¹ Mori rai gela ta atamu kadaha monno katijana orogemi bam tadawe Mori ta surga. ² Mikung sembayang, monno hamatarage monno halan manuta. ³ Sembayang jala kimage tut ma nami tanammu Allah kana bugerage binna tutge lina tanam nami kadikgege memproklamsikan kabun ge Kristus, oro nage mag tamawa ta gall. ⁴ Sembayang tanam nawwa kagu kolege hadikge ka tautakana ba'aga nawe hatakigu. ⁵ Hahiba wikina bam baige tabarada ata-ata tabal haddi monno waige mahiggo waige kadahha. ⁶ Yama dage hanewemu kana ban ge manawarana na hamah waige mah, tanam kam tadawe hada baleha tabara tang kahada ata. ⁷ Tikhikus Dulka kahawe li tut ge nawwa. Nyiyo olebai hatena yita hamanawara ledu limma ka mikung, monno ole ulla tabara Mori. ⁸ Nawwa gu halewayi tabaramu dau aro tanammi kam tada gamage tut ge nami monno tanam nyiyo kama kole kulha ta atemu. ⁹ Nyiyo enga dahoge bana mai oleni Onesimus, olebai hatena yita kamikung monno hamanawara, wu ata wal ta yida. Yida takki tangkahage tangage kadage nehe. ¹⁰ Ole ta gallugu, Aristakus, hahidna maring tabaramu, tauda jalanai Markus, ana kabinena Barnabas tutge nyiyo miyo hibamige hatingona; Hibakiwe nyila bada mai tabaragu. ¹¹ Monno maring wall tai Yesus, kamaikana Yustus, ta jonga ole haulla gu kalingora parehai Allah, kanna dahege yida wall ta kalingora ata kabunnyi, monno yida ka'agu atewa nawwa. ¹² Epafras, ole atena, ana ata Kristus Yesus, monno ngidna maring tangamu. Nyiyo enga dauge banna hadege lar ta sembayang tubami mi kaenga dauge miyo dede didaramu monno hatena kabanga lar ta hakabbu atenai Allah. ¹³ Nauwa engage bagu yini batada aganage nyiyo bana butawe mayilla halina tubam miyo monno tuba yida kadaha ta Laudikia monno hiera polis. ¹⁴ Lukas, Dokter kamanawarana monno Demas kangidi tubamu. ¹⁵ Hadikge maringi tabara angwumu hatena ta Laudikia, monno ta nimfa monno kangote kadana ta ummamu. ¹⁶ Bam kale bahawe jurrata tabaram, baha dajalage yida tabara kangete ta Laodikia, lodo, baha dummuwe jurata inne tubada kangote ta Laodikia. ¹⁷ Hatak nage tabara Arkhipus, "Kam hamatarage dajage mi kam bewe wu haullana bag bewe hibawe wal tai Mori." ¹⁸ Nauwa, Paulus, batolhawe bana hangidwe inne bana waige limana dau apeila kokagu kanyurge Allah kana kolegimi miyo.