Salam dari Simon Petrus ¹ Wali tai Simon Petrus, atana mono lede limana Yesus Kristus, Tabara da yida icahibabewe hatena kaha marada hadauma cedege tangnai Allah mono hada hoilada yitta, Yesus Kristus. ² Waikage kanyuru monno Moli kamaringna majabolawe tubamu lartie tadamini rakanai Allah monno Yesus, Morda Yitta. Orang yang Dipanggil dan Dipilih oleh Allah ³ Rikta parehanai Allah kayida kanyuru tabarada Yitta tangage katuba ta Morha monno moraha, ledege bata tadai nyiyo kamaika beda yitta aridata manadana monno Dahara. ⁴ Ngidini, naka nyuru beda tabara yitta jaji Na kahadama dakala monno kamagu hina Dajalage waige jaji inna miyo dadiwe bamu hadoku ngalawe tubamu lari tamorhanai Allah, monno kamu hilpa wali karakta kadadi inne tapannu tana, kaha oroda manyarage hada Morha. ⁵ tauda dage hakadu ate, kamu karuhue katau taka-taklana tubage bamu tadawe hatenamu waiga mainyaka, mainyaka waige tada, ⁶ Monno tada waige patuetauda, monno patue tauda waige mapaha, mapaha waige moraha, ⁷ Moraha waige manawara ta ole baida, manawara ole baida waige manawara dika tangorawe dauna. ⁸ Oroge banakade tataumu monno bana kiki matabawe, yidawe miyo walena dadik mawe bamu lilokonu waleka walena wumami til tadamini Morda yitta Yesus Kristus. ⁹ Tanyiduwe, nada ata aika dana tangadi rada nyiduna ata aika eta hirawe monno kamoro oroge nyiyo bana dangage nyiho beha hahuraha beyi wali dohu jala alluge. ¹⁰ Nyiba taudage, olebaigu, Rehina karuhikikurla kamu tadu takkawe moyo bana tenawe hawaikawi mono hapede, orege bamu pahadawe nuyo rurge miyo bamu monunui. ¹¹ Waige kataunalage, bimma larita kalingo ra pareha aika dukkai Mori monno hadda hailada yitta, Yesus Kristus, engana naoma bugera tubamu. ¹² Nyidawe oroge, nauwa akabu ategu tutge bagu haapegeunige tangage uma lokko banu tada bahwe nuiyo monno hakadebemi waige didera lari ketenguna hadaubewi batauge. ¹³ Baengahogu nauwa Morha larita kareka panutana, ughagada dahoge bagu harumi miyo waige hoda hamanugimige, ¹⁴ oro, nauwagu tada inna nauwa enga geha tanage kareka imme tauna pahatingo be tabaragu kahada dedo tamorda yitta, Kristus Yesus. ¹⁵ Monno, Nauwa enga kuruhuwe waige ka lutagu kabaina tutu bagu pahadamige kaengage nanuwe tangage imna kalebagu kakowa. Saksi Mata Kemuliaan Kristus ¹⁶ Oro nami walema dokumage kanoge-kanoge parayi waige hangada naaniki bakole hatingo gimige tabaram bikta pareha monno maina Morda yita, Yesus Kristus, tabolo oro nami ka eta madawe tuba mamada na. ¹⁷ Oro kale Yesus libawe dige monno naanada wali kai Allah Ama, kadujana badakwe tabarana ledini kahuda manada "Nyikna nade anagu hama nawaragu, tabarana nauwa ungkabu ategu". ¹⁸ Nawi marange jalane inna liyo kamai wali ta sorga kale bama maranga ole dangana tapanu lete murahana. ¹⁹ Nami domo kiki hadenawe waige hatakki hurbale, loho bana moda, hewe miyo kamu hamatara hadahage, tauna bamu hamatarage latiweyo karewo taha dawu kapagtana, kaha kokoka monno bana hadda lado lari taatenuru. ²⁰ Tabolo Yiwe, Kahada bannigna hayapa homla wale ladaknua hurbale lari ta jurata biha kawali tapa hayada deta. ²¹ Wale lakma wuak harbale kahuda wali kamak ate ata, tabalige, ata enga hanewe da waige ngarai Allah dokuge mairuma ngahu katengna.