¹ Diha wu kadabena wali kawungage, habebema harange, loho paeta, waibema mata nai, loho pamatara bema mono hajoja bema waidi limama, wale agakmawe ta bolo liyo kamorha. ² Morha inna maetabewi mono nami maetabeyi Nyi. Nami eta dauwe mono matalarage ta barami tubage morha aika dukana, kadabena maranga oleni Ama monno praha dela be tabarama. ³ Hada habebema ha eta mono range, nami matalara jalabege tabarami dajalage miyo jalla kamu pahada we kangote ole danga gama nami. Tau takka nage, kango tema nami inna hamera ole dangani Allah Ama monno Anana, Kristus Yesus. ⁴ Tangage inna nami matulla gimege tabarami dajalage kana bange lagaharami. Berjalan dalam Terang ⁵ Inne nyiwe liyo harange bema tubana nyi monno nami hadikmage tabaramu wale inyakmai Allah kama hagakaha monno carta nyiyo ladak mahingge kapaktana. ⁶ Nyi yitta balidage yitta dage kangoteda tabarana nyi, tabolo yitta bada morhaka larta pangtana, Yitta palledage monno waleda pahada hingmawe katena. ⁷ Tabolo, yitta bada kakoka lar tama gakaha, tujawe nyiyo balariyi tama ngakaha, Yitta nadadiwe bada kangetana diha-diha monno ranai Yesus, Anana, pamurahada Yitta wali tangage kajapata. ⁸ Nyi yitta badda haneweka inne yitta walle la'kina jala, yitta tipdagge tauwa dauda yitta monno katena walle la'kdamagge tabarada yitta. ⁹ Nyi yitta mangakkaddi doku jala da yitta, nyiyo namma nuddu monno matiba tutge baha waldaddi doku jalada yitta monno naha murrahadda yitta walta tangngage kajapata. ¹⁰ Nyi yitta badda haneweka wallema kalma howe rayina kajala, yitta da rayini nyiyo da'kdi kammatip monno lina walle la'kdamagge tabarada yitta.