¹ Ka dihhanna, nauwa hanuwagim miyo tutge bahha pannege maraino, sembayang, sembayangna tangngage, monno manuta tubana tangngana ata, ² tubada raja-raja, monnomtangngana ata kangodo kanarroge kahhareha tannam yitta nadadiwe bahha kakowe inne morha kadanna mol ta tangngage manuddu monno ha aka. ³ Inne na dahhawe monno namma homawe ta aronai Allah, Lede hoila yitta, ⁴ ka kabunni tangngana ata kanna hoila monno kahha tabara tadawe inne katena. ⁵ Oronage, wuda heiyi nai Allah monno wudahei kadadi lede ta jonganai Allah monno kadadi ata, nyi'kna nadde kadadi ata Yesus Kristus, ⁶ kayibe tau dau-Na tutge bappa holilai tangngana ka dadi ata. Inne hatakki ha dela be ta rahi pakatukku-Na. ⁷ Inne nyiwe tubagela, nauwa ma engage banna dadi pengkhotbah monno rasul -- nauwa ug takwenkatena, nauwa walleg kawohhkamuwa, -- monno ba wuwa guru larta tahhatena monno katena tangada bangsa-bangsa wadeka. Hada Kabani monno Lawai ta Ngote Jemaat ⁸ Oronage inno, nauwa kama'kduddi kabani ta hagala hadauwu da sembayangna da keketei limmada ka tengna illa wikagge bani monno ha gabbanna. ⁹ Katauda wi'knagge, nauwa kamaddid lawai badda waina kalabbe katijana, kanna bannukiddi kayannana monno kapat wikkinna. Rewa kokoda walle wumadaddi hakalippada, mahrara, mutiara, aiwalleka kalabbe kabi'kta hina, ¹⁰ tabollo harayi-harayi kadahha agalinnadahouwe tubage tala wai kamang hatenana. ¹¹ Wu'ata lawai nahha nuwa dahowe inne ka danna monno ta tangnga ngara manuddu. ¹² Tabollo nyige, nauwa walleg pahaimanna lawaiyi badda hanuwana lohho badda pareha kabani. Tanyiduwe, lawai enga daudahogge kdanna ¹³ oronage Adam nyi pahhadadi ullu, bege lodoge Hawa, ¹⁴ monno walle Adam da'kmai patipu, tabollo lawai daiyi patipu monno kamonu tamma laiyi. ¹⁵ Tanyiduwe, lawaiyi pahoilaiyi ledege banna dadi lakawa nyi yidda badda hakitanna morha ta hatena, manawara, monno katengnguna neddo banna pattiwe tauna.