba Yesus ta tauwuggu. ¹⁸ Bag olebaigim kanyuru kage marada ate Morida Yesus Kristus ka'daa ole dangnga gim. Amin