¹ Kawali tai Paulus, kadadi Rasul na Yesus Kristus oroge hakab atenai Allah. Mona kawli tai Timotius olebaida ta hatena. ² Ata kahatena kamuraha monna ole baida kahatena ka doku maneni Kristus ta Kolose manawara ta baramu monna maringi malala kawal tai Allah Amada yita. ³ Bag sembayangna tangamu, nami engama bamma manuta tabarai Allah, Ama wal ta Morda yitta Yesus Kristus, ⁴ Oronage bamma rangewe tut hatenamu ne tai Yesus Kristus monna manawara ha kolemmu tangada ata kahatena kamurraha. ⁵ Inna hatena monna manawara na huddawe oro namandeda beha gannabe tangamu ta sorga, beha rangngebemu ne ta li nai Mori katena, ne ta li ege ate. ⁶ Na li ege ate na dikki we tabarammi lohho ta tangkahage pantana monna na li ege ate naha kitage banna kolege ngihge monno na uwarawe, ka tujjana kadadi ta barami, wal na laddo wungnga rangemige monna bam yappawe manawaranai Allah nedo takatena. ⁷ Miyo hanuwabewe tut ge inne kawal tai Epafras, ole ullama nami hamanawara, kadadibe kaullana ha ullanai Kristus ka doki manege ta barama mi. ⁸ Nyoyo kabadda takwe tabarama nami tutge manawaram ne ta Wad bihha. ⁹ Oroge inna, wal na laddo wungnga rangnge mage nami walle mangahuma sembayangna tangam miyo monno makaraiwe tamnammu Mori kapannum miyo waige angta ne hakab ate-Na ne ta tangngage tada monna mayappa tutge hatena. ¹⁰ Kole bataudage yau'um kolege morha waige hada kamayannana ta aronai Mori, kahaegei-Yi tangngage harayi, kamag ngihge neddo ta tangadi harayi kadahha, monna natummu we ta angta tutnai Allah. ¹¹ Banna modahewe miyo kam kulha waige tangage kulha waige manadage bibta hareha-Na tannam kam kolege tangngage manuddu monna maloya waige ege ate. ¹² Kam manuta ta baranai Ama kaba bebe haraigim hayigim tagu tannam bam hibbawe daumu wal ta hak ata murraha neddo tamma gakaha. ¹³ Nyiyo nabebe hahoilada yitta wal ta bibta hareha kapagtana monna kahadikda yitta ta bara kalingngora Ana-Na hamanawara. ¹⁴ Nedo ta nyiyo, yitta dakolege hoila, hawaldadi doku jalada yitta. ¹⁵ Nyiyo mawo wal tai Allah ai hayanna mata, kaullu wal ta tangngadi parayi. ¹⁶ Oroge Ba-Nyiyo, tangngadi kadana ta surga monno ne pantana parayi, ha yanna mata monno aiha hayanna mata, langka hadau ngodo, kawaha, pareha, lohho kabibta. Tangnga kahadi rayi bedi li dani Nyiyo monno tangana Nyiyo. ¹⁷ Nyiyo badabeni ai dapodi ra ngara dukkadi, loppo tangadi radda parukka paha ole lari ta Nyiyo. ¹⁸ Nyiyo katakkudi wal ta tauyo, nyiwe kalingngora. Nyiyo dummo kawungngana, ka ullu wal ta jonga ata kamate tannammu Nyiyo kanna dadi ka dau pannu wal tangngakahadi. ¹⁹ Oroi, Allah nabaige tannammu tangngage hapan ben-Na engana lai ta Nyiyo. ²⁰ Li dani Nyiyo, tangngadi hamoliyi waige tau-Na waidi kadana ta pan tana lohho ta surga inna moli kamma joku ta pan yayi kapadailo. ²¹ Mi ulge li heka, muhhuni Allah lari ta pahangaddamu, monno rayidi hadda kajabata, ²² Na batauge miyo beha mol bemi waige tau ata atana Kristus lede ge mate-Na tannammu kamaraka waige miyo katauna maraka kamurraha, aika barre, monno aika otora ta aronai Allah. ²³ Bataudage, engamlah miyo tahatena, kadidara, kamaddona, aikagedo, wal tamannege le ege ate napa rangngemu, pa talarabe tabarada tangngada parayi ta kab langta, monno nyiwe kaha oro nauwa, Paulus, magdawa kaullage. ²⁴ Nabatauge, nauwa ege atewa ta til mayillagu orom mi oroge na lar takanagu nauwa ban waige agawe kadabbo lar ta til mayilna Kristus, oro tau-Na, na kalingora hatena. ²⁵ Nauwag dawa kaullana ta lingngora dokuge haulla papahadabe wal tai Allah pa yi tabaragu tubami tannam nauwa kag talarage li nai Allah waige kabanna. ²⁶ Nyiwe kabunyi kahatodana wal ta dihha dadde-dihha dadde monno dihha dalara-dihha dalara, tabollo na batauge pahadedowe tabarada ata paha murraha-Na. ²⁷ Allah nabaige hadedodage tabarada pirra tauge pote kabunyi kamanadana ne ta jonga ata heka, oronai Kristus badani ta miyo, nyiwe mamanne wal taka manadana. ²⁸ Nami matalarage tutna Nyiyo waige padeka monno hanuwani tangngana ata waige manyangngala tannam nami kamma ngidiyi tanngana ata kaannaa matu lar tai Kristus. ²⁹ Nyiduwe oroge, nauwa jalla mayilla monno joli, runge dokugee waige bibta pareha-Na kaullana waige kulha lar ta nauwa.