Maringna wali Tai Paulus ¹ Paulus, wuata Ledelina Kristus Yesus dokuge hakabu atei Allah mono Timotius, angwuda yitta, tabara kangote Allah kadana ta Korintus loho tangada ata kamuraha kadana bali ta Akhaya. ² Kanyuru tabaramu mono moli kamaringna waltai Allah amada yitta mono morda Yesus Kristus. ³ Nahakanyuru kami Allah mono morna yitta, Yesus Kristus, ama kabana milla atena mono Allah Agu Ate. ⁴ Kagodo kokom miyo lar tangage mayillama nami dajalage nami jala dadiwe Agu Ate yidda kadana tatillu mayilla kabuta waige Agu Ate, lohho dimawikidawu Agu Atemai Allah. ⁵ Oroge, katauna tangnga ngara mayilla Kristus bana banuge lar tanami, tauda jalanage Gau Ate nami majabolawe ledeni Kristus. ⁶ Nyi nami bama mayillaka, tangage tubage Agu Atem mono hoilamu. waleka, nyimami Agu Ateka, tangage Agu Atemu, karayi ullada lar katahina tapanu tangage mayilla kahamera, hapada jalama. ⁷ Nami mamannege tabarami bamu diddara oroge nami bama tadawe bamu ngala jalawe mayilla nami, tauda jallage nami mangalawe tubama lar tagoda kokoma nami. ⁸ Bagu angu wugimi, nami walema kabu atekmage miyo aimu tada waliwe inna mayilla nami hapaddama ta Asia. nami mapaddage bibtage rehi walita kulhama nami dajalage bana batai pahangaddama bama engana moriha. ⁹ Banningge, nami madauge liyo hoku mate lar ta tau wikidauma nami dajalage illama manne wikidauma tauma nami, tabollo tabaranai Allah kaha kaddebe ata kamate. ¹⁰ Nyiyo kaha lohota bema nami wali ta ata mate hamayiggi ate danga inna mono kapalohotama nami wali. tabarana nami mamanneni Nyiyo napa hoilama nami wali. ¹¹ Mi jalla mudokuge tulgama nami ledege sembayangumi nyi kana buta ata waiyi kalinada ledege ngarama nami oro marada manawara hayibe tabarama mami ledege Sembayangna ata buta. ¹² Nyiwe inne hamadakka ate dangama, wale agamawe pahuge ngihi atema nami bama morha inne tapanu tana, hada baning tabarami miyo, waige morha mono kalaku atei Allah, wale angta panu tana dakmawe, tabollo oro kanyuru wali tai Allah. ¹³ Oro, nami walle tolkhamawe hada wadwka tabaramu ai nyikawe kam bahabaemi mono hayappa bemi. hakabu ateg tannam kana rehina bannuge bamu yappawe. ¹⁴ Tauda jalanage miyo bamu yappa bewe wadeka tubama nami, wale agadakmawe inna nami nyiwe hamadaka ate dangama tauna mijalla nami bana dahhai atema, Taladdonai Mori Yesus. ¹⁵ Tamamannema, hakabbu ategu nauwa kagu mai ullwatahadauna dajallage miyo kamu kolege kanyurru haduyo wudda wai. ¹⁶ Baige bagu lo dikkimi miyo bagu kakowa ta Makedonialoppo miyo bana bana dadikawe bamu tulga bagu arowa kako ta Yudea. ¹⁷ Nyi batauda dage inna, nadadikawe ta till gedo pahangadda nauwa bagu hangaddage ? Walleka, agakawe hadinyakagu, nauwa gu hadinyakawe hada panu tana jalage tubagu dage kahamera "Ngo, ngo mono Walle, walle" ? ¹⁸ Kahatujja taunai Allah kamijja, hatakma nami tabarami wale nyidakmawe " Ngo " mono "Walle". ¹⁹ Oroge, Anai Allah, Yesus Kristus, hatalara tadalarami ledema nami, ledemoga nauea, Silas, mono Timotius walle nyidakmawe "Ngo " mono "Walle" tabarana Nyiyo. ²⁰ Oroge, tangge pajajinai Allah dukka hege "Ngo " tabaranai Kristus. nyidawe oroge, ledeni Nyiyo, mami hanewdage "Amin" nami tubage manadanai Allah. ²¹ Mono, Allah kahadidarama nami hamera ole dangami miyo tabaranai Kristus, kalewu beda yitta, ²² Lodoge kataubeda tadada yitta mono kayibeyi Waddi katengna taateda yitta kahamaddoda. ²³ Halegge dawege, nauwa kamaikani Allah ba nyiyo kaetagani urragu bana dadiwe taugu tabarami walegu mapik mahowa ta Korintus. ²⁴ Wale oro nami nana hareha tapanu hatenamu, tabollo nami ulla ole dangagimi tubage ege atemi oro tahatenamu, miyo dede diddarami.